^{1 2} 1 Le'jo 'disi ma Paulo 'i, Yesu Kristo a mabusu go 'i anyi 'ba juru risi - 2 maraa anyeri ra le'jo kiza Rubanga di Andaa i'bu 'di ni kezo mani edele anyini rii. ^{3 4 5} 3 Nga ruzure di ile e'dete mani e'dete, kende maa cwizo anyini gaangwadu atisi ra riani. 4 De anyila nga maa cwile 'di anyivo anyini nga ruzure di e'detele mani Kristo a ruge ri ra. 5 'ba oku eze ripi ni nga ruzure di 'di e'dete kuru. Ti diadu Endi Okole ri e'dete nga 'dipi ra Andaa maju pi profetaa okole ripi ni. ^{6 7} 6 Le'jo gba ruzure di 'di andaa ni a'jo 'ba juru ri diadu a'i ecorkii 'ba ru alu ri dii, pi 'ba nga vole esule ri ni esu'ba ripi 'i, pi kalamikii nga ecarale Yesu Kristo ni aga rii ofu loso si. 7 A'dusiku mecoru opigo ofu loso 'di dii kiza Rubanga a kele mani ri si Andaa mori si. ^{8 9} 8 Kiza 'di ake mani - kesu amolu mo'di gaangwadu 'ba tuwadu Rubanga di okole ri ni lelega sa 'i, kiza 'di ake mani dudu amange le'jo 'ba juru ri ni limi Kristo di lokore ku ri a dilega, 9 pi nga Rubanga a tina ni o'bale ra ri ni e'deterega pelere 'ba tuwadu ni, nga Rubanga ni nga tuwadu bire ni ri a zule di 'ba eze ri ni rii. ^{10 11} 10 Le'jo o'bale ra 'di e'dete ekelezia aga dudu amba pi malaika oru ru'buge ripito kevo kunikii du ciri Rubanga di Andaa leti mgbimgbi ripito. 11 Nga 'di ederu kende nga ni ti Rubanga a o'bale olure 'bo'bodu ama Opi Yesu Kristo ni aga ri ani. ^{12 13} 12 A'dusiku Yesu Krist ni aga ama asidi ni okpo to evozo Rubanga ni andaga ama Andaa ni a'ika si. 13 'Disidu, ma'i anyi dudu anya asi kulumvuru pi kakajwa ku maa recandika anyi si ri si, 'di andaa ni anya eku 'i. ^{14 15 16} 14 Le'jo 'disi masu maa a'ja vuru Ata andaga, 15 Andaa ni aga suru tuwadu ru'buge pi vu dige ri kulungweru. 16 melegi dudu Andaa kuke anyini okpo Andaa Endi si, Andaa ni olure anya 'aga ile'i, ko'biru Andaa limi yayi di ileto. ^{17 18 19} 17 Melegi dudu Kristo kolu anya 'aga a'isi, pi anyede du okpo Andaa le ni aga. 18 dudu anyate 'ba Rubangi di okole tuwadu ri to, le Rubanga di ni ekpa, pi azo pi ali na ni nika ra, 19 pi dudu anyini le Kristo di lara 'ba di ni zware ra ri, dudu anyiga de ovi loso Rubanga di si. ^{20 21} 20 Diadu Andaa ni atere nga tuwadu ederega wa kuzwa nga amarale pi ama a'ile Andaa di si ri ni, kende Andaa mori a i'bu edezo ama 'aga ri ani, 21 Andaa ni kolu eku ekelezia aga pi Yesu Kristo ni aga 'bo'bodu. Amen.