¹ Ba Isilaeli balimine ulwendo pamo na bonse pakuti ena kababa ne kuya ku Beyasheba . Penka nabo kabalambula umulambu kuli ba Lesa ukupichila mumu fyashi wabo Isaki . ² Ba Lesa kabalabila kuli Isilaeli mu kimonwa , pakachi kabushiku , kalabila , '' Yakobo , Yakobo .'' Ena kalabila , '' Ninebo kuno . '' ³ Ena kasuka , '' Ninebo Lesa . Penka ba Lesa aba ba wishibo . Ati mwe ufwa umwesone ne kuya ku Ijipiti , ifyopele ifyo kabalengeni ukuba mukoka ukulu mukyalo . ⁴ Nebo kali kuya nenu pamo na mwebo ukufika na ku Ijipiti kabili nebo ka kubwesha libili ikyakine kabili na Josefu aka fimba pa meso enu ne kuboko kwakwe . ⁵ Yakobo kabuka nekufuma ku Beyasheba penka abana bakwe Isilaeli kabapinta Yakobo umufyashi wabo . Penka ne banike kabili ne bakashi babo , mungolofwana iyatumine Felo mu kumupinta . ⁶ Penka lukoso bali pintile inama shonse ne ndalma shabo shonse isho ba mwene ilyo bali mukyalo kya Kenani . Penka kabesa mukyalo kya Ijipiti . Yakobo na bonse aba mukifyashi kya kwe kyonse ena . ⁷ Ena kabaleta naye umwine ku Ijipita abana ne banabanabo , umwana wakwe umwanakashi kabili nae mwana wakwe umwana kashi umwana . Kabili na bonse mukifyashi kya kwe kyonse . ⁸ Pakuti aya e mashina abo abana bakwa Isilaeli abo aba ishile mu Ijipiti : Yakobo kabili ne kifyashi kyakwe : Lubeni umubili wakwa Yakobo ; ⁹ penka abana bakwa Lubeni , Kanoci , Palu , Esiloni na Kami : ¹⁰ Penka abana bakwa Simyoni , Yamini , Owadi , Yacini , Soyali , na shauli umwana wamwanakashi umu Kenani ; ¹¹ kabili abana bakwa Lefai , Geshini , Koyati , Melali . ¹² Penka abana bakwa Juda bali ni Elu , Onani shela , Pelesi , Shala , ( Penka Elu na Onani bali fwile mukyalo kya Kenani ) . Penka abana bakwa Pelesi bali ni Esiloni na kamuli . ¹³ Penka abana bakwa Isaka bali ni Tola , Puwa , Yobi na Similoni ; ¹⁴ Penka abana bakwa Sebuluni bali ni Seledi , Eloni na Yaleli . ¹⁵ Penka aba bali bana bakwa Lea uyo uwo afyalile kuli Yakobo mu Padana Alama . Uko ukwali umwana wakwe umwanakashi Dina . Abana bakwe ne bana mwanakashi abana balifikile amakumi atatu na atatu . ¹⁶ Penka abana bakwa Godi bali ni Sifyoni , Shuni , Esiboni , Alod na Aleli . ¹⁷ Penka abana bakwa Ashali bali Tamina Yishua , Yiswi , Beliya , Ebeya na Maleceli . ¹⁸ Pakuti aba bali bana bakwa Silipa uyo Labani amupele Lea umwana wakwe umwana kashi , penka uyu mwana umwanakashi ali bafyalile kuli Yakobo balifikile bonse pamo ni ikumilimo na asanu nalimo bonse . ¹⁹ Penka abana bakwa Yakobo ne bakashi bakwe ni Lazeli alifyele Josefina Benjamini . ²⁰ Mu Ijipiti mwali fyalilwe Manase na Efilayimi aba bali fyelwe kuli Yosefu kuli Asenata , ne bana abanakashi kuli Potifeloumupapatilishi uyo uwaliko . ²¹ Penka abana bakwa Benjamini bali ni Bela , Bekeli , Asibeli ,Gela , Namani , Eci , Losi , Mupimi , Kupimi na Alidi . ²² Penka aba bali bana bakwa Laceli abo aba afyele kuli Yakobo imitima yonse yali kumene ikumi naine . ²³ Penka abana bakwa Dani bali ni Kusimi . ²⁴ Penka abana bakwa Nafitali bali ni Yasiyeli , Guni , Yeseyeli na Silemi . ²⁵ Pakuti aba bali bana abo abafyelwe kuli Yakobo muli Bilya . Uyo Labani apele kuli Lazeli uwali mwana wakwe umwanakashi bonse pamo basanu na babili bonse pamo . ²⁶ Abo bonse ebali mu Ijipiti pamo na Yakobo ,uyo uwali mufyashi wabo bonse , takwali ukubapenda abana bonse , Yakobo ne bakashi bonse balifikile amakumi asanu na limo na asanu na limo bonse pamo . ²⁷ Na bonse babili abana bakwa Yosefu abo abafyelwe kuli ye mu kyalo kya Ijipiti , na bonse abu mung'anda yakwe abo abaile mukyalo kya Ijipiti balifikile amakumi asanu na abili bonse pamo . ²⁸ Yakobo katuma Juda patangile yakwe kuli Yosefu ne kumulangisha ishila penka pali ye ku Gosheni . Kabili kabesa na kukyalo kya Gosheni . ²⁹ Josefu kapekanya ne ngolofwana ne kuya mukukumana ne ba Isilaeli na ba wishi kweka kyalo kya Gosheni . Ena kabamona bena , kabakumbata na kumukoshi wabo , kabili kalila ne kulila penka pa mukoshi wabawishi ishita itali . ³⁰ Isilaeli kalabila kuli Josefu , '' Penka ndekeni ifwe , pakuti namona ikilungi kyobe . Pakuti ukili ne mweo . '' ³¹ Josefu kalabila na kuba kwabo na kuli ba wishi ne ba mung'anda yabo , '' Nebo koya lukoso peulu kuli felo , ukulabila , ' kubakwasu kabili na kuli batata neba mung'anda yabo , abo abalimuliki kyalo kya Kenani . Kababa ne kwisa kuli nebo . ³² Penka abalalume akembela bonse ,pakuti abo bali ni bakembela bafilelwa fyabo . Penka kababane kuleta kulibo ifilelwa kweka kutashi yabo , kabili na fyonse ifibali nafyo . ' ³³ Pakuti kyali mukweba ati , penka Felo kabeta bena kuliye ne kubepusha . '' Mba nisa kito mubomba ? '' ³⁴ Pakuti mwebo mwaba nekulabila , '' Fwebo fweba bomfi benu tulibele tulibembeshi bafitekwa ukufuma kubwanike bwesu ukufika nabukumo . Pamo fwebo kabili na kubafyashi besu . ' Kiteni ifi pakwebati mwebo mulukuya mu kyalo kya Goshani . Pakuti nabonse bembeshi fipakabi fya bena Ijipiti abene . ''