^{1 2 3} 1 'Disi, ma'i, ,kende mo'di 'bale mabusuge Opi a le'jo si rii, ma'i anyi kulee anyadi lidi anyidi kuviru lungwelungwe anyini lungwezo ri to. 2 Ma'i anyi kulee anyolu recuka ako pi 'ba i'bwe ripi 'i, pi 'ba ssi epi'ba ripi 'i, anyepi asi anya ruge anyianyini le si. 3 Anyo'bi okposi alualu Endi di ni ekukakaai'bwe aga. ^{4 5 6} 4 'Aa ru alu pi Endi alu, kende anyini lungwezo geni alu anyini lungwerega ri ani. 5 pi Opi ni aa alu, a'i alu, batizimu alu. 6 pi Rubanga ni 'aa alu,, pi Andaa kuzwa nga tuwadu ni, pi Andaa ni Ata 'ba tuwadu dii, kede i'bu 'ba tuwadu ni pi Andaa ni nga tuwadu aga. ^{7 8} 7 Ama alu alu ni ake kiza atere nga Kristo a kele amani ri to. 8 Kende Buku a 'jozo ri ani, " De Andaa kutu oru , Andaa zi 'ba okole cwi ripi to, pi Andaa lapi dide 'bani." ^{9 10} 9 Le'jo 'jole " Andaa tu oru" ri ni pakwi a'du, de Andaa ni kesu atisi kusi vuru vu vuru ri ni ge pa kuru na'i ? 10 Andaa ni esire vuru ile Andaa ni saa ture oru lamvu ru'bu ra rii. dudu Andaa kega nga tuwadu de. ^{11 12 13} 11 Kristo lupe 'ba zipi olurega maju du, zi'ba profetaa du, zi'ba 'ba Ofu Loso ripi ni lunge'ba du, zi'ba olurega indi leyi du pi luponyia du, 12 'ba Rubanga di okole ri ni edezo baba i'bu ni, ru Kristo di ni sirega oru, 13 kusa du ko ama tuwadu amasa alualu a'i di niga pi Rubanga a Ngwa ni nizo, e'bedu amolu 'ba omba'ba ra rii pi amasa du gaka de Yesu di niga. ^{14 15 16} 14 Kriato kemba ama dudu amolu 'bonji ani ku, lunjwale lini ovi mgbiimgbi ri si, kende iyi oli a egbalale ri ani, alungi ama pi lini ovi mgbiimgbi ri si, pi ciri 'ba di 'ba lunjwazo ri si. 15 rari, ama'jo gba ni ayo le aga, pi kule amamba leti tuwa si Andaa ni di du ri ni aga, Andaa ni ile Kristo 'i. 16 Kristo kusi ru tuwadu, pi ru ile kemuru kare aluga isu mgbiimgbi ri kokoo ni, pi de ewo ru di alualu ri kede i'bu kemuru ewo zi'ba ri to, ile ke'be ru kumba pi kusi andaa ni andaa ngasi le aga. ^{17 18 19} 17 'Disi, ma'joo pi menjaru laka Opi ni aga, dudu anyalawe idi 'ba juru ri a lawezo ri ani ku, a'ia lara andi ri ni aga. 18 A'ia lara eniru ra, a'ba a'i lolu lidi Rubanga di niga si a'ia nga nika ku si, a'ia asidi ni okpo si. 19 Ecorukii dinja ako pi azirukii asa ni, pi kedekii nga ovi andi ri fuco si. ^{20 21 22} 20 Ti anyeleni le'jo Kristo di ovi ileni ile si ku. 21 Maraa, anyeri le'jo Kristo a dile ga ra, pi eleni anyi Andaa le'jo niga ra Andaa le'jo, ovidu gba ni 'aa Yesu ni aga ri ani. 22 Eleni anyi dudu anye'be lidi ni ovi anda eze si anyalawe laka ri ra, anye'be le'jo mo'di oku ile di ra. Mo'di oku ile enjiru ra andaa lunjwalunjwa leka si. ^{23 24} 23 Aleni anyi dudu anyecoru u'di anya lara niga, 24 pi anyisu du mo'di u'di ile, bile eno Rubanga di ani rii - andaanda gba ri ni aga pi okole aga. ^{25 26 27} 25 Ayosi, anye'be enjo ra, pi mo'di alu alu anya lelega ri ku'jo gba ayo rezi ni, a'dusiku ama tuwadu ru alu ri a ewo 'i. 26 Anyanga, ti anyede enji ku. Anye'be itu ku'de anya anga ni dige ku. 27 Anye'be kare ku sitani ni. ^{28 29 30} 28 Mo'di anda nga ogure ri kulee ke'be ogu ra. Rari kulee kede i'bu andaa di si, dudu andaa kate 'ba nga ako ri ni ekonyika wa. 29 Anye'be lo'jo'jo injwi injwi ripi ni lu'jjoka. Anyulu'jo le'jo 'ba embare ri ayo, ke'bedu anya le'jo keriru du loso 'ba eri'ba rini. 30 Anyike asi lajwa Endi Okole Rubanga di ni ku, a'dusiku Rubanga ke Andaa ni anyini gura du o'du lari di ni. ^{31 32} 31 Anyiwa 'angala tuwadu pi, 'ba evuruka, anga, o'ja'ja, pi la'dala'da to,pi anye'be ovi injwi tuwadu ra. 32 Anyede kiza anyianyini, anyimi nga, anye'be nga injwi 'ba zi a edele anyini ripi ra, kende Rubanga a anya enji ni e'bezo ra Kristo si ri ani.