¹ To kari lo tomon ko miet iyo karihin kulo obolore lo Tiberios Cesar- na larahare Pontios Pilato gavona lo Judea, Erod tetrak lo Galilea, rece nenge Pilip tetrak lo Iturea ko Trakontis ko Lasanias tetrak lo Abilene, ² to obolore lo kadwarak Annas ko Kaiapas, olotu tenya lo Lobanga diho Jon kito lo Zakaria to katwa lo kuny. ³ Ilor inyi kofikofi kuna lirit Jordan fad kititima kibatisa lo kirwo to launo lo kipalipali. ⁴ Iya na ligerore iyo buk lo tenyitenyi kulo Isaia kamocani “Ogoro lo na lifura to katwa lo kuny, ikukumata kikoi diho Lahitok, itibirati kikohin kunenge. ⁵ Gurahin fad ojir onuhi dongeco ko dumi fad osuruni kof obiri kikohin kuna ingararaha osoti onyuji, ⁶ manyu cio fad ca odeuni lwaha lo Lobanga.'' ⁷ Orihohi Jon ilulung kuna lofwonu diho inyi kibatisa ojo, “Ite tee kulo ibohoyohin! Ngai lohisony ite iyo kilongo lo Lobanga na lo lotuno? ⁸ Itongi ngak kuna litotoro kirwo manyu kerihohita kenite kuningi, ‘kingon ohoi ko Abram ara monye niyang. Tonyio ahirihohi nan ite jimitan kileng iyo kuno moruto otum Lobanga dumuno lotataha diho Abram. ⁹ Longon rafal kerda kulo canitok, manyu cani cani lobito lobito na lida ongi ngak kuna ijiri ongodari mute ibirohini kimatare”. ¹⁰ tifi ilulung inyi ojo, “Ojir haj dong ohoi kitii nyio?” ¹¹ Inyahahi Jon ojo, “tungani na longon ko kyelani are ojir ico iyo na lorujore ko inyi na lotehita daha ojir ongar ko kuna lodaha kinga”. ¹² Ofwonu manyu katisofok kulo mucoro ojo ojir kibatisi. Itifi iceng inyi ojo katiyenani ojir ohoi ki tii nyio? ¹³ Orihohi iceng ojo, “ketisofo orang wel na lohirihohini ite”. ¹⁴ ofwonu manyu asegere itifi inyi ojo, “adi ohoi ojir ohoikidim nyio?” Inyahahi inyi ojo, “kerujo rabia diho cio cemanyu kegulihita cio tenyi tenyi. Ingohi mucara ningi kitum ite”. ¹⁵ Itila cio to kodomo manyu ikukuyati kalara ba Jon lara kristo. ¹⁶ Inyahahi Jon iceng fad ojo, “Ahibatisa nan ite to kifi. Ati olotuno na igol kilany nan, na lida nan kileng acam laha kamuha kunenge. Inyi ca lihibatisa ite to okorif na inyu ko to kima. ¹⁷ Ongon irite nenge kana nenge lo kiaru kilongoni nenge, ofik ca inyi ngamang kunenge dero ati ocure ingarum to kima na lida odunye. ¹⁸ Manyu to tenyi tenyi kude kuna iborengi itiyen Jon cio manyi ititimahi layomit na ijir diho iceng. ¹⁹ Ati ojo Jon iryeng Erode tetrak to tenya lo Erodias ngorwani lo rece ko sangite kuna irohori becek litii inyi, ²⁰ osodohi Erod ene iyo iceng fad: otorahi Jon mabus. ²¹ Langun libatisi cio fad, ibatisi manyu Yesu. Manyu ojo inyi ilifa, ongaja kai, ²² iculuno okorif na jnyu iyo inyi olotu iya kuri. Dong olotu ogoro to kai ojo, “Isi kito nei na lamaru nan, akwama nan to isi noo”. ²³ Iciaha Yesu tic nenge inyi lara karihin keek uni. Orumu ojimi ara inyi kito lo Josep, ²⁴ kito lo Eli, kito lo Matat, kito lo Josep. ²⁵ kito lo Matatias, kito lo Amos, kito lo Naum, kito lo Esli, ²⁶ kito lo Nagai, kito lo Maat, Kito lo Matatias, kito lo Semen, kito lo Josek, kito lo Joda. ²⁷ Kito lo Jonan, kito lo Resa, kito lo Zerubabel, kito lo Seltiel, kito lo Neri, ²⁸ kito lo Melki, kito lo Addij, kito lo Kosam, kito lo Elmadam, kito lo Er, ²⁹ kito lo Josua, kito lo Elieza, kito lo Jorim, kito lo Matat, kito lo Levi. ³⁰ kito lo Simeon, kito lo Juda, kito lo Josep, kito lo Eliakim, ³¹ kito lo Melea, kito lo Menna, kito lo Matata, kito lo Natan, kito lo David, ³² kito lo Jese, kito lo Obed, kito lo Boaz, kito lo Salmon, kito lo Nason, ³³ kito lo Aminadab, kito lo Ram, kito lo Ezron, kito lo Perez, kito lo Juda, ³⁴ kito lo Jakob, kito lo Isaak, kito lo Abram, kito lo Tera, kito lo Naor, ³⁵ kito lo Serug, kito lo Reu, kito lo Peleg, kito lo Eber, kito lo Sela. ³⁶ kito lo Kainan, kito lo Arapaksad, kito lo Sem, kito lo Noa, kito lo Lamek, ³⁷ kito lo Metusela, kito lo Enok, kito lo Jared, kito lo Mahalalel, kito lo Kenan, ³⁸ kito lo Enos, kito lo Set, kito lo Adam, kito lo Lobanga.