¹ ili kyafikile kumpelo ya myaka ibili iibulubulu Falao ali nekiloto , penka alimakene kumusesho wa nika ya nilo . ² Popele, ing'ombe shisanu na shibili kashisa ukufuma munika , ishakuchi ubunene kwina , shalikulya muma tete . ³ Popele , shimbi na sho ing'ombe shisanu nashibili kashisa panuma yasho ukufuma munika , Ishibipile ne konda shalimakene apaali shimbi kumusesho wanika . ⁴ Popele ing'ombe shibipile ne konda Kashilya ing'ombe ishabune ne kwina shisanu na shibili . Popele Felo kaapapuka . ⁵ Kaalala ne kulota ilya bubili popele imitwi shisanu isha kalyo kashifuma mwipeke limo , ishitungile ne kuchi ubune . ⁶ Popele , imitwi shisanu , ishondele ne ku pumba kuli kabesha waku mutulesuba , shali pupwile palisho . ⁷ Popele imitwi ishondele kashimina shilya shisanuna shibili ishitungile mitwi . Felo kapapuka ne kwishiba ati kyali kiloto . ⁸ Ili kyafikile kumakya ne mupashi wakwe kaaka tashiwa . Katumanya ne kwita bonse aba fya kwelengenya ne ba milangwe abamu Ijipita . Na felo kaba bule kiloto kyakwe . Lomba takwalipo neli umo uwaku lotolole kiloto kuli Felo . ⁹ Popele umukulu waba kaseya kaalabila kuli Felo , '' Lelo ndukulanguluka pa fya kubifya fyangi . ¹⁰ Felo kaaba fichilwa ababonfi bakwe , neku mbika mukifungo mung'anda ya mukulu waba ku sopa , umukulu wa bakuteka kalyo na nebo . ¹¹ Katulote filoto bushiku, bumo ye na nebo . Katulota umo muntu koti kulotolola kwa kiloto kyakwe . ¹² Muli fwebo mwali umu Ebele umwanike , uwa mulimo wa mukulu waba ku sopa . Katumweba naye kaatulotolwela ifiloto fyesu . katulotolwela fwebo mwenka mwailile ikiloto kyakwe . ¹³ Kakifika kuli fyenka atulotolwelele fwebo , penka kafi fikilishiwa . Felo kambwesha ku kifulo kyangi , lomba ulya umbi kaba mukulika . '' ¹⁴ Popele Felo katumanya ku kwita Yosefu . Kabapubawisha ukumufumya mukifungo kya panshi . Kali beye mishishi , kakingye fyakufwala nekwisa kuli Felo . ¹⁵ Felo kalabila kuli Yosefu , '' Nali ne kilolo , lomba takulipo uwaku kilotolola . Lomba nawumfwa palwa kwa webo . Ati kani wakyumfwa wakukilotolola . '' ¹⁶ Yosefu kamwasuka Felo , kalabila , Talipo ni muli nebo ba Lesa baku mukumbula Felo ne mutende . '' ¹⁷ Felo kaalabila kuli Yosefu , '' Mukiloto kyangi , bona , nalimakene kumusesho wa nika . ¹⁸ Bona , ingombe shisanji nashibili kashiisa ukufuma munika , Ishinine ne bulombe , kashili kulya mu matete . ¹⁹ Bona , shimbi ing'ombe shisanuna shibili kashikonkele shibyakwe ishikatele nekubulo bulombe , ne konda nshya bwenepo monse kukyalo kya Ijipita ishibipile koti nishisho . ²⁰ Ing'ombe ishondele nekubipa kashilya shilya shisanu na shibili ishakutanga ishinine . ²¹ Ili bashilile shonse , tashashibikilwe ati bashilya shilya , Pakuchi shaliso kashipapile koti ifi shali pakutanga , Eli na papukile . ²² Popele ka nkeba mukiloto kyangi , ne kubona , imitwi shisanu nashibili kashisa ukufuma mwipeke limo , iliswilene ku wama . ²³ Boneni , imitwishimbi shisanu nashibili - ishi pumbile ishondele ne kupumba na kabesha wakumutule suba - kashili pupa palisho . ²⁴ Ishondele kashimina imitwi ishinine imitwi shiweme shisanu nashibili , ka mbabule fifiloto abafinselansela , lomba tapali neli umo uwaku ndondolwela nebo . '' ²⁵ Yosefu kalabila kuli Felo , '' Ifiloto fyakwa Felo fili pamo , ifi ba Lesa bali nekukita , balabila kuli Felo . ²⁶ Ing'ombe shisanu nashibili ishiweme myaka shisanu na shibili , ne mitwi shisanu nashibili ishiweme myaka . Isanu naibili ifiloto fimo . ²⁷ Ingombe shisanu na shibili ishondele ne bubi isho isha konkelepo myaka shisanu na shibili , kabili na shisanu nashibili imitwi sha pumbile kuli kabesha waku mutule suba shikaba myaka sha Nsala . ²⁸ Ifi efintu nalabile kuli Felo . Ifi ba Lesa bali neku kita bafibwenesha kuli Felo . ²⁹ Boneni , imyaka shisanu ba shibili isha kalyo akakuchi bwingi