1
To motie beren to hitieri no holoŋ te isabit, afanu isia elume eyani isia hitiŋwojita inafa otiorok isia.
2
Ata isia arumu moru abuluŋari ade te ilume.
3
Ojiŋak isia a hotwai. Ati olita ifa wan na Habu Yesu teya.
4
Oweta isia dia ilo odule hililiha to hiro inia, ojo hiyo ohorik ilo opipiak boŋojin inohosie ata hidoŋ.
5
Ati ŋorwo ina baŋi ata hiluŋuro afau, Ata isia hijo to ŋorwo, “No nyo esiaha itai hawarani to hiji ho hayok?
6
Obe inya teni, ati ebuhu inya! Itigilu hiroinafaero inya ta hatai nafa halarasa inya ta Galilea.
7
Hijo esiarahini iso onyi tuŋani ta has ho heyak, ata isia esihok inya, ojo ta halu ho holoŋitek hunik ebuhu iso inya hinyak to wuaran.
8
Agilu ŋorwo hiro nafa ero inya.
9
Acohini isia te ilume ata elimak hiro inia daŋ to hejufutak iko hiyo ilamuk daŋ.
10
Ara ifa ŋorwo inia Mariai Madalina, Juana, ojo Mariai hotonye Yakobo, ojo ŋorwo inak ata elimak hiro daŋ to efahat ilo Yesu.
11
Ati egigilo ifa lefahat liya hijo obe hiram ne ara dede, ata isia enyai heruk to hiram nia tara hosie.
12
Ati odioto ifa Peturu ahide, ata hinyior elume, oweta, ata riŋai ahotwai. Ewolo inya boŋojin owon dia, ata Peturu acahari ahaŋ honye, Eliliha hijo nyo mahu owon.
13
Ata ilak ohorik efie ta far inya a doŋe inya lara Emmaus, nafa lara maili ile to Yerusalem.
14
Ero isia to wati inohosie hiro daŋinafaedoŋ.
15
Ifa ero isia to wati inohosie ata Yesu alotohini daŋ he isia.
16
Ati owolo isia inya ati obe ifa isia oremik ahieru inya.
17
Ojo Yesu to hosie, “Hiro itai nyo to wati ilahatai ohorik?'' Ata isia weta ile ejiriŋa.
18
Ata lobo lohose lafa lara fure Kiliopa, etiraŋak to honye hijo, “Hera iye lobo hata mononi ini to Yerusalem lobe oyen hiro huna lerr hiyo to holoŋite huna?''
19
Ejo Yesu to hosie, Inari hiro inia?” Etiraŋ isia to honye, “Sayye ino Yesu lo Nasarit, lafa ara hekilani, ologol bi no ara inya Hiro no Hollum ojo hidofe bi daŋ to hiyo.
20
Lafa esio ettaha ilo klesia he hekumok hijo hototohe hiyo inya hotoyo Ata esihok inya.
21
Ati eyik ifa iyohoi hijo otu iso inya ahek hiyo ile Isaraile. Te ino daŋ era holoŋitek hunik Iyania ta nafa ebarari hiro ino.
22
Ati etubur inak ŋorwo ino ho iyohoi nyo eba isia te ilume to motie beren.
23
Nara enya isia holorumu wan nohonye, afanu isia hiwolo hiro na anjilohien Ilafa ojo owuar inya.
24
Ofwo ifa ilak liawa ilohoi elume loriŋari ata arumu dede iya nafa elimahini ŋorwo nia. Ati obe ifa isia egonyu inya.
25
Ojo Yesu to hosie, “Itai hullo bolitok ojo tajia odico to huruk to hiro inafa ero hekilak.
26
Obe ifa osiru to Kristo hetigiamari hiro inia anyar ojiŋak to obie nohonye.
27
Etiara ifa to Musa man owu to hekilak, eloitok ifa Yesu to hosie hiro inafa ofwo hidoŋ to honye.
28
Ifa lafanu isia aŋati ha haŋ nafa ofuye isia, ata Yesu loton iya ohu eno alamarai.
29
Ati ebo isia ebusak inya heno ata hijo to honye, “Itolojo daŋ he hoi,” Nyo eno ifa hira iŋalio.” Ata Yesu eno hittole he isia.
30
Ifa letole inya daŋ iko isia, ata isia daha, adumu inya immune ejok obun ata hisio inya to hosie.
31
Ata honyehite inohosie ŋa, ifa eyen isia inya ata inya lite tara hosie kwak.
32
Ojo isia to wati inohosie, “Obe ifa owon iya owulo hima to tajia inohoi nafa erarari inya te iyohoi to hikoi ata elimak Hiram nia te iyohoi to Baibol?''
33
Ata isia diote ta far inya ata acahari a Yerusalem, orumu liya tomon ho lobotie losuduha nobotie ojo ilafa owon daŋ ikosia.
34
Ata hijo isia hijo, "Ebuhu Habu dede, olieu to Simone.”
35
Elima isia hiro daŋinafaedoŋ te hei, he hetuhutek no Yesu to hosie to hibun to nohonye immune.
36
To hiro nohosie hiro niya, oweta Yesu to wan to hiji nohosie, ata hijo to hosie, "Itigolo daŋ ta hatai."
37
Ati ekikiro ifa isia ata wuana ho baŋi iya ina egonyu isia Oyiri.
38
Ojo Yesu to hosie, “No nyo odiaha tajia inahatai? No nyo obore hifiita ta tajia inahatai?
39
Itiwolo has inanaŋ he hejek inaaŋ. Itittir naya ata itai hidofe hiwolo. Obe oyiri owon iko het, iya ina awuanari naya.''
40
Ifa attohu inya hiro, ata inya etuhutek to hosie has inohonye he hejek inohonye.
41
Ati obe ifa isia eruk nyo arasa ifa isia wuana ho mune, ojo hililiha, ojo Yesu to hosie, “Ewuon itai ho nobo daha?”
42
Esio isia inya hami no lomuda.
43
Ata Yesu adumu hami no omuda ata hinya tohosere hosi.
44
Ata inya hijo to hosie, "Nafa halawon naya ikatai, elimak ifa naya daŋ hijo egioro to ifahita ino Musa, iko hekilak, ojo Hidolita oten.''
45
Ata inya hiŋa hosi inohosie hijo anyar bahati oyen higierita.
46
Ata inya hijo to hosie, "Egioro hijo, etigiema iso hiyo Kristo enyak iso inya ebuhu to ye ta far hitahunihi.
47
Anyar etiyana ta masik bi daŋ hibo iko hebusak no hiyata to fure nohonye, etiara to Yerusalem.
48
Era itai asuuti ino hiro huna.
49
Itiwolo efahu naya itierit no Monye hanaŋ ta hatai, ati tahatai, ati itilai do to bore gala man otuni golon to hide.''
50
Ata Yesu edihori isia aŋati ho Betania. Ata inya hikaf has inohonye ahide, ata hijok isia.
51
Ta nafa lajahari inya isia, ata ebusari isia ata inya eno ido.
52
Niya, ata isia hitihabwo inya, ata acahari a Yerusalem to mune nolobolo no.
53
Odule ifa isia wuana to hotwai Haji no Hollum ila ajaha Hollum.