¹ Ajo nang hijan ohoruthani, ara lohowon ara okalifonit, awang hoikela th'ongaca, juk owon ara omonye lamaji nenyangarik karing nethanyangyerek. ² Ti, owon dihas h'ohothing hoikeyo karik hoyenio inyong lwai d'ofaning lathuk omonye atherohina ara lonyong. ³ Orwang dang, iring nanya hewonderek ohothai ara okalifinok na, ethora nanya doisukaitha hoko h'ahap. ⁴ Ti, ajara omiru nya acohi, Ojok asulu Olonyi, loyisuni th'athulo, th'oyano. ⁵ Ihandyo ahanya dihoina ohothing hothora d'oyano, difunu ohothai ifothununa endafaitho ahana olonyirok. ⁶ karik anyo iwon ithai ara olonyirok, atha athuk Ojok asulahina Ohoile Lodwa ditha h'othaja hohothai, hoilongo inyong ara, "Abba, Monye." ⁷ Thoone, awang iye iwon ara ongaca, ti, ara olonyi, karik ara ara olonyi, ewon iye dang ara ohoruthani thol'Ojok. ⁸ Ti, th'orii le, kabong ithai item Ojok, iduhuni ithai nayana ara ongacani d'ohothing thahaang ara, th'akolon thanasong, ojohi kwong. ⁹ Ti, thoone, ethuk ithai atehan Ojok, dia kombwo otek ithai Ojok, ya ainyong ikoti isarak ithai eloyitho d'omanyitha homonyo? Iwak ithai ikoti anyahahina de langaca? ¹⁰ Ithahabuyo ithai operok, oyefathik ongejuho, oriihio h'oyinga karik oyingathik! ¹¹ Abang thoithai! Abang nang, ojak de egyema hindang hothai nalo ija. ¹² Amojo nang ithai, olarok, ojahithethek nang, iring nathuhorik nang ajahitha ithai. Kabong ithai nang imoryo. ¹³ Ti, itek ithai nya hijan adiha n'ahwan hindang isarak nang elolongohina dothai evanjelio ahithemi. ¹⁴ Juk athemyo ithai nyana oisukaitha hundang, kabong ithai ithafaacyo dia ida nang. Kombwo, efothu ithai nang ara nayyu, ajahitherek nang anjelo l'Ojok. Ajahitherek Kristo Yesu th'ahwan. ¹⁵ Naja hathi amuno nathai? Anyahi nang dothai, ara kodien ocohi, ira ithai ikolouthuna ahonde hathai adi ara ithai isarak do nang. ¹⁶ Ya diri, awon nang dothai ara omerohothononi, th'anyahina ithai arami h'adiri? ¹⁷ Owak isong hulo th'othaja thohosong ateluna ithai, ti, awang abo ayiji thiya. Owak isong hulo ehenohina ithai dindak, dara d'amuno nasong imijo ithai tok tok. ¹⁸ Oyyu amuno n'egyema th'othaji th' arami thahayyu, ikara hijan ara nang lawon ti hothai. ¹⁹ Okalifinok hundang hottik, nang ikoti lawon h'adihari n'ayiso n'okalifonit dothai lwai Kristo ayehunu ditha hothai. ²⁰ Awak nang kodien awonan dihiji hothai d'orii lya karik eloyicyo omurut hindang, anyo, ethafalangyo ithai nang. ²¹ Onyahina nang, itha howak esuka thohop h'oyalu, awang ithai ithaningyo d'oyalu? ²² Igiro hijan owoni nya oduri h'Abramo arehai, aboithe th'ahodwothi angaca karik aboithe lobo lo th'athulo naang owon ara angaca. ²³ Ti, aboithe loyisuni th'ahodwothi angaca, oyisuni ara othulo, ahibu loyisuni th'athulo naang owon ara angaca na, oyisuni th'ecorit. ²⁴ Iduhu de ohothing homok arami hune hon'ogwe na, anyo, owethi ahathing hune d'emorathik arehai. Aboithe thosong th'odonge lo Sinai, ayisu okalifinok ongacani. Hagar ne. ²⁵ Owetha Hagar th'odonge tholo Sinai di miji h'Arabia; Ara inyong na awetha tho Yerusalem. Isuka inyong na h'oduri honyong dith'elangaca. ²⁶ Ti, Yerusalem nothohide, ikara angaca.. Inyong na ahathingi nahothai. ²⁷ Athuk egero, "Omunoi, iye eholofijoni naang oyiso, Ikoro dindak karik ara iye iuluho th'amuno, awang iye ithathacana adihari n'ayiso n'oduri. Anyo, okalifinok h'angorwo hathuhi edehina olwari th'athuhi amuthayo." ²⁸ Ti, ithai, olarok, iring Isako, ithai oduri h'ecorit. ²⁹ Th'orii le, ethathacanio nya loyisuni ara othulo lo, loyisun th'adwara thon'Ohoile lo. Orijoro dang theene. ³⁰ Ti, angai ojori amaninihio hadwa? "Ongaterethek adi ahodwothi angaca karik oitho lonyong. Awang olonyi l'angaca hongara aruthahina hoitho l'athulo naang owon ara angaca." ³¹ Th'arami thohune, olarok, ikara ohothai oduri h'angaca. Ohothai oduri h'athulo naang owon ara angaca.