¹ Inyong na, ainyong nayyu d’othulo l’Ojudei? Karik, ainhyong olwahu abosyo? ² Obolo inyong na th’oyihothik olwarai: dihithemi h’asang fodok, ethfothohini nya Ojudei ethalyehina th’Ojok. ³ Aca, ara owoni nya Ojudei homok kwong eruhon? Ira aangan nasong awonan h’eruhon ithalicyo eladiri n’Ojok? ⁴ Thaang hoiwona do ti hijan odwala Ojok. Ajok thorimahini juui ara lowon diri, ara owon othulo ara odwalani. “Iring nathuhi egerohinerek. Dithaithahini hijan ibis iye dicamitha hohoi karik itelu iye de asang fodok ara iye leindu di kanyo.” ⁵ Ti, ara aangan nabisan nahothai ithaithak abisan n’Ojok. Ainyong ocohi ohothai ajaran? Ocohi d’ohothai ajaran aang Ojok obis di yanu engere nayong dohothai? (Nang lacam iring otholu.) ⁶ Thaang hoiwona paat ahani! Aca, angai ira Ojok ikanyo ahap? ⁷ Ti, ara th’adwala thonohindang ofonik eladiri abolori n’Ojok, ainyong ikongairk nang ara ohoyauni? ⁸ Anyo naang ojyori, iring nathuhi ohothai amoryerek karik athuhi ohothing homok ajaran ejyo ohothai, “Hegyemathik aning namonyong, doindu ayiji, obis edara nasong arami hahothai ⁹ Ainyong hathi? Ekarak arami hune? Awang kwong. Aca, ikara ahani. aca, ethuk ohothai ajaran epali Ojudei karik Ogriki, isong bukulung hotha heyau. ¹⁰ Owon ahani, iring nathuhi egerorik: “Awang othulo lobis, awang juk aboithe; ¹¹ Awang othulo aboithe lotek; aang othulo aboithe lothifeyo Ojok; ¹² Athuhi isong eloithoro adi; amaji aboithe athuhi akaran. Awang loboling lehandyo aning nayyu, a a, aang juk aboithe. ¹³ Ogworo losong ahilame nanga. Athuk ongadyefa hosong adwala.” Ehweri n’amunuok notholohop h’obiyuha hosong.” ¹⁴ “Efut ahuthuhye hasong hafecio karik adwaran.” ¹⁵ “Ewawatta ahejek hasong dibuhohina ahotho dindak. ¹⁶ Etharohojio fodok fodok karik ethathaciana hadiyihothik hosong. ¹⁷ Kabong ohothing hulo otehi oyihoi l’elihan n’ahap.” ¹⁸ “Awang abangi n’Ojok thohithemi h’ahonde hasong.” ¹⁹ Thenene, itek ohoi ainyong ojyo iyalu, ocama d’ohothing howoni tholohop h’oyalu, dodularu ahuthuhye fodok. karik difiyo Ojok ahap bukulung. ²⁰ Aca, aang othulo de lethabisa th’egyemathik thoh’oyalu hawon dihithemi honyong. Aca, thol’oyalu oindu atehan eyau. ²¹ Ti, idehi sede oyalu arakang, athuhi nya ethalyehina abisan n’Ojok, nanya eruhok oyalu karik ohocorok ²² Abisan n’Ojok th’eruhon do Yesu Kristo d’ohothing fodok hoiruk aca, awang ebwayo. ²³ Aca, eyauni ohothing bukulung karik dang amutha abolori n’Ojok dosong, ²⁴ karik athuhi isong ethabisyo ija th’alwahio thananyong th’adumuna thanawon ditha ho Kristo Yesu. ²⁵ Aca, esarak Ojok Kristo Yesu ara ehuma nadumu th’eruhon dith’ahotho nanyong ara ethaithit n’abisan nanyong, anyo, th’amijahina thananyong eyatha ehethemok, ²⁶ ditha h’angongio nanyong. Nya nyana, ithaithahinerek abisan nanyong d’omiru hulo, dobis inyong karik awon ara ohithamisani n’othulo loiruk do Yesu. ²⁷ Iring ne, najang ethadara? Athuhi eduhuna adi? Th’oyalu tholoni? L’egyemathik? Okara, ti, th’oyalu thal’eruhon ²⁸ Ara ohoi ingohi arami hune ahana, hijan ithabisye othulo th’eruhon, ikara th’egyemathik thoh’oyalu. ²⁹ Dia, owon Ojok ara Ojok l’Ojudei hamaring? Aang inyong owon dang ara Ojok l’ohothing hoikela th’Ojudei? Aa, Ojok l’ohothing hekela th’Ojudei. ³⁰ Ethalicyo oyalu th’eruhon? Thaang hoiwona dang ahani do ti! Kombwo indafaitho ohoi oyalu. ³¹ Ara ijo izai ijan isarak ohozai Ojok abisan za ahuan za nanyong acha eruk ohozai do Kristo, onyahi ijan awang omanyit igema? Zahadiri awang.