shikesa monse mukyalo kya Ijipita . ³⁰ Imyaka shisanu nashibili shikakonkapo , sha Nsala , nakonse akalyo bakakalubako mukyalo kya Ijipita , ne nsala ikaba mukyalo . ³¹ Ukufula tabaka kwanuka mukyalo ku nsala iyi kakonkapo , pakuti ikakilamo . ³² Ikiloto kabakibweshapo kuli Felo pakuchi ifi fyalyanshikilwe naba Lesa , kabili ba Lesa bukumo bali ku fikita . ³³ Bukumo lekeni Felo abonepo umuntu uwakishinka mukengele , nekumubika mukyalo kya Ijipita . ³⁴ Lekeni Felo asontepo bano abakuba abakulu pa kyalo ne kubeta uku tolapo akalyo ka busanu ka mu Ijipita mumyaka yakalyo akengi . ³⁵ Bakabunge konse akalyo ka mumyake ishili kwisa ne kuka sunga munkosa shakwa Felo , achi akalyo kaka likubonfewa mu mishi . Bakasunge . ³⁶ Akalyo kakali kupanwa mukyalo pamyaka isanuna ibili lya nsala iyo ikaba mukyalo kya Ijipita . Muli iyi inshila ikyalo takika onaikapo kumulandu wa nsala . ³⁷ Uku ukofwa mumashiwi kwali kuweme kumenso akwa Felo na kumenso aba bonfi bakwe bonse . ³⁸ Felo kalabila kuba milimo bakwe , '' Twenga sangapo umuntu koti ni uyu , muli uyo umuli umupashi waba Lesa ? '' ³⁹ Popele Felo kaalabila kuli Yosefu , '' Pakuti ba Lesa bakulanga ifi fyonse , takulipo uukengele ne milangwe koti niwe . ⁴⁰ Wakubo mukulu pa ng'anda yangi , koti niku mashiwi obe abantu bangi bonse bakuli kutangililwa . Kaniso petebe lya bufumu epo nakukukila webo . '' ⁴¹ Felo kalabila kuli Yosefu , bona , nakutula webo ponse pakyalo kya Ijipita . '' ⁴² Felo kafula na lingi wakwe uwa shitampa kumunwe kamu fwika Yosefu kumunwe wakwe . Kaa mufwika ne fyaku fwala ifiteshimine ifyalineni , ne munyololo wa ngolide mumu koshi wakwe . ⁴³ Bali ku mwensha mwikalaki lyakwe ilya bubili ili ali nalyo . Abantu kuntanshi yakwe kabali kubilika kuli ye , Fukameni ne makufi . '' Felo amubika ubukulu ponse pakyalo kya Ijipita . ⁴⁴ Felo kalabila kuli Yosefu , ine Felo , ne kufumya ko webo , takulipo muntu ukemyo kuboko kwakwe neli kuli kwakwe mukyalo kyonse ikya Ijipita . '' ⁴⁵ Felo kamwite Yosefu ishina , ''Zefenati - penya .'' Kamupela Asenati , umwana umwanakashi uwakwa Potifela umutulishi wapo , koti mukashi Yosefu kafuma ne kuya mukyalo kya Ijipita . ⁴⁶ Yosefu nemyaka shakufyalwa ana kumi atatu ili aimake ne ku menso akwa Felo , imfumu ya mu Ijipita , Yosefu katu ma mukyeni kya Ijipita . ⁴⁷ Muli ilye myaka isanu naibili iyabune , ikyalo kakifumya kalyo akakuchi ubwingi . ⁴⁸ Ka abungika konse akalyo aka mu myaka isanu na ibili iya mukyalo kya Ijipita ne kubika akalyo mumishi . Katula akalyo mukyalo ikya shokolokele kilya kyalo . ⁴⁹ Yosefu kabungika akalyo koti musenga wa kwishiba , ikya kuchi kaakileka neku penda pakuchi fyali kililile mukupenda . ⁵⁰ Yosefu ali nebama babili ili insala taingapona , uyo Asenata mwana Potifala umutulishi uwa po , emo afyalile ⁵¹ .Yosefu kamwinike shina umubele wakwe Manase , pakuchi kaalabila , '' Ba Lesa ba ndenga ukuluba ko ifyakukatasha fyangi ne ba mung'anda yaba tata bonse . '' ⁵² Kamwinika uwabubili umwana mwalalume Efulema , pakuti alilabile , '' Ba Lesa ba mponga uku fyala bana mukyalo kya fya kukatasha fyangi . '' ⁵³ Imyaka Isanu naibili iya kalyo akengi kali mukyalo kya Ijipita kashisa ku kupela . ⁵⁴ Imyaka isanu na ibili iya nsala kaitatula , koti nifyaka Yosefu alabile , kamupone nsala mukyalo kyonse , lomba monse mukyalo kya Ijipita mwali akalyo . ⁵⁵ Ili monse mukyalo kya Ijipita ili mwali nsala , a bantu kaba bilikisha kuli Felo pa kalyo . Felo kalabila kuli bonse abena Ijipita , '' Kamuya kuli Yosefu mukakite fyenka aka mibuleni . '' ⁵⁶ Insala yali ponse pa menso a kyalo kyonse . Yosefu kaashinkula onse amatala nekushitisha kubena Ijipiti . Insala yali kilile mu kyalo kya Ijipiti . ⁵⁷ Ikyalo kyonse kyali kwisa ku Ijipiti mukushita kalyo kuli Yosefu . Pakuti insala yali kilile monse mu kyalo .