¹ Yosefu kafilwo kulifiso pamenso a babonfi bonse aba imakene kumpelo yakwe . Kalabila neshiwi likulu , ''Mwense mwenga nsha nenka . '' Popele tapalipo mubomfi uwaimakene kuliye ili ali fiswile umwine kubakulu bakwe . ² Kalila neshiwi likulu , nebena Ijipiti kabalyumfwa , neng'anda yakwe Felo kailyumfwa . ³ Yosefa kalabila kubakulu bakwe , '' Ene Yosefu . Ba tata bakili bomi ? '' Abakulu bakwe taba mwasukile ye , pakuti bali kankamene pamenso skwe . ⁴ Penka Yosefa kalabila kuba kulu bakwe , '' Palamineni kuli nebo , nasasa , '' Kaba palama . Kalabila , ene Yosefu umukwanu , uyu mwashitishe mu Ijipiti . ⁵ Mweba ne bombomana neli kuli fichilwa mwebene ati kamushitisha nebo kuno , pakuti ba Lesa kabantuma kuntashi yenu mukumi sungilo mweo . ⁶ Palishi myaka sha nsala shibili sha mukyalo , kabili kukili imyaka isanu iyi takukaba ukulima neli kukopola . ⁷ Ba Lesa bali ntumine nebo kuntangile yenu mukambwena uwa kumitangilila mu kyalo , kabili ukumilama aba mweo mu kupulusha ukwakuti . ⁸ Penka bukumo talipo nimwe mwantumine kumo lomba ni ba Lesa , kabili ne kumpanga kuba wishi kuli Felo , umukulu pa ng'anda yakwe , kabili imfumu monse mukyalo kya Ijipiti . ⁹ Pabawisheni kamuya kuli ba tata nekubabula , ' Ifi efyo uwana wenu Yosefu alabila , '' Ba Lesa ba mpango mukulu pali Ijipita onse . Kunkulu keni kuno , mwikokola . ¹⁰ Mukekala mukyalo kya Gosheni , kabili mukali kuli pa bwipi na nebo , mwebo nebana benu ne bana ba bana benu , ne mbelele shenu ne ng'ombe shenu , na fyonse fi muli nafyo . ¹¹ NKali kumibwena kwenka , pakuti kukili imyaka imbi isanu iya nsala , ukwa kuchi mwikesa kuba muku panga mwe ne ba mung'anda benu , kabili na fyonse ifi muli na fyo .'' ¹² Boneni , amenso enu abo , nemenso amukulu wangi Benjamini , ati kanwa kangi kali kulabila kuli mwe . ¹³ Mukababule ba tata pa buleme bwangi bonse mu Ijipiti na fifyo fyonse mwabona . Mukapuba wishe ne kuleta ba tata kuno kunshi . '' ¹⁴ Kamukumbato mukulu wakwe Benjamini mumu koshi ne kulila , na Benjamini kalilila mumukoshi wakwe . ¹⁵ Kaabafyompa bonse abakulu bakwe neku lila palibo . Panuma ya fi fyo abakulu bakwe kabalabila nakwe . ¹⁶ Ne lyashi lya kalyufwika mung'anda yakwa Felo : '' Abakwabo Yosefu baisa . '' Kakimutubila kumutima Felo neba bomfi bakwe ukwakuti . ¹⁷ Felo kalabila kuli Yosefa , '' Labila kuba bakwanu , ' Kitefi : kaulonge nama shobe nekuya ku kyalo kya Kenani . ¹⁸ Pinta ba wiso neba mung'anda yobe nekwisa kuli nebo . Nkakupela umushili uweme uwa Ijipiti , na we ukali kulye finonene fya mukyalo . ¹⁹ Bukumo nakukambisha , ' Kite fi pinta ama ngola ukufuma mukyalo kya Ijipiti pabana bobe na pabakashi bobe , pinta ba wiso koisa . ²⁰ Wiposa amano pafipe fyobe , pakuti ubune bwa kyalo kyonse ikya Ijipiti kyobe . ''' ²¹ Abana abalalume abena Isilaeli kabakite fi . Yosefu kaa bapela amangola , koti fintu baba kanbishe kuli Felo , nekuba pela ifi fwaikwa pa lwendo . ²² Kuli bonse kabapela umo muntu ifyakufwala fya kukingya , lomba kuli Benjamini kapana ifitota fitatu ifya siliva ne fyakufwala fisanu ifyakukingya . ²³ Kuli ba wishi alitumine fi , imbongolo ikumi kaapapile ifintu ifiweme ifya mu Ijipiti : na bakabalwe abanakashi ikumi kaba pinchile akalyo , ba shinkwa ne fimbi ifintu ifya ba wishi pa lwendo . ²⁴ Popele kabatuma abakwabo kabili kaba musha . Kalabila kulibo , ''Boneni tekutoboka pa lwendo . '' ²⁵ Kaba tuntuka ukufuma mu Ijipiti ne kwisa mukyalo kya Kenani , kuli Yakobo wishibo . ²⁶ Kaba mubula ye kaalabila , '' Yosefa akili mumi , kabili nimfumu ponse pa kyalo kya Ijipiti . '' Umuchima wakwe kaakatala , pakuchi tasumine fi bali ku mweba . ²⁷ Kaba mweba amashiwi akwa Yosefa onse ayo alabile kulibo . Ili Yakobo abwene amangola aya atumine Yosefu ukuba pinta bo , umupashi wa kwa Yakobo wishibo alitontolokele . ²⁸ Isilaeli kaalabila , '' Fyafula Yosefu umwana wangi umwalalume akili mutuntulu . Ndukuya kumu bona ili nshinga fwa . ''