¹ Diholu hasang hune, atehu nang oyihet onga diparadiso. Omurut lecyak nang ethaninguna, ocama donang iring amo, ojyo, “Iindu dihide dini, daindu nang iye ithaithahina ainyong d nafuk dihilu hasang hune.” ² Kwak ahani awon nang ditha Ohoile, nang atehu diya okara ethawejihini dihide, hothulo lobo owoni diya. ³ Lonya owoni diya lo oyaa iring jasper? karik kamilian? Owon nya ethaurak diker h’okara. Oyaa nya ethaurak iring emerald? ⁴ Diker h’okara, owoni nya okani athomone arehai larangwan; dihide h’okani hulya owoniari nya ohobolok, hoyofo obongoitho abongi, h’alohuluhi ayeli dihosi hosong. ⁵ Thokara, imedehitha nya ahila, apeyo. Dihithemi hokara, omuda nya arie cofa hawulo; arie hawulo hua nya, ohoilehio cofa h’Ojok. ⁶ Dihithemi h’okara owon nya ahari nahittok n’engengelit, nayaa iring omorwong lengengeluni thele honyong. Dihiji karik diker h’okara owoni nya asang arangwan hayeuni hamijyo, bee h’ahonde, tholo homong karik tholo hurong. ⁷ Asang hayeuni namijyo: ehethemoni, oyaa iring oume, etharehe na, atagwok, ethaunihoi, owon h’ahomong iring othulo, karik etharangwane, ojahitha okobu lowa, ⁸ Asang arangwan hayeuni hune, owon aboithe nasong h’ewa inde, bee h’ahonde dihide karik tholohop. Ohariee karik ofaniing, aang oweth dijaran, “Odwa, odwo, odwa, Ohobu Ojok Lamolo, lonya owon, lowon, theene, karik loiindu de.” ⁹ Ara asang hamijyo hayeuni hune, hethaboloryo, hethahuye karik afurahini ahinnwarang do lowoni dikara, amanya mak lya, ¹⁰ orimak ahibu ohobolok athomone arehai larangwan hulo apwaharu dihithemi ho lowoni di kara, amojyo inyong lomanya mak lo. Ethahini alohuluhi hasong dihithemi hokara, ajyori, ¹¹ “Isiru iye, Ohobu karik Ojok lohoi, difothuna abolori, ethahuio, karik akolon, aca eyeu iye asang bukulung karik thawahan thanahoi, awoni karik ayeuni isong.”