¹ Yesu pi anda maju to saki ire Yerusaleme, evoki Bethapega, be Oliveti di ni ga, ongu Yesu zwe andaa maju eri, ² jo aini anyivo ba andaga ile ni ga, anyivo anyesu kaino ai cwi andaa bura to. Anyayu ai anyezi madi. ³ De modi zi kuzi anyi ra, anyijo laka, Opi le ni, mgbwesa modi na kebe anyi ra. ⁴ Nga'di twadu ederu ayosi'du nga profeta ajole ra ri kolu du anda. Profeta jo, ⁵ "Jo zangwa Zioni di ni , 'nde, nya Opi kemu nyidi, licu ako ongu anda ri kaino angwa ni dige." ⁶ Mgbesa anda maju vo edeki gba yesu a'jozo a'i ni ri ani. ⁷ Ezikii kaino na bura na to ongu edu bekii aia bongu di na ni ga. ⁸ Ba amgbwu lereki aia bongu leti ga, zi ripi ongu ki kwe ni du, pi lube ki leti ge. ⁹ Di avu ga, laki vo'ba anda ga ri pi ai vuna ni ko'ba ri pi to kojwa ki, "Hosanna Ori Davide ni! Anda loso kolu andaa ni emure Opi a ru si ri ni! Hosanna oru nale!" ¹⁰ De Yesu esa Yerusaleme ga, tauni twadu oyoru ra ongu kujo, "Di adi i?" ¹¹ Laki na ai'ki, "Di Yesu ni Profeta'go engare Nazareti ni Galilea ga ri i. ¹² Yesu kwi zo Rubanga di ri ni aga. Anda ludo ba nga ge'ka ri pi nga lezi ka ri pi to langwe pi, eco teremezaa ba rubia ofu'ba ri pi di oli-oli, ongu ba amamu lezi'ba ri pi di to. ¹³ Ongu jo ai'ni, "Cwiru Buku okole ri ni aga ra, 'Alungwe zo madi zo ilegi di i, ki anyi'ba ecoru uggi ogu di i." ¹⁴ Gmbe sa ba mi ako ri pi, ba pa ebwe ka ra ri to evoki anda di zo Rubanga di ni aga, ongu ezwa ai'ni ru tuwadu ra. ¹⁵ De amba nga azi'ba Rubanga ni ri pi ai laponyia cara Muzee di leni'ba ri to ndekii nga lagu di adaa edele ripi, ongu bonji a ojwaka zo Rubanga di ni aga, joka'a "Hasana Ori Davida ni ri ni, avi ko ai, pi angala to ko a'i cwi. ¹⁶ Joki andaa ni, "Nyeri anga aia jole ile?" Yesu jo ai ni, "Eyoo! anyila kuru ama, 'longo licu di kefu bonjiciri ongu a'i ba nduka ndu ri a ti ge si i ya? ¹⁷ Edu ebe ai ra, efu tawuni aga si pi, mu Bethania ga, ongu eko odu laka. ¹⁸ Diadu inini lovuru si, andaa engwire tawuni ge ri, abiri ko andaa ni ra. ¹⁹ De andaa kunde eleu leti bara ga, anda mu laka ongu esu nga di'aru iyo, te ibibi na papala ayo. Andaa jo laka,"O'a kwa idisa'a kefu nya ru ga si ku. Mbesa eleu ile ouwi to. ²⁰ De ba adaa lenile ri kunde nga redere dii, a'uki cwi, jo ki, "Adu ederu eleu dini ni andaa ni o'uwi zo cwi dini na'i? ²¹ Yesu ai, pi jo ai ni, "Gbagbadu majoa anyini, de anyi a'i to, pi ori ako, anyivo anyede nga rede re eleu dini ri adite ku ki, anyijoo be di ni, nga, mu dere meri aga, ongu kumu kederu ra. ²² Nga twadu nya zile a'i si Rubanga di ri anyesua ra. ²³ De Yesu kukwi zo Rubanga di ni aga, amba ba nga azi'ba Rubanga ni rii, pi amba ziba ri pi to evo ki andaa di saa andaa nga lenire ri si, pi jo ki andaa ni, "Okpo nyaa nga dini edezo ri enga ingwa ongu adi ke nyini okpo di ni?" ²⁴ Yesu a'i, pi jo ai'ni, " Maisa mazi anyini lazi alu, de anya i mani ra, masaa metede anyini mori maa nga dipi ni edezo ri ra. ²⁵ Batisimu Yoani di enga ingwa, di enga rubuge si, de ba'ga si?" Ri kii Lorojorkaa ai'ai ni, ama," De amajo enjo 'Rubu ge si,' kujoo amani, ' De dini na anya'i andaa ni kuru adusi?" ²⁶ Ki de ajo, 'Enga ba'ga si,' amori laki adusiku ai twadu kunde kii Yoani ni Profeta go du." ²⁷ Disidu ai'ki Yesu ni jo kii, " Amaniku." Yesu i saa jo ai'ni, "Mai'sa majo anyini mede nga dipi mori ingoni ri si ya ni ku. ²⁸ Ki anyira adu? ago zi bonzi bonji eri to, andaa mu bura ati ri di, pi jo laka, "Maa bura, endu mu ibu edere amvu vino di ri ni aga. ²⁹ Bura ile a'i, kujo, "Mamu ku," ki vule-vule ni lufu andaa ujwe ra, ongu mu amvu aga ra. ³⁰ Ongu ago ile mu ngwa ni aka ri di, jo lejo alu-alua ile laka. Ngwaa a'i, jo laka, "Mamu ra mata'a," ki fu mu si kuru. ³¹ Bonji eri ileni aga adi ede nga ataa lele ri ni? A'ikii, "bura ati ri i." Yesu jo a'i ni, " Gbagbadu majoa anyini, ba musoro taba ri, ongu ba bate ri pi to kuvo kutoru kii opi Rubanga di ni aga anyini ati. ³² Adusiku, Yoani emu anyidi leti anda-anda di si, ki anyegeni anadaa ni kuru. Ki ba musoro lutaka ri pi, ba bate ri to egeni kii andaa ni ra. Ki anyilee, anyinde nga di ra saa, anyeco asi andaa ni egeni'zo kuru. ³³ Anyeri lejo ni ekwi zina idi, " Naninga ago zi alu, andaa ni amvu ni ata. Andaa so amvu vino di, co bara na celi si cwi, di bu vino jwizo ri aru, pi ede loro laka, edu ke lokwele ba zibaa vino lusakaa ri pi ni. Na avuga, andaa mu vu zina ni ga pi. ³⁴ De saa vino bwazo ri esa ire, andaa zwe ada ba ibu di zipi ri ba vino lusakaa na pi di andaa vino ni o'a lele ri ni ezire. ³⁵ Ki a'i ba amvu lokwe'ba ile kokii andaa ibu ba ile, mgbakii alu na i, di kii zina ri kpo, ongu pi luwa kii azika ri oni si. ³⁶ To, amvu ni ata ile zwe ibu ba zibaa idi, nja zwa ati ri ra, ki ba amvu lokwe'ba ile ede kii nga alu-alua rii ba ile ni ayo. ³⁷ Na avuga, amvu ni ata ile zwe ngwaa ni gba ri aidi ayo, jo ama, "Kuru kii maa ngwaa ni ra." ³⁸ Ki de ba amvu lokwe ba ile kunde kii ago di angwa ni, lojorukii a'ia lele ga ajo, 'Di andaa ngwaa ni gba ri i. Anyevo, akudi kii andaa ni kpo dudu amvu di kolu du bani.' ³⁹ Di si du, du kii andaa ni, wa kii andaa ni amvu aga si laangwe, di kii andaa ni ra. ⁴⁰ Diadu de amvu ni ata kemu ni na, kede ba vino lusakaa dipi ni aduninga?" ⁴¹ Jo kii andaa ni, "Andaa kemu kare ba kiza-kiza ile ovi injwi kanya ri si, ongu kuke amvu vino di ile lokwele ba kevo kuke kii andaa ni vino andaa di lele ri ra saa vino bwa'zo ri si ri pi ni." ⁴² Yesu jo a'i ni, "Anyila nga cwile buku okole ri ni aga ri kuru, 'Oni ba zo lubika ri a gale imgbe ri aba e zo ni bungu bi zo. Di enga Opi di si, ongu kelende ama mi ga nga au zo ri i? ⁴³ Di si du majoa anyini, Opi Rubanga di avo aduo anyidi si pi , ongu avo akee suru ibu na edekaa wa ri pi ni. ⁴⁴ Modi dere oni di ni di ge ri kongu ra. Ki modi oni di a dere aga diaru ri, anyia futufutu." ⁴⁵ De amba nga azi ba rubanga ni ri pi a'i Farizei ba to keri kii lejo ekwi di, ni kii andaa kube a'i ayo ni ra. ⁴⁶ Esu leki andaa ni kokaa ra, ki ori kii laki si, adusi, ba napi egeni kii andaa ni profeta ni ra.