¹ "Opi rubu ge ri kalende amvu ni ata fu re langwe inin- eze ibu ba lundu si ibu ede re andaa amvu vino di ri ni aga. ² A'ia ra'ika ibu'ba girisi alu odu alu-alu si avuga, andaa zwe a'i andaa amvu vino di ri ni aga. ³ Andaa ngwi langwe idi ire saa nimi ina avuga ungu nde ibu'ba zipi ede isa soko aga. ⁴ Andaa jo a'i ni, 'Anyi sa, anyivo ma amvu vino di ri ni aga, ma'ke anyi'ni nga atere anyini ti ri ra.' mgbe sa vo kii ibu ga. ⁵ To sa ngwi langwe idi ire sa nimi azia avuga ungu to sa nimi dicalu avuga, to ede alua ri ani. ⁶ Toidi ire sa nimi mudi alimbi alu si anda ngwi langwe ungu esu ba zipi ede isa. Anda jo a'i ni, 'Ngana anya edezo dia ibu edeka ako liti ri adu?' ⁷ "Jo ki andaa ni, 'Adusiku modizi ke amani ibu kuru.' "Anda jo a'ini, 'Anyi'sa anyivo vino ni amvu aga naa.' ⁸ Esa undwelaga, amvu ni ata di jo modi anda amvu nidi ndere ri'ni, 'Lungwe ibu'ba ripi ungu lukwe dide, edo modi emure vulega ridi kudi sa modi ati ridi.' ⁹ "Ba ibu di lungwele saa tou si ri de kevoki iledii, alokwe ai gine alu-alu. ¹⁰ Ba lungwele ati ripi esa,kujo ai kevo a'ia dide ni aire, kuraa ki sina alokwe ai nja kuzwa ba zipi ri ra, ki a'isa esu ki gine alu-alu. ¹¹ De esuki aia dide iledii, edoki luzuka amvu ni ata ni. ¹² Ba ibu di evoka vulega ri edeki ibu saa ni mi alu adute, ki nyolokwe ai gine alu amadi ani, amale amevo inini rere, amecandiru itu ikka ile ni dige bwi undwe laga, sa nyike amani gine alu-alu adusi? ¹³ Amvu ni ata ai aia alu ni, maa rozii, ngazi maa edele injwi ri adu? Airu anyito odu alu si gine alu-alu ni kuru ya? ¹⁴ Du nga nyidi aa rii, mu nyaa leti si. Mai ba evoka vulega ri ni lokwele anyidi ani ni ma'i. ¹⁵ Mani di mbwo iyo nga madi ni edezo male'zo riani i ya? Avi kuko anyi maa oluka modi loso rii si adusi? ¹⁶ disidu ba ati ri pi kevo koluki ba vulega rii, ongu ba vule ri pi kevo koluki ba ati ri i. ¹⁷ Yesu a mure Yerusaleme ga rii, lungwe Ma'ju andaa di mudi a limbi eri rii, ongu jo nga aini. ¹⁸ Anyinde diadu avoki Yesusaleme ga dii, ba cara Muzee di lenika ri pi amba nga azika Rubanga ni ri pi karania to kevo kuliki lejo da dii anda'a dige ¹⁹ evo ake andaa ni kafiria adiga enywarile, mbwale, pi epale kruce diga. Ki odu ina avuga kemu kenji ra. ²⁰ Vuna ni ga Zebedeyo a izi ezi bonzi anda di eri ri to anda di, wo vuru, pi zi anda ni, kede anda ni kiza. ²¹ Ysu jo anda ni, "Nyile adu?" Edu jo anda ni, "Ebe ma bonzi eri di kuriki, alu ri nyaa di anda ni ga, ongu zina rii nyaa di legi ni ge nya opi ni ga. ²² Ki Yesu ai, kujo, "Nyini nga nya zile ri ku.Di nyivu nga lowe ma emule nga mvuzo ri si wa ya? Jo ki Eyoo! amamvu'o wa. ²³ Yesu ai ni, "Gbwadu, anyimvu nga lowe ma nga mvu'zo ri si wa. Ki rika maa di andaga pi maa di legigi ni ga ni ibu madi i ku, ki anda ni kolu ba ma' ata a lupele ri pi ni. ²⁴ De maju mudi aka ri pi eriki ngadii, ekii anga adinji eri ilepi ni. ²⁵ Yesu lungwe a'i anda di, pi jo ai'ni, "Anyini ra Kafiria ni ambakurwe ki ba aidi rwe, pi, ba amba aidi sa kebuki mori ayo. ²⁶ Ki anyidi kolu di di ani ku; ki modi lere olule amba du anya lele ga ri kule kolu anya opigo i. ²⁷ Pi, modi lere anda kolu ati anya lele ga ri kule'e kolu anya opigo i. ²⁸ Kalande ori mo'di a ekizo ayo si ba kede du ibu andaa i ku, ki anda eki ibu edere'aga bani, pi lidi anda'a di kere ba kare ako ri rari zo." ²⁹ A'ia oyire ga Jeriko ga si ri, ba kare ako eko anda'a vu to. ³⁰ Ago eri mi ako ri oriki leti bara ga, de keriki ajo Yesu kalaga leti nasi, edoki ojwaka, "Opi, Ori Davide, kiza kuko nyi amasi." ³¹ Ba kare ako ile edoki aini edika du'du koluki ciri, ki enjaruki ojwaka to andaga, "Opi, Ori Davide, kiza kuko nyi amasi." ³² De Yesu keri aia ojwaka iledii, ede cwi, lungwe a'i, pi, jo a'i ni, " Anyile amede anyini adu?" ³³ Joki adaa'ni, "Opi, amale ama mi kawiru." ³⁴ Kiza ko Yesu ni ai si cwi, edu elo aia mi, mbesa a'ia mi awiru ra, edu koki Yesu a vu to.