¹ A Agripa takiŋdye Paulo adi, Do a ruköki i jambu na kulya kunök. A Paulo riöddi könin a waddi adi. ² Pon mor Agripa, nan yeyeju adi nan gwon ko komor na ’but, adi i lo lor nan waddu konut i komor i kulya liŋ nagon Yudayaki a ŋökiudye nan kune, ³ kegga kogwon do a den ’bura keriat liŋ se ko rerenyesi liŋ i kiden na Yudayaki. Nyenagon nan mo ’yu do böŋö, ŋoŋgi madaŋ i yoŋga na nan. ⁴ Yudayaki liŋ deden gwiliŋit liŋ ko gwon ada suluja ’beron i toteton nio i jur likaŋ se ko i Yerusalema. ⁵ Lepeŋat a den nan ’beron; a ko ködyö lepeŋat ruruk, lepeŋat ködyö totokor adi nan a lo laŋet na Parusijin logon ko pusök a duma i ’debba na keriat kaŋ. ⁶ Nyena soŋinana nan gwo ’dan ni i ’duŋöki na putet kogwon nan yeŋdu milye logon Ŋun a milyekin merenyejin kaŋ lo; ⁷ kötumitön puök wot murek ti ŋutu kaŋ logon kitakiŋdya Ŋun ko pusök ko tuparan ko tukwaje kulo, lepeŋat köti gwon ko yenet i wuju na po nagon ŋun a milyekin tiŋdu se na. Nyena pon mor, Yudayaki ko ’börik lo pökiŋdyö nan ko kulya ti yenet na ŋilo milye. ⁸ Ko nyo nagon ta ti yuŋ adi ŋun jujukin topiju ŋutu lo twatwa? ⁹ Nan ko mugun nio köju yeyeju adi nan ködyö kökon po jore anyen teŋgu ŋutu i twöju na karin ti Yesu lo Najareta. ¹⁰ A nan iŋge koŋdya sona Yerusalema yu. Nan a wuju kido ko koanejin temejik i könin, a nan iŋge tikin ŋutu ti Ŋun jore i kadi rereket, a ko se ’dupöki adi ti se tatuani tatua a nan köti ruŋge adi ti se tatuani. ¹¹ Nan a riŋga lepeŋat dapin jore i kadijik liŋ nagon ŋutu momora kata, anyen tiŋdu lepeŋat i lauŋdya na Matat lose. A woran nio na pape parik ’yaladdi ŋerot, a nan sasaŋdi lepeŋat ma ’di i köjinö ti Lwaka. ¹² Nyena ko ŋina kwe a nan iŋge tu tojo Damaseke ko kido se ko saret lo koanejin temejik. ¹³ Nyena pon mor, i tuparan kiden na jölöri nan nu, a nan iŋge meddya parara na po ki a namilyaŋ parik lwölwöŋ loja na kolor pararakiŋdya köyö i swötön liŋ se ko ŋutu lo jölö ko nan i pirit na geleŋ kulo. ¹⁴ A yi liŋ ’do ’done kak, a nan yiŋge gworo kulya ko nan ko kutuk na Sura adi, Saula, Saula, ko nyo nagon do sasaŋdu nan sona? A nago konut kogwon do gwon gwoso dwöt logon ti ’bön jikö a iŋge tomie ko ture liŋ lo monye. ¹⁵ a nan nyobbi pija adi, Do a ŋa pon Matat? A Matat waddi adi, Nan a Yesu logon do sasan lo. ¹⁶ Ama ŋine ki ko gwo ’de gwo ’dan. Ko ŋina kwe nan aje pukökin konut anyen wuluŋdyö do a köliŋönit liŋ, anyen do takiŋdya kulye ŋutu ŋo nagon do aje met köyö kune ko ŋo nagon do köti molu memet na puökkiŋdye nan konut nu. ¹⁷ Nan mo lwölwök do i ŋutu kasu ko i ŋutu ti jurön logon nan soson do kata kulu. ¹⁸ Nan soŋdu do i ŋaju na konyen kase anyen se löpukuŋdyö kaŋo i mudwe tojo i parara, ko i löpukuŋdyö i riŋit na Satani tojo ko Ŋun ni, anyen toronjin kase böŋö pipitöki, anyen mora ko ŋutu logon Ŋun a wulun a kanyit kulo kogwon yubbö nase na nan. ¹⁹ Nyena pon mor Agaripa, nan köju a ko renya ŋo na met nan nagon a kweye ki yu kune. ²⁰ a kokwe nan tukökiŋdyö ŋutu ti Damaseke, a i mukök a nan tukökiŋdye ŋutu ti Yerusalema, ko ŋutu ti jur lo Yudaya ’bukuluŋ, köti se ko ŋutu ti kulye jurön, adi ti se ködyö löpuŋge töilyet, a löpukuŋdye ko Ŋun ni, a koŋdi Sura nagon kwekiŋdya adi se ’diri a löpuggö töilyet, ²¹ Ko ŋina kwe a Yudayaki morgi nan i Kadi na Ŋun, a ’deke tatuja nan. ²² Ama Ŋun a parakin nan tojo ko lo lor, nyena nan gwo ’dan ni i tokurukiŋdyö na ŋutu liŋ lo ’di ’dik ko temejik adi kine kulya a gwak. Kulya nagon nan jajam kine tuka ’de ’bayin ko kulya nagon nebijin se ko Mose köju a jam kune adi agu ködyö kokona; ²³ adi Masia agu ködyö ŋoŋoŋga a gwe a lo kokwe i ŋien i twan, anyen tukökiŋdyö ŋutu kaŋ se ko ŋutu ti juron kulya ti parara. ²⁴ A na waddi Paulo sona nu, a Peseto kulyani ko gworo lobot adi, Paulo, do a mamala! Todinö inot parik na tiŋdu do wora a mamala! ²⁵ a Paulo waddi adi, Nan a ko mamala pon Peseto lo kukuka, nan jambu kulya gwak gwoso ŋuto logon deden kulya, ²⁶ Kogwon mor deden kine kulya, anyen nan bubulö jamakiŋdya lepeŋ ko topurwan liŋ. Nan a yinikin adi nene ŋo a ko kona nagon nye a ko den, kogwon kine kulya a ko kona mumukö. ²⁷ Pon mor Agaripa, do a yuŋ kulya na jam nebijin kune le? Iŋkoi, nan deden adi do a yuŋ se. ²⁸ a Agaripa pije Paulo adi, Do yeyeju adi do bubulö löpuggö nan a Kristiani ko diŋit a na ’dit, anyen nan tuggö adi nan a yubbö le? ²⁹ a Paulo waddi adi, Kode joŋga diŋit a na ’dit kode a najo i löpuggö na do a Kristiani, nan mo ’yu Ŋun adi ti gwon a do ka ’de ama köti ko ŋutu liŋ lo yiŋga nan i jambu i lo lor kilo, adi ta liŋ ködyö wora gwoso nan, ake rereka nio ko kulo toŋot ka ’de. ³⁰ A kirut mor, ko mödir, ko Bemike, se ko ŋutu lo si ’da ko se kulo ŋine ki; ³¹ a i mukök nagon se aje lupuŋdyö kaŋo nu, a se tokulyaki ko ’börik adi, Ŋilo ŋuto a ko koŋdya nene ŋo nagon ködyö jujukin tatuarikin lepeŋ kode tiki i kadi rereket. ³² a Agaripa takiŋdye Peseto adi, Ŋilo ŋuto ködyö bubulö kölöji ko lepeŋ ködyö a ko pija Kaisar i ’duŋgö na putet lonyit.