^{1 2 3} 1 Ti anyi 'i, esu anda anyoda ra anya laru ako pi anya, enji ni aga. 2 anda anya lawerega rii, ovi vu 'di di ani. Anyadi lidi anyidi kende amba mori oru oli aga ri a lezo ri ani, andaa ni endi diadu i'bu edere 'bonji le'jo eri'ba ku ri a 'aga rii. 3 Anda eze ama tuwadu amari olure 'ba ileni ilepi a lelega, amede nga injwiinjwi ama ru a lele ayo ripi 'i, pi amede abiri ru di pi lara di to ayo. Ama lidi ni oviga amecoru 'bonji anga Rubanga di dii, kende 'ba tuwadu ri a ovi ani. ^{4 5 6 7} 4 Ti Rubanga ni kiza na amgbu ama 'ba ruge ovi Andaa amani lezo ri si. 5 Lele ama olure 'ba oda'ba ra enji aga rii, Andaa enji ama lidi kare aluga Yesu Kristo to - kiza si alari anyi ra. 6 Rubanga enga ama oru kare aluga Kristo to, pi Rubanga e'be amari kare aluga kare oru ru'buge ri niga Kristo Yesu ni aga, 7 dudu saa mure emure andaga ri niga Andaa ke'dete amani limi o'bile kpe ambamba kiza Andaa di re'detere asi loso Andaa di amani Kristo Yesu ni aga rii. ^{8 9 10} 8 A'dusiku alari any kiza si, nga zi anya edeleni na si ku, andaa ni ke Rubanga dii, 9 i'bu mo'di a edele ri si ku, dudu mo'di zi kecuru du ku. 10 A'dusiku ama 'ba Rubanga a bile ni rii, Andaa bi ama Kristo Yesu ni aga i'bu loso ri ni ederega ayo, i'bu anda Andaa ti nani lu'bale ezesi ra amani rii, dudu amede ayo rii. ^{11 12} 11 'Disidu, kulee anyira a'jo, anyi anda 'ba juru rii anya ru niga. A'i 'ba " olile ra ruge" 'ba ni disi ri anda kulungwekii anyi " 'ba olile kuru" ruge rii. 12 A'dusiku saa nasi anyi lolu Kristo to, anyi juru 'ba Isaraeli di ni, 'ba mgbi rii ra'ika nga ecarale ri ni, 'ba geni ako rii pi 'ba Rubanga ako rii vu dige 'dia. ^{13 14 15 16} 13 Ti diadu Kristo Yesu ni aga anyi anda ezesi lolu Rubanga to ri ezwe anyi ititi Kristo a eri si. 14 Andaa ni gba rii ama i'bwe 'i, a'dusiku Andaa emu ama ewo ri 'di amecoru nga alu rii. Andaa ru si Andaa ngu ari revuzo amani lapire ile vuru. 15 Andaa 'ba baraga cara pi leti Yudei'ba di rii dudu Andaa kemu suru ri mgbimgbi ile kemu alu Andaa ni aga, i'bwe ezizo. 16 Kristo emu suru ri 'di ecoru ru alu Rubanga ni Andaa kuruce si, 'di revuka ile kpo. ^{17 18} 17 Yesu ni emu nge anyini ofu loso i'bwe di ri anyini anyi anda 'ba lolu ripi pi i'bwe 'ba ire ripini. 18 Yesu ni aga ama rito tuwa Endi alu risi amate evoka Ata di wa. ^{19 20 21 22} 19 'Disidu, diadu anyi 'ba juru ri anyi 'ba mgbi rii ku. Rari anyecoru 'ba kare alu ri niga rii 'ba Rubanga di okolr ripito pi anyi 'ba Rubanga di zoga ripi 'i. 20 Abi anyi zo nipa 'bale ra ri ni dige, zo ni pa 'di andaa ni maju Yesu di pi profetaa to, pi Yesu ni gba rii saa Andaa ni oni 'bale gbungu ga rii. 21 Andaa ni aga zo tuwadu kelebi alu pi kumba kecoru zo Rubanga ni ruzo rii. 22 Anyi saa Andaa ni aga abi anyi kare aluga dudu anyolu kare Rubanga ni oluzo Andaa Endi si.