¹ Ili kyafikile mushiku shakwe Amalafe, imfumu ya shina, Alioni, imfumu ya bena Elasa, Kedaloma imfumu ya bena Elamu kabili na Taido, imfumu ya bena Goyimu. ² Ukwebati pabe nkondo ukwimina Bela, imfumu ya Sodoma, Besha, imfumu ya Gomola, Shinaba, imfumu ya Adama, Shemebi, imfumu ya Zeboyimu, kabili imfumu ya bena Bela (abetwa Zowa). ³ Panuma ishi mfumu shisanu kashilibika pamo mukachi ka mpili mu Shidimu (kabili umwa uitwa ati kishiba kya mukele). ⁴ Pa myaka ikumi na ibili bali kubombola Kedaloma. Lomba mu mwaka wekumi na itatu kabasatuka. ⁵ Penka mu mwaka uwe kumi na ine, Kedaloma ne mfumu isho ali nasho kabesa ne kumwimila Lefam, mu Ashetelo kanaimu, abena Zuzite mu Hama, abena Emate mu Shave Kiliafamu, ⁶ ''kabili abena Holite mu kyalo kyabo ikya mapili ya Seya ukutali kwati niko Elo palan, ukwipi na mu kiselebwa. ⁷ Penka kababwela ne kwisa ku Enimishipati (ukwaleitwa ati Kadeshi) ne kubapama ikyalo kyonse ikya bena Amaleki kabili ne bena Amoli abaikele mu Hazezoni Tama. ⁸ Penka imfumu ya Sodoma, imfumu ya Gomola, imfumu ya Adama, imfumu ya Zeboyimu, ne mfumu ya Bela (uwalikwitwa ati Zowa) kabaya ne kupekanya ifita mumukonko wa Sidimu. ⁹ Mukumwimine Kedalome imfumu ya Elamu, Tidala, imfumu ya Shinala Alike, imfumu ya Elasa; imfumu shino ukulwa ne mfumu shisano. ¹⁰ Lomba umukonko wa Shindimu mwaliswile amakanda amatipa amafuta, kabili kwati nifumu sha Sodoma na Gomola ili shabutukile, balipo ne nemo mulya. Balya abashelepo kababutukila ku mapili. ¹¹ Penka amamfumu kabasenda fyonse ifiipe fya mu Sodoma na Somola na fyonse ifyo bali nafyo, ne kuya. ¹² Ili baile, bali musendele na Loti, umwana wa mubyakwe Ablama, uwalikwikala mu Sodoma, pamo ne fyonse ifyo akwete. ¹³ Umo uwabutukile kaisa mukwebati Abulama umu Ebeya. Alukwikala ku mamile, umwina Amoli, uwali umukwabo Eshikoli na Aneli abali beni bakwe Abulama. ¹⁴ Penka ili Abulama aumfwile ati umukwabo bamusenda, alibangilile abantu bakwe abali imyanda itatu nebantu ikumi na basanu muli basanu na batatu abasambelishiwe bwino abafyelwe mu ñanda yakwe, kabili kababutusha ukufika naku Dani. ¹⁵ Kababanya abantu bakwe mukubemina ubushiku ne kubapama, ne kubabutusha ukufika ku Hoba, uwali kukipiko wa Damasika. ¹⁶ Kabwesha fyonse ifipe, ne kuleta Loti umulongo wakwe ne fipe fyakwe fyonse, pamo ne banakashi ne bantu bambi pamo. ¹⁷ Panuma Abulama abwela kufuma mukukifya Kedalaoma ne mfumu isho ali nasho, imfumu ya Sodoma kaiya mukumukumanya mumukonko wa Shave (uwakwitwa ati umukonko wa mfumu). ¹⁸ Mekizedeki, imfumu ya Salemu yaliletele ifyakulya ne mfaina. Ali mu papatilishi wakwa Lesa ukilile. ¹⁹ Ali mupalile ne kulabila ati,'' kapalwe Abulama na Lesa ukilile, uwapangile ifya mwiulu ne kyalo. ²⁰ Kapalwe Lesa ukilile makosa, uwpela abalwani bobe muminwe yobe'' Penka Abulama kamupela ifya bulikumi fyonse. ²¹ Imfumu ya Sodoma kailabila kuli Abulama ati, peleni abantu, ne kusenda ifipe wemwine.'' ²² Abulama kalabila kumfumu ya Sodoma ati,'' Naimya amaboko angi kuli ba Yawe, Lesa ukililepo makosa. Uwalengele ifya mwiulu ne kyalo, ²³ ukwebati shakatolepo neli busalu nangu lusinga lwapa nkwabilo, nangu ikili kyonse ikili kyobe, ukukila ukakabile ati,'' Nalenga Abulama ukuba unonkele? ²⁴ Sha kasendepo ikili kyonse kufumyako fye ifyalile abasankwa ne fyapelwe ku bantu ifyo naile na fyo.''