Vanhlál kalyg ki légle tõ ũ pil (Capitúlo: 3)
1
Aglẽnẽ tõ vatxika sinagoga ki tavig mũ jagló ũ nẽga jol vũ ka nẽ.
2
Kũ ũ óg ti vég node mũ ti tõ ũ lẽn na vé jé lá ki vãnhkán djo ti ki ẽ tõ vẽ kũ ti to vabén jé.
3
Aglẽnẽ ti vũ ũ nẽga jol ti mõ jãgdã kũ ma ũn kabág nõde tóg óg to ló katẽg.
4
kũ ta ũ óg to ẽ vég nódẽ ti óg mõ hã vẽ mõ jé " lá ki vanhkán djó ti ke mũ ti ki ũ nevi u jé? vẽl ki ũ nevi jógdẽg jé, vẽ mõ ũ u kũ jãg jé? ve mõ ma ũ tanh jé?. kũ óg mã kũ kótyj nódẽ mũ.
5
kũ ta ve kũ ze kly ke mũ, vel ta vãnh kulég mũ ẽ tõ óg ze tol ti ve kũ, ta vũ kónhgág ti mo: "A nẽga ti jũn ló" kũ ta ẽ nẽga ti jũn mũ kũ aglẽnẽ ti vũ ti len mũ.
6
Fariseus ti óg vũ ma kũ me mũ mũ kũ óg blanh ke kũ Herodianos ti óg blé ti to vabég mũ ũ like kũ óg to ti tanh ke ti.
7
ku Aglẽnẽ ti vũ ẽ blé nõdẽ ti óg blé goj vanh ló tẽ mũ. kũ ũ kabág óg vũ galileia tá ti tõ kamũ mũ.
8
Jerusalém ta, Idumeia Jordão pa te ta, Tiro ẽ Sidon pe jẽn vũ. ti tõ dén han, ká nã tẽ, ti, mã ti vũ ũ kabág óg vũ ti to ka mũ mũ.
9
kũ ta ẽ blé nõ dẽ ti óg mõ kanũ katxin jé kól kũ ẽnh djó nũ, ũ kabág óg tõ nẽn tõ óg tõ ẽ jagzẽn tũ jé.
10
ti tõ ũ kabág óg tẽ, a tõg nẽn ũ kóggó nõde mũ ti óg vajétug mũ, ẽ to ti to glãn ke ku ti kagmẽ jé txul ti kũ.
11
Gáju zógdẽn óg vũ ti vũ ẽ tõ ti ve kũ ti klãn kũ tã gé ke mũ, kũ óg ti jyjyn kũ ti mõ "Aha ma tõ Aglẽnẽ ji jã".
12
Ẽ ha ta, vãnh jõ kũ, óg mõ to vẽ mũ óg tõ ẽ kabén ban tug jé.
13
Kũ ta klẽ ló taplỹ mũ, kũ ũ tõ ẽ jé txul mũ ti óg jéky mũ, kũ óg ti to kamũ mũ.
14
Kũ ta zõm to légle óg vin mũ "óg to ta pa'i ke mũ" óg tõ ti blé nódẽ jé. Óg tõ e vẽ ti zanã jé.
15
Ti vanh jó ti tõ vãnh ki to jynh ké kũ dẽn jógdẽn me óg póm jé.
16
Kẽ mũ ta zõn kle ũ légle: Óg vin mũ: Simão, a mõ ta Pedro ke mũ.
17
Tiago, tõ Zebedeu ji, João tõ Tiago nũjẽn blé, tóg a mõ ag jyjy to Boanerges ge mũ, dén tõ tól og klá ge vã.
18
Andre blé, felipe, bartolomeu,Mateus, Tomé, Tiago tõ Alfeu ji, Tadeu, Simão, tõ Zelote jã ta.
19
Judas Iscariotes blé, ũ tõ ag do mõ ti tovanh mũ ta.
20
ku ta ẽ nẽjo ti ló tẽ mũ. ũ kabág óg vatxo vagzũn ban ti kũ óg to dén gla ko jã tũ te.
21
Kũ ti kanhka ti óg tóg ti mãg mũ kũ óg ló mũ mũ óg tõ ti to hun ke ti jé, kũ óg vũ: 'vanh mãