¹ Ikipowe kyansala kaki pitaila pa kukula mukyalo . ² Kyali fikile ili balile akalyo ako bafumishe ukufuma mu Ijipiti , ba wishibo kabalabila kulibo , '' Kamuya libili ; katushichileni akalyo . '' ³ Yuda kalabila kuli ye , '' Ulya muntu katusopesha fwebo , ' tamwakamone kilungi kyangi kani mukese ne mukwanu . ' ⁴ Kani mumutume umukwasu nafwebo twakuya kumishichila kalyo . ⁵ Lomba kani tamumutume , tatulukuyako kulya . Pakuchi ulya muntu kalabila kuli fwebo , ' Tamukamone kilungi kani umukwanu ali na mwebo . ''' ⁶ Isilaeli kalabila , ninsa kintu mulikunichile fibipile pakumubulo yo muntu achi muli ne mukwanu umbi ? '' ⁷ Kabalabila , umuntu katwipusha ikine palwa kisolo kyesu na fwebo . Kalabila ,bawishinwe bakili ne mweo ? Mulipo naumbi umukwanu ? '' Katumwasuka koti ifiali kwipusha . Kani twalishibile shani ati alikulabila , leteni umukwanu ? '' ⁸ Yuda kalabila kuli Isilaeli wishi , '' Tumeni umwanike na fwebo twakwima nekuya ati twingekala ne kubulo kufwa . Bonse fwebo , mwe , ne bana besu nabo . ⁹ Nakuba uwa kumwimakanina pali ye . Mukambikemo muli ye . Kani nshimubwesheshe kuli mwebo nekumutula kuli mwebo , mukamfwishe naya imyaka shonse . ¹⁰ Pakuti Kani tatuko kwele , kyakine ino impinji kani twabwela ne kubwela kuno ilya bubili . ¹¹ Wishibo Isilaeli kalabila kuli bo , kani nififyo , lomba kiteni fi . Pinteni po fimo ifintu ifiweme fya mukyalo mufyola fyenu . Pinteni kuli uyo muntu ifya lukoso - imbalama ne buki , ifinunka bwino na mula , ifyabune nafwibi . ¹² Pinteni nendalama shimbi mumakasa enu . Indalama isha bwelele ili mwaiswile amasaka enu . Pinteni libili mumaboko enu . Popele kyali kya mapuso . ¹³ Pinteni kabili nemukwanu . Imeni kamuya libili kuli uyo muntu . ¹⁴ Ba Lesa ba makosa benga mikichile nkumbu kumeso auyo muntu , ukwebati enga milekelako umukwanu umbi na Benjamini . Kani nafwila pa bana bangi , nengafwila . '' ¹⁵ Abantu kabapinte fya lukoso ifi , namunaboko abo kaba pinte ndalama shimbi , kabaya nakwe Benjamini . Kabema neku ya ku Ijipiti ne kwimakana kumenso akwe Yosefu . ¹⁶ Ilyo Yosefu abwene Benjamini nabo , kalabila kuba kulama ba mung'anda , '' Bengisheni abo abantu munganda , ipayeni inama nekuba teyanishisha yo , pakuchi aba bantu nakulila nabo pano akasuba . '' ¹⁷ Abakulama kabakite fi alabile Yosefu . Kababa leta abantu ku ng'anda yakwe Yosefu . ¹⁸ Abantu bali ne mwenso bakuchi kababaleta kung'anda ya kwa Yosefa , Kabalabila , nipa ndalama shilya sha bwelele mumasaka esu pampinji ya kutanga ba tungishe mo . Ati enga bone impinji yakutubula . Enga tukaka nekutu pinta koti basha nekupinta bakabalwe wesu . '' ¹⁹ Kabapala kuba kulame ng'anda yakwa Yosefu , kabalabila nakwe pa mulyango wa ng'anda . ²⁰ Kabalabila , '' Mwe mfumu , katwisa pakutanga mukushita kalyo . ²¹ Ikyabonekele , ili twafikile apakulongela pampunsha , ati twingesula amasaka esu , kabili umuntu onse ndalama shakwe shalipa kwisaka lyakwe peulu , indalama shonse ishikumene . Twashibwesha mumaboko esu . ²² Shimbi ndalama twashileta mukushita akalyo . Tatwishi uwa bikile ndalama shesu mumasaka esu . '' ²³ Abakulama kabalabila , umutende mube nakwe , mweba ne mwenso . Ba Lesa benu na ba Lesa waba wishinwe ebabikile ndalama mumasaka enu . Nalipokele ndalama shenu . '' Abakulama nabo kabaleta umo ukufuma kuli bo . ²⁴ Aba kulama kababatwala mung'anda yakwa Yosefu . Kaabapela menshi , kabasamba amakasa bo . Kapela bakabalwe babo ifya kulya . ²⁵ Kaba teyanya nefya kupela Yosefu akasuba pakwisa , pakuchi kabomfwa achi bakalya kulya . ²⁶ Ili Yosefu aishile ku ng'anda , kabaleta fya lukoso ifyo ifyali mumaboko abo mung'anda , nekumfukamina ye panshi . ²⁷ Kabepusha pa bwikashi bwabo ne kulabila , '' Ba wishi nwe bali bwino , balya bakote mwalabilepo ? Bakili ne mweo ? '' ²⁸ Kabalabila , '' Uwamulimo weni ba wishifwe bali bwino . Bakili bomi .'' Kaba fukama panshi nekumupelo buleme . ²⁹ Ili ainwine amenso kabona Benjamini umukulu wakwe , umwana waba ngina , kabili kalabila uyu emwanike wenu mwalabile kuli nebo ? Kanili kalabila , ba Lesa benga kushukisha webo , wemwana wangi . '' ³⁰ Yosefa kapubawisha ukufuma umubali pakuchi ali pinchile makosa pa bakulu bakwe . Kaya kukabeya ne kulila . Kaya ku mupunda wakwe ne kulila . ³¹ Kasamba kumenso ne kubwela kafuma . Kalikanyo mwine , kalabila , '' Paneni ikyakulya . '' ³² Aba bomfi kaba mu teyanishishe kya kulya enka ne ba kulu bakwe benka . Abe na Ijipiti palya kabalya nakwe apa benka pakuchi abena Ijipiti tekuchi balye shikwa neba Ebeya , pakuchi wali mushilo kubena Ijipiti . ³³ Abakulu bakwe kabekala nakwe yebubela mwenka bakonkanine newa mwanike mwenka mubanike . Abantu bonse bali kankamene . ³⁴ Yosefa katumanyapo akalyo kano kuli bo ukufuma pa kalyo kali kuliye . Lomba akalyo kakwa Benjamini kali fulishe ukukila akabakulu bakwe koti kabantu basanu . Kabalya ne ku sekelo nakwe .