¹ Panuma yafifi fintu ishiwi lya ba Yawe lyalishile kuli Abulama mukimonwa, nokulabila ati, ''Witina, Abulama! Ninemo ubukingo kabili nekyabupe kyobe ikikulu.'' ² Abulama kalabila, ''Shikulu Yawe, mba nifindo mukapela, naikalikwa ukwakubula mwana, kabili nomwina kwangi ni Elizabeti waku Ndomashikashi?.'' ³ Abulama kalabila,'' pakuti tamupelepo abeshikulu lwa, moneni, umo ukufyalwa muñanda yangi ukuba niswani. ⁴ Penka,boneni ishiwi lya ba Yawe kalisa kuli ye nokulabila,'' uyu muntu tabele niswani yobe; lomba ukuba kani umo ukafuma mumubili obe eukaba nipyani.'' ⁵ Penka kamufumya posonde, nokulabila, ''keba mwiulu, nokupenda utubangabanga, kani wakukosha ukubala tonse.'' Penka kalabila kuli ye, ''Afikaba ikifyashi kyobe.'' ⁶ Ali sumine ba Yawe, kabili kabelenga umwine ati uololokele. ⁷ Kalabila kuli ye.'' Ninemo Yawe, u-wamifumishe kupanga ya ur kubena akolondeya, ukumipela ipanga ya buswani nokwikalamo. ⁸ Kalabila,'' mwe ba Shikulu ba Yawe kuti naishiba shani pakuwebati naikalamo?'' ⁹ Penka kalabila kuli Ye, ''Leta kabushi akali myaka itatu, akonta akamyaka itatu, nembelele ilume, imyaka itatu, ikulimba, kabili ne kulimba inini.''' ¹⁰ Ali filetele fyonse, nokufiputula muli fibili, nokubika ikyalubali kubwipi nekinakwe. Lomba ta-abenye utunini. ¹¹ Ali fyuni fyaishile panshi pafikunda. Abulama kafisalanganya nokuya. ¹² Penka ali akasuba kaisa mukupona, Abulama kaufwa utulo, kabili nefishi ikulu kaimufimba. ¹³ Ali baYawe kabalabila kuli Abulama,'' Nkwishiba ukwebati ikifyashi kimo bakaba beni mupanga iui taili yabo. Kabili bali nokuba abasha nokumani kwa imyaka imyanda ine. ¹⁴ Kapingula ifyalo ifyo bakapupa, napanuma bakafumamo ne fintu ifingi. ¹⁵ Lomba mu kaya kuli bawishinwe mu mumutende, kabili mukashikwa mufiweme fyakale ifyakulo. ¹⁶ Mukifyashi kya bune bali bakisa kumo kabili, pakibipilwe Amolaiti takingafika pakimo.'' ¹⁷ Ili akasuba kapona pafita, mboneni, ikyushi kyamulilo wa ñongo nekyeselela kakipinta pakuti kafipifwa. ¹⁸ pali bulya bushiku ba Yawe kaba kinta ululayano na Abulama. Nokulabila,'' ku kifyashi nemo eko napana iyi panga, ukufuma kunika ya Injipita ukufika kunika ikulu ya Yufilate. ¹⁹ Abena Keni, na bena Kenesi, na bena Kadimoni, ²⁰ Abena Yeti, na bena Pelisi, na bena Lefa, ²¹ abena Amoli, ne bena Kanani, ne bena Giligasi, ne bena Jebusi.''