¹ Popele Yakobo alishi ati mwali akalyo mu Ijipita . Kalabila kubama bakwe abalalume , Nindo muli kulikebesesha umo ne mubyakwe ? '' ² Ka labila , '' Boneni kuno . Naumfwa ati kuli akalyo ku Ijipita , kamuya kulya mukatushitile akalyo ati twingakala ne kufwa yawo . '' ³ Abakulu bakwe Yosefu ikumi kabaya kushita kalyo ku Ijipiti . ⁴ Lomba Yakobo tamutumine Benjamini , umukulu wakwa Yosefu , neba kulu bakwe pakuchi alilabile , '' Ndukutina ifibipile finga ba pali ye . '' ⁵ Abana bakwa Isalaeli kabesa kushita nabaabo abalikwisa . Pakuti nsala yali mukyalo kya Kenani . ⁶ Lomba Yosefu ali mwikalishi pa kyalo . Ewali umo uwali kushichisha kubantu bonse aba mukyalo . Aba kulu ba kwa Yosefu kabesa kufukama panshi kuli ye nefilungi fyabo kaba kunikila panshi . ⁷ Yosefu kaabeshiba abakulu bakwe , lomba kalifisa ye kulibo ne kulabila ne kikani nabo , '' Mwfuma pi ? '' kabalabila , '' Twafuma mukyalo kya Kenani mukushite fya kulya . '' ⁸ Yosefa kabeshiba bakulu bakwe , lomba taba mwishibile po . ⁹ Penka Yosefa kaanuke kiloto abalotelele , kalabila kuli bo , '' Muli ba kwendele kyalo ! mwaisa kubona apa apakika talile kyalo . '' ¹⁰ Kabalabila kuli ye , '' Yowo , Mwe mfumu . Aba bomfi benu baisa kushita kalyo . ¹¹ Fwense tuli bana ba muntu umo . Tuli bantu ba kine , fwe bantu benu tatuli ba kwendele kyalo . '' ¹² Kalabila kulibo , '' Yowo , mwaisa kubone ubunake bwa kyalo . '' ¹³ Kabalabila , fwe bantu benu tuli ikumi nababili , a bana ba muntu umo mukyalo kya Kenani . Boneni umunini ubwa lelo ali naba tato , kabili naumo umukwa ali fwile . '' ¹⁴ Yosefu kalabila kulibo kulibo , ifi efyo nalabila kuli mwe ; mwaisa kubone kyalo . ¹⁵ Pali fifi mwakweshiwa . Ne mweo wakwa Felo , tamwakufuma kuno . Kani umwanike wenu ese kuno . ¹⁶ Tumeni umo muli mwebene ukuya kuleto mwanike wenu . Mwakwikalilila mwikoli , achi amashimi enu engeshiwa , kani muli kishinka muli mwe , kaniyowo , ku mweo wakwa Felo kyakine muli banbi . '' ¹⁷ Kababika bonse mwikoli panshiku shitatu . ¹⁸ Yosefa kalabila kuli bo pakasuba kabutatu , '' Kiteni fine kwikala , pakuti ndatina ba Lesa . ¹⁹ Kani muli bantu ba kine , Lekeni umo umukwanu ekale muno mwikoli , Lomba mwe mukoya , pinteni akalyo ku nganda pakuti insala . ²⁰ Mukalete umukwanu umwanike kuli nebo ukweba ati amashiwi enu akeshibanika kabili tamukafwa . '' Kabili kabakite fyo . ²¹ Kabalabila kuli umo ne mukwabo , '' Kyakine twafwa nayo palwa mukwasu umu twa bwene ubulanda kumweo wakwe ili ali kusasa kuli fwe lomba tatwaumfwile . Penka ifi ifya kukatasha fyaisa pali fwe . '' ²² Lubeni kaabakumbula bo , '' Nshami bulile nebo , mwebifya pamenso a mwanike , lomba mwebo tamwaumfwile ? Lomba boneni , imilopa shakwe shikufwaikwa pali fwe . '' ²³ Tabaishibilepo ati Yosefualikubomfwa bo , pakuchi pali uwali ku kwalulo mulaka pakachi kabo . ²⁴ Kabafutachila nekulila , kaabwela kulibo nekulabila nabo . Ka pinta Simeoni ukumufumya mulibo ne kumukakila pamenso abo . ²⁵ Lomba Yosefu kabeba ababomfi bakwe kwisusha ama saka abakulu bakwe ne kalyo , nekuba bikalamo indalama shabo kila muntu mwisaka , nekuba pele fya palwendo . kababa kichila bo . ²⁶ Abakulu bakwe kaba twika bakabalwe nefyakulya ne kufumako kulya . ²⁷ Ili umo aiswile umufuko mukupela bakabalwe akalyo pa mpunsha ya kulongelapo , Kabona indalama . Boneni kyali na pa kwisule saka lyakwe . ²⁸ Kalabila kubakwabo , Indalama shangi bashi bweshamo , boneni ishi ; shili mwisaka lyangi . '' Imichima shabo kashi bombomana kabaluluka nekututuma kuli umo ne mubyakwe . Kabalabila , ''Mba nindo ba Lesa bakitefi kuli fwebo ? '' ²⁹ Kabaya kuli Yakobo , wishibo mukyalo kya Kenani nekumubula fyonse fya babonekele kuli bo , kabalabila , ³⁰ '' Umuntu , shikulu wamukyalo , kalabila ne kukaluka kuli fwebo nekulanguluka ati tuli ba kwendela mukyalo . ³¹ Katulabila kuliye , ' Tuli bantu bakishinka . Tatuli pakwendele kyalo . ³² Tuli ikumi na babili abana bankashi , abana valalume ababa tata . Umu talipo mumi , newa mwanike ili lelo ali nabatata mukyalo kya Kenani . ' ³³ Umuntu , shikulu wa mukyalo , kaalabila kuli fwebo , pali fifi nkeshiba ati muli bantu ba kine . Musheni umo umu kwanu nanebo , pinteni akalyo akalyo pa nsala ili mwenu mung'anda , kabili kamuya munshila yenu . ³⁴ Mukamulete umwanike wenu kuli nebo , nkeshiba ati tamuli balwani , lomba nati muli bantu bakine . Penka nkamilekelo mukwanu kuli mwe , kabili mukashita mukyalo . ³⁵ Ka kisa ili baitulwile amasaka abo , ati boneni , umuntu onse siliva yali mwisaka lyakwe . Ili bo na ba wishibo babwene amasaka a siliva , bali ne mwenso . ³⁶ Yakobo wishibo kalabila kulibo , '' Mwankatasha nebo mwebana bangi , Yosefu talipo mumi , simoni aya , kabili mwakupinta Benjamini . Ifi fyonse fyamponena nebo . '' ³⁷ Lubeni kalabila kuli ba wishi , ati mwingepaya abans bangi babili kani nshiletele Benjamini kuli mwebo , mubikeni mumabiko angi , kabili nkamuleta kuli mwebo libili . '' ³⁸ Yakobo kalabila , '' Umwana wangi talikuya nenu . Pakuchi umukwabo alifwile kabili ye enka ewashalapo kani ifyakukatasha fyaisa kuli ye munshila umu mukaya , Penka muka leta panshi imfwi shangi ne bulanda kwi loba . ''