¹ De Yesu keko lejo anda'a lele anda kujo ri dii, ebe Galilea ni ra, andaa mu logo Yudea di ni ga, meri Jordano di ni ado. ² Ba ni laki ko andaa vu to, ungu ebwe (ejwa) a'i ni ru ra nale . ³ Farizei'ba zipi evo ki andaa ni obi're, joki andaa ni, "Cara Rubanga di a'i ra ago ni anda'a izi ni gazo lejo mbimbi si ra ya?" ⁴ Yesu a'i jo a'i ni, "Anyila buku okole ri ni aga ama Anda ni a'i ni bire vu a edozo ri ni nga, bi a'i izi pi ago to ni kuru ya? ⁵ Anda'a ni a'i ni bi're ri kujo, 'Disi du ago kebe ata pi ende to ra, kemuru ki izi'i to ungu a'i eri ile kecoru ru alu rii.' ⁶ Disi du a'i diadu eri ku ki, ru alu rii. Ebedu nga Rubanga a emule alu ra rii modi'zi alusaa kalanju ku." ⁷ Jo ki andaa ni,"De dini na andani Muze ke amani cara waraga uku gazo ungu a'i zwezo pi ri adusi?" ⁸ Yesu jo a'i ni, "Muze a'i anyini uku gakaa anya asi ni okpo si, ki andani edore'ga, esu ileniku. ⁹ Amajo anyini, modi izii ni ga're ingbe awu ni lejo si ku rii, de du izi zi idi, ede awu ra." ¹⁰ Ba anda'a lenile ri jo Jesu ni, "De lejo ago pini lele ga andaa izi to ri'i dini, dubasi modi kudu izi ku ri loso ni." ¹¹ Ki Yesu jo a'i ni ,"Ba boro du evo lini di a'i re ni ku, te ba nga di a rukere ai ni ri pi ni. ¹² Adusiku ba zipi vico ladu di ako ri, ati a'i nani, ungu ba zipi vico ladu di ako ri ba ede ni, pi, ba zipi vico ladu di ako ri ba kii a'i kolu ladu ako lejo Rubanga di di si. Modi lini dini a'i re wa ri ka'i." ¹³ Ba zipi ezi bonziciri andadi dudu kuluti di ai ni di ga ungu kelegi a'i ni, ki maju andadi kadu a'i pi'pi. ¹⁴ Ki Yesu jo," Anyebe bonji'ciri kevo madi, akadu a'i ku, adusi opi rubuga ri ai'di i." ¹⁵ Andaa luti di bonjiciri di a di ga, edu mu naa si pi. ¹⁶ Modi zi emu Yesu di jo andaa ni, " Laponyi loso ri, nga loso kulee meede mani lidi olure tadu ri ni esuzo ri adu? ¹⁷ Yesu jo andaa ni, "Nyulungwe ma laponyi loso rii adusi? Modi loso na iyo te Rubanga i adite, ki de nyile kwikaa lidi olure tadu ri ni ga, kule anyoko cara Rubanga di a'vu." ¹⁸ Ago di zi andaa ni, "Cara ingo'pi i?" Yesu jo laka, " Akudi ba ku, akede awu ku, akogu nga ku, akujo enjo ku, ¹⁹ ru nyata'a pi nyende to, ungu le modi rezi nyaa nyi'ni lezo ri ani." ²⁰ Yai'go di jo andaa ni, "Mamba cara dipi anga tua du ra. Diadu ngazi lesire meede ri adu?" ²¹ Yesu jo laka, "De nyile anyolu modi okole ri'i, mu, lezi nga nyidi twa du, edu ke rubia na icandi'ba ni, nyimu nyesu ilonyi rubu ge ra; emu, eko maa;vu." ²² De Yai'go di keri lejo Yesu ajole ri dii, mu pi asi lajwa to adusiku limi andaa di nja kare ako. ²³ Yesu jo ba andaa leni le ri ni, " Gbadu majo anyi ni, modi limi to ri'ni kwi ka opi Rubu di ni ga okpo. ²⁴ Maajo anyini idi, nakanaka ni kwi'ka libira ni lu ga si epe rere si zwa modi limi to rini kwi'ka opi Rubanga di ni aga ra." ²⁵ De ba Yesu a lenile keri kii lejo ile, a'u ki okposi, jo kii, "De ileni na adi kalariru wa ri wo ni?" ²⁶ Yesu nde nga a'i di, jo, " Ba ni, nga di kederu kpe ki Rubanga ni nga okpo na iyo." ²⁷ Petero a'i, jo andaa ni, "Nde, amebe nga boro du ra nya vu oko zo. Diadu amevo amesu adu ayo?" ²⁸ Yesu jo a'i ni, "gbagbadu majo anyini , vu ni ti a loko zo ri si , ago ni bura kemu kuri andaa komi opi di ni di ge ra, anyi maa vu ni eko'ba ri sa, anyevo anyiri komi mudilimbi eri ri ni di ge, lejo li're suru Izaraeli di mudi a limbi eri ri ni di ga. ²⁹ Modi alu-alu ba ebere ra , kusaa andi'inji, kusaa avunji, kusaa ata, kusaa ende, kusaa bonciciri kusaa inga marusi ri kemu kesu dide vu mia alu, ungu lidi olure tadu ri to. ³⁰ Ki ba ambu ati ri kevo kolu ki vule ungu ba vule ga ri kevo kolu kii ati ni.