¹ Penka Abulama kafuma ku Injipita ne kuya mu Negebi, ye, umukashi wakwe na fyonse ifyo akwete na Loti kaya nabo pamo. ² Kabili Abulama ali ne bunonshi ubukulu ubwa kusunge nama, Silifa ne golide. ³ Katwalilika ulwedo lwekwe kufuma ku Negebi ukuya ku Beteli, kumupunda ukwali tente lyakwe panuma, pakati ka Beteli na Ai. ⁴ Alile kumupunda ukwali kipwilo ikyo apangile panuma. Penka kapela ne shina ati Yawe. ⁵ Penka Loti, uwali kwenda na Abulama naye ali ne tanga lya nama ne matente. ⁶ Pakuti umushili tali ne kubakwasha bonse ukwikala pamo apepi, pantu bali ne nama ishingi, pakwebati bengabula ukwikala pamo. ⁷ Kabili, kwali ulupata pakati kabembeshi betanga lyakwa Abulama ne bakwe Loti. Abena kanani nabena Palishi bali kwikala mwenka mumpusha imo pali ilya mpindi. ⁸ Pakuti Abulama kalabila kuli Loti ati,'' peba ulupata pakati pali webo na nemo na pa bembeshi bobe na bangi; nangabe fyo, tuli abañanda imo. Kanshi ikyalo kyonse takuli kuntanshi yobe? kabiye kuntashi ne kwabana ukufuma kuli nemo. ⁹ Nga webo uye kukipiko nemo nakuya kuya kulwine, nangaba nga uye kulwine nemo nakuya kukipiko. ¹⁰ Penka Loti kalolesha monse monse. kabili alimwene ati ilungu lya Yodeni lyali ne menda konse konse ukufika waku zowa kwati buimi bwa ba Yawe, kwati ni mpanga ya Injipita, Kyali ili ba Yawe tabanga onaula Sodoma na Gomola. ¹¹ Penka Loti kalisalila umwine ilungu lya Yodeni ne kuya ukutulila kasuba ne balongo kaba bana umo ne mubyakwe. ¹² Ablama kaikala mu mpanga ya Kanani kabili Loti alikele mukachi kamishi ye lungu. Penka kasompa amatente akwe apataliko na Sodoma. ¹³ Pakuti abantu bamu Sodoma bali ne fyakubifya ifingi kuli ba Yawe. ¹⁴ Ba Yawe kabalabila kuli Ablama panuma Loti afumako ye ati,' ''mona ukufuma ku mpanga uko wimakene kuunofu, safa, kumutule suba, na kumbonshi. ¹⁵ Impanga yonse iyo wamona ndino kukupela ne ba mukifyashi kyobe kyonse imyaka ne myaka. ¹⁶ Nemo ndi ne kubafisha abamukifyashi kyonse kwati lukungu lwa panshi, pakwebati umuntu nga kuti apenda alukungu lwa panshi, Lomba ninshi kuti apenda ne kifyashi kyobe. ¹⁷ Ima, ulukwenda, mu butali na mu bwipi bwa mpanga, pakuti ndi no kupela kuli webo.'' ¹⁸ Penka Ablama kasenda ne tente lyakwe, ne kwisa ne kwikala mufichi fya oko fya mamuli, ifili mu Ebiloni, kabili kwali kaba soma ne kyonto kuli ba Yawe.