¹ Yosefu kabeba abakusunge ng'anda yakwe , '' isusheni abo nefya kulya , kochi fyenka bakupinta , nekumubikila mo kila muntu indalama shakwe mumufuko . ² Bikenimo ulukombo lwangi , ulukombo lwa siliva , mumufuko wa mwanike , kabili ne ndalama shakwe isha kalyo . '' Uwakusunga kakita koti nifi fyo Yosefu alabile . ³ Kuma kya ne bantu kababebo kuya , bo nabo kabalwe babo . ⁴ Ili ba fumine mumushi lomba ili tabanga fika patali , Yosefu kalabila kubakusunga bakwe , '' Ima , koya bakonkele abantu , ili wakubapita , mulabila kulibo , ' Nindo mwabweseshe kibipile pakiweme ? ⁵ Ulutalipo lukombo ba shikulu banwinako , kabili elukombo babamfyaukubukilako ? Mwakite kibipile , iki kintu mwakita . ⁶ Uwakulama kasangana ne kulabila aya mashiwi kuli bo . ⁷ Kalabila kuliye , nindo kapa yangi alabilila amashiwi akubefi ? Patali kuba ukufuma ku basha benu uku kite ikintu kya kube fi . ⁸ Bona , indalama ishi twakisanga mumifuko shesu , katuleta libili kuli mwe ukufuma mukyalo kya Kenani . Lomba twingeba fyepi kunganda yamfumu siliva nangu ba ni Ngolide ? ⁹ Kani umo umo umubomfi wenu asangwe nalo lekeni afwe , kabili nafwebo fwense twakuba bashaba mfumu yangi . '' ¹⁰ Ne wa kusunga kalabila , '' Bakumo kingaba koti ni mumashiwi enu . Kuli uyo ulukombo lwakusangwa akuba musha wangi , Kabili namwe mwaku binga . '' ¹¹ Penka umuntu onse kapubawisha nekuleto mufuko panshi pa mushili , kabili umuntu kashinkulo mufuko wakwe . ¹² Uwakulama ka pikita , ukutatwila kumukulu ne kufisha kumwanike , kabili ne lukombo kalusangwa mu mufuko wakwa Benjamini . ¹³ Popele kaba tabaule fyakufwala fyabo pabatwika bakabalwe kilamuntu ne kubwelelamo kumushi . ¹⁴ Yuda ne mukulu wakwe kobesa ku ng'anda yakwe Yosefu . Alikuli kwenka kabili kaba kamufukamina panshi pamenso akwe . ¹⁵ Yosefu kalabila kuli bo , ninsa kintu iki kimwakita ? Mulishi ati umuntu koti ninebo alakite fya bu nganga ? '' ¹⁶ Yuda kalabila , '' Mba twakulabila ndo kufumu yangi ? Twakulabilendo ? Twangali bingisha fyepi ? Ba Lesa basangana mo ukubifya muba milimo benu . Boneni , tulibasha ba mfumu yangi fwense nauyo umo ukubo lwashi kusangwo lukombo .'' ¹⁷ Yosefu kalabila . Mushilo kingafuma kuli nebo ati nenga kite ki . Uyo muntu ukuboko kwashikusangwa uyo muntu ewakubo musha wangi , lomba koti ni mwe banbi , ka muye bwino kui ba wishinwe . '' ¹⁸ Lomba Yuda kaisa pepi kuli ye ne kulabila , '' Mwe mfumu yangi , ngamusuminishe umubomfi wenu alabile po ishiwi mukutwi kwa mfumu yangi , kabili mweleku bukali bwenu ukumokyo mubomfi wenu , pakuchi mwe mulilukoso kochi ni Felo . ¹⁹ Kapa yangi kaipusha ababomfi , kalabila , '' Ili ba wiso neli mukwanu ? ²⁰ Katulabila ku mfumu , tuli na ba Tata , bakote nemwana wamubukote , umunini, lomba mukulu wakwe alifwile , kabili uyo enka eushile naba ngina , naba wishi balimutemenwe ye . '' ²¹ Pakuti mwalabila ba bomfi benu , kamuleteni kano kuli nebo ati nenga mubona ye . '' ²² Panuma yafifyo , katulabila kumfumu yangi , umwanike ta angasha ba wishi , lomba kani abasha ba wishi ba wishi bakafwa . ' ²³ Penka kamulabila ku babomfi benu , kani uyo umukwanu umunini kaisa kuno na mwe tamukamonapo ikilungi kyangi libili . ²⁴ Penka kakisa ili twa ili kumubomfi wenu batata , nekubabulo amashiwi a mfumu . ²⁵ Ba wishifwe kabalabila , ' kamuya libili , tushichileni ifyakulya .' ²⁶ Penka katulabila , Tekuti tuye ko kulya . Kani umwanike wesu tuli nakwe , penka twakuya kulya ; lomba tatukakibone kilungi kyakwe kani tukali kuli ne mwanike wesu .' ²⁷ Umubomfi wenu ba tata kabatweba , ' Mulishi ati umukashi wangi kaamfyalila abana abalalume babili . ²⁸ Umo pali babo kaafuma kuli nebo kabili kandabila , '' Kyakine bamutabaula tunini tunini , kabili nshimumwene na bukumo . '' ²⁹ Kani mupinte nauyu ukufuma kuli nebo , kabili kani ikya kukatasha kikese kuliye , mukabweshe mishishi shyangi isha mfwi ne bulanda kwi loba ! ³⁰ Popele . lomba , ili nakwisa ku mubomfi wenu batata , kabili umwanike tatuli nakwe , pakuti umweo wabo uli kakilwe pamo mu mweo wa mwanike , ³¹ ikikaboneka kyakuti , kani babona tatuli ne mwanike bakafwa . Umubomfi wenu akuleta panshi imishishi sha mfwi isha mubomfi wenu ba tata ne bulanda na ku filende . ³² Pakuti umubonfi wenu ali ne kwikalilila mu pa mwanike kuli ba tata ne kulabila , kani nshi muletele kuli mwe , penka nka pinta imilandu kuli ba tata inshiku shonse .' ³³ Lomba luno , nasasa suminisheni umubomfi wenu ekale ukukilo mwanike koti musha ku mfumu yangi kabili sumisheni umwanike ukuya neba kulu bakwe . ³⁴ Nakuya shani kuli ba tata kani umwanike tali na nebo ? Nji ne mwenso uku bonse fibipile ifyo ifya kwisa pali ba tata . ''