5
نَصیحتانی دربارۀ بیوه زنأکأن، شیخَأن و غلامان
1
پیرِمردَکأنَ توبیخ نوکون، بلکی اوشَأنَ احترامِ مرَه نصیحت بوکون فکر بوکون تی پئرِد، و جوانانِ مرَه تی برأرأنِ مَأنستَأن گب بزن.
2
و پیرِزنأکأنِ مرَه خودتِ مارِ مَأنستَأنْ، و جوانِ دخترانِ مرَه تی خأخورانِ مَأنستَأنْ باعفت و پاکدامن رفتار بوکون.
3
بیوه زنأکأنی کی واقعاً کسی یَ نَئرد کی اوشَأنِ جَه مراقبت بوکونه یَ توجه بوکون.
4
ولی اگر بیوه زنی زأی یا نوه دأره، اوشَأن وَأستی خوشَأنِ مارَ بدَأرد، اَ زأکأن و یا نوه یان وَأستی یاد بیگیرد کی خوشَأنِ وظیفه و دینداری یَ خوشَأنِ خانه جَه شروع بوکوند و اول وَأستی خوشَأنِ پئر و مارْ و اَجدادِ حقَ اَدا بوکوند، اَ کارْ خدا حضورِ جَه پسندیده یه و اونَ راضی و خشنود کونه.
5
زنی کی واقعاً بیوه و بی کَسه، خدایَ توکل دَأره و روز و شبْ دعا و مناجاتَ مشغوله،
6
ولی بیوه زنی کی عیاشی و خوشگذرانی دونبال ایسَه، با اَنکی زنده یه، ولی در واقع بمرده دَأره.
7
اَ چیزانَ کلیسا اَعضایَ حُکم بوکون تا سرزنشِ جَه دور بوبود.
8
اگر کسی خو قؤمُ خویشِ احتیاجاتَ، مخصوصاً خو خانواده احتیاجاتَ فراهم نوکونه، اجازه نَئره خورَه مسیحی بدَأنه، اون ایتَه کافرِ جَه هم پست تره.9
9
فقط کسانی یَ به عنوانِ بیوه زن ثبت نام بوکون کی ویشتر جی شصت سال سن بدَأرد و فقط یکبار مردَ بوسته بِد.
10
علاوه بر اَن اون بیوه زن وَأستی دوروستکاریَ معروف بیبه، یعنی خو زأکأنَ دوروست تربیت بوکوده بِه، نسبتِ به غریبان مهمان نواز بیبه، ایماندارانَ خدمت بوکوده بِه، مُحتاجانِ دستَ بیگیفته بِه و هر کارِ دوروستِ جَه پیروی بوکونه.
11
ولی بیوه زنانِ جوانَ نام نیویسی نوکون، چون بعدِ ایتَه مدت کی شهوت و هَوس اوشَأنَ مسیحِ جَه دورَه کونه، خَأید کی دوباره ازدواج بوکوند.
12
و اَطو چون خوشَأنِ اولی عهدَ مسیحِ اَمرَه ایشکند، محکوم بود.
13
و علاوه بر اَن، تنبلی و خانه به خانه گردستَأنَ عادت کوند، و نه فقط بیکاری مرَه روزگار گوذراند، بلکی حَرف خَبَربور و فوضول بهد، و حرفهایِ زشتی زند کی اوشَأنِ گوفتَأن دوروست نییه.14
14
پس می نظر اَنه بهتره کی بیوه زنأکانِ جوان ازدواج بوکوند و زأی بأورد و خانه داری یَ مشغول بوبود، تا دوشمنان نتَأند کلیسا جَه عیب و ایرادی بیگیرد.
15
چون پیشترانِ رِه بعضی جی بیوه زنأکأنِ جوان مُنحرف بوبُستد و شیطانِ دونبال بوشود.
16
ایبار دیگر گویم، اگر مرد یا زنِ ایمانداری خوشَأنِ قؤمُ خویشِ دورون بیوه زنی دَأرد وَأستی اونِ خرجَ فَأدد و اَ بارَ کلیسا دوشِ رو نند، تا کلیسا بتَأنه بیوه زنأکأنی کی واقعاً هیچکسَ نَئردِ جَه نگهداری بوکونه.
17
کشیشانی کی کلیسایَ خوب اِداره کوندَه وَأستی دوبرابر حُرمت نَئَن، مخصوصاً اوشَأنی کی کارِ موعظه و تعلیمِ دورون زحمت کشد.
18
چون کتاب مقدس گویه:«گاوی دَهَن کی خرمن کوبَأنه دَنود» یا «کارگر خو دستمُزدِ مُستَحقه».
19
هر وخت کسی ایتَه جی کشیشانَ اتهامی بزَه قبول نوکون، مگر اَنکی دو تَه یا سه تَه شاهد بأوره.
20
اما اوشَأنی کی گوناه کودَأنَ اِدامه دهدَ، دیگرانِ ورجَه توبیخ بوکون تا باقی اَعضاء رِه درسِ عبرتی بیبه.
21
خدا و مسیحِ عیسی و فرشته یانِ مقدسِ حضورِ جَه ترَه قسم دهم کی اَ دستورانَ بدونِ تبعیض رعایت بوکونی، و هیچکاری یَ جی رویِ جانبداری انجام ندی و کسی جَه طرفداری نوکونی.
22
عجله مرَه کسی رو دستگذاری نوکون کی خدا رِه خدمت بوکونه، چون ممکنه اون گوناه بوکوده بِه و تو اونِ گوناه میَأن شریک بیبی. مواظب بوبون کی خودتَ پاک بدَأری.
23
از اَن پس دِ فقط آب نوخور، بلکی ایذره هم شراب بوخور تا تی معده یَ تقویت بوکونه، چون ویشترِ وختَأن مریضی.
24
بعضیانِ گوناهان هَسَه آشکاره و اوشَأنَ داوری طرف فأکشِه، اما بعضیانِ گوناهان بعدها معلوم بِهه.
25
و هَطو اَعمالِ دوروست هم آشکاره و حتی اوشَأنی کی هَسَه آشکار نییه، نشَه اوشَأنَ تا آخر جیگا دَئَن و کم کم همه تَه رِه آشکارَ بِه.