1
Ata iluluŋ nohosie daŋ diote ahide, ata isia eyyani Yesu ahosiere ho Pilato.
2
Ata isia hitiara roso inya hiro. Hijo, “Erumu iyohoi tuŋani ile etihara doŋe nohoi, ebo hisio musuru to Kesari, ojo hidofe ara inya to wan Kristo Habu.“
3
Efi Pilato inya hijo, "Era iye Habu lo Yudea?'' Ata Yesu hitiraŋ inya, ata hijo, ''Iya ejo iye.”
4
Ojo Pilato to Leitok lo fadirihien he iluluŋ, “Abe naya arumu nobo hipali to tuŋani ile.”
5
Ati arasa isia, hijo, “Etihara inya hiyo, etiyana to missihi daŋ ino Judea, etiara ta Galilea man ta mai ina."
6
Ati ifa etiru Pilato ania, efia inya hijo hara mahu tuŋani ile lo Galilea.
7
Ifa eyen inya hijo ara Yesu la owon to hilohitok ne Erode, ata inya efahak Yesu te Erode, lafa owon to Yerusalem to holoŋi nia.
8
Ifa egonyu Erode Yesu, omuno ifa inya bi no, nyo awak ifa inya hiwolo inya man beren. Etiru ifa inya ata inya wahan egonyu inya iko iduariti inafa egiem inya
9
Efi Erode Yesu to hiroita ino bore, atati obe ifa Yesu etiraŋ inya nobo hiram.
10
Odioto etok lo fadirihien he hegiorok ata arosok inya hiro ino loru.
11
Ata Erode ho loseŋer ilohonye moro inya Ata erramitari inya, ata eticiofok to honye boŋojin ino elahaman ata efahak inya to Pilato.
12
Ata Erode ho Pilato sonya himotia ta far inya (Beren ara ifa isia amiorok).
13
Elliloŋ Pilato habwok ilo fadirihien he ettaha jo iluluŋ no hiyo.
14
Ojo to hosie, eyani itai ta hanaŋ tuŋani ile iya lobo ile edihita hiyo hehumai hiro ino oru, “Itiwolo efi naya inya to hosiere hatai, arrumu naya obe hada nobo hipali to tuŋani ile to hiro inia daŋ erosohini itai inya.
15
Obe Erode orumu inya hepalani, inya nia enyak inya efahu inya te iyohoi, itiwolo, obe hidofe inya osiru to ye.
16
Awak iso naya hibak inya bi ata ti naya ebusak inya.
17
Egioro ifa to hifahi hijo anyar ohek Pilato tuŋani lobo lobotie la adaha isia hiyom na allaŋari imune.
18
Ata oyio ifa hiyo bi no daŋ anobotie, hijo, "Iyani tuŋani lia ade, itihek te iyohoi Barabas!''
19
Efitak ifa hiyo Barabsas nyo orosok ifa hiyo inya hijo awak ifa inya asulai ettaha ade to hittolojita inohosie, ojo hidofe ottohe tuŋani.
20
Enyak Pilato hiro to hosie, awak ifa inya ahek Yesu.
21
Ati eyoro ifa hiyo bi no hijo, Isihok inya, isihok inya.''
22
Ata inya hidas to hosie hitahunihi hijo, "No nyo, hegiem tuŋani ile nyo no oru? Obe nobo sihin na arumu naya no osiru to honye ye. Abak iso naya inya ata naya ebusak inya.''
23
Arasa ifa isia hiyoro no, awak isia anyar le sihohini inya. Ata hiyoro nohosie hiloit taji no Pilato
24
Ata Pilato eruhu hisio to hosie wahan nohosie.
25
Ahek inya lia lafa efia isia lafa owon ta babus to hitihara nohonye haŋ ojo hidofe ottohe tuŋani. Ati esio ifa inya to hosie Yesu.
26
Nafa eyari isia inya abali, ata isia eniefu lobo la ara fure nohonye Simone lo Sirene, lafa otu to doŋe hosie, ata isia ahafak to honye hoto lororoi kuruce le ejifita Yesu.
27
Ata iluluŋ no obolo no hiyo he ŋorwoinafaoyio ojo hidofe ejiriŋa te inya ejufari inya.
28
Ati ofiala Yesu to hosie ata hijo, "ŋaniok ho Yeruselem, ibaŋa oyio naya, ati itiye to watie inahatai iko to dure inahatai.
29
Itiwolo, afanu iso holoŋitekinafaina afanu isia hijo, Hotomune hosehe ne eholofi iko hosehe no obe esie, iko hinai no obe etidasa.''
30
Ata iso isia hitiara hijo to doŋiok, ''Ituhuyek te iyohoi.' he to doŋiok ilo hitiŋi imuluhak iyohoi.
31
Le egiama isia hiro inia hara yani igara, nyo iso edoŋ lotte inya?''
32
Orihori ifa isia ilak hahalak ohorik anyar esihohini he inya hotoyo he inya.
33
Ifa eba isia ta mai no ojo hijo, "Mai no Hoo,'' Ata isia esihok inya dia, he hattohok liya, esiho ifa lobo ta hani he inyat nohonye ojo lobo esiho to oko hani he ihorroŋ.
34
Ata Yesu hijo, "Monye, ibusak isia, nyo obe isia oyen hiro ino egiama isia.'' Ata isia hibiro muaŋa ehutu ŋai, awahari abwanyari boŋojin inohonye.
35
Oweta ifa hiyo arria ilo orriŋa inya he ettaha ile ellohitari inya hijo, " Etiluahu hido inya ilak. Isiara hidofe inya hetiluahu wan nohonye, la ara inya dede Kristo onyimoti lo Hollum.''
36
Ata hidofe oseŋer ellohitari inya, ehutok to honye, ata etimatik to honye balu.
37
Ata hijo, “Lera iye Habu lo Yudea olwak wan nohoi.
38
Owuon ifa ihierit to hide ho Kuruce no ojo “Ara inya Habu lo Yudea.''
39
Ata lobo lafa esihohini he inya, himor inya, hijo, “Ebe ati iye era Kristo ‘Tolwak wan nohoi he iyohoi.”
40
Ati etiraŋ ifa lobo Ata hiriŋ inya hijo, “Obe iye ebaŋ Hollum, ena ewuon iye to ŋoto nia daŋ.
41
Ewuon iyohoi ini dede ano lobis, emuju iyohoi hipalita ino ehum iyohoi, ati obe tuŋani ile ehum inak hiro ino loru.“
42
Ata inya hiinyak afonik hijo, Yesu, togilu naya lejo iye leba to lobie nohoi.
43
Ojo Yesu to honye, “Dede ajo naŋ to hoi, ena ewuon iso iye ika naŋ ta paradisio.''
44
Era ifa kil na far ata fau daŋ rioho man ara holoŋ hotoŋwan.
45
Ifa lenya holoŋ ho bworro. Ata boŋo himuhi na Haji Imojit bwanya to hiji.
46
Oyio ifa Yesu bi no ahide, ata hijo, ''Baba ta has inohoi esio naŋ Oyiri hanaŋ. Ojo inya ata yee.
47
Ifa ewolo etok hiroinafaoliew, ata inya hitahwo Hollum, hijo dede ara tuŋani ileŋ haliboni.''
48
Ifa ewolo iluluŋinafaafanu orriŋari hiro ino edoŋ ata hiwolo hiro to honyehite te inohosie, aciaahari isia ilo ollumo suhiana inohosie.
49
Ata ilafa daŋ oyen inya, he ŋorwo ejufari inya ta Galilea, oweta isia tealamare ata riŋa hiro niya.
50
Ati owon ifa lobo tuŋani dia la ara fure nohonye Yosefu, ara ifa inya tuŋani le iluluŋ inya. Ara ifa inya tuŋani lo olibo ojo hidofe ara ahaliboni.
51
Obe ifa tuŋani lia awak eruhu higigilo no hosie he higiemita inohosie. Ara ifa inya lo Yudea to bore gala na Arimetea; osiaha ifa inya obie no Hollum.
52
Eno tuŋani lia to Pilato, ata inya hifi wan no Yesu.
53
Odumu inya wan inya afau, Ata hibubun to boŋo ne elahaman, ata etiferik te iwure nafa oborini ade tara moru, no lobe lobo onuhahini dia min beren.
54
Ara ifa far ne hitihuma ifa awoŋ no Sabato,
55
afanu ŋorwoinafaejufuni Yesu man to Galilea, ata isia hiwolo ilume nafa etifierihini isia inya dia.
56
Aciahari isia, ata atiorok hitiŋwojita ino efufuso hiyo ta hayoni. Ata isia ayiru ta far no Sabato iya egioro to hifahi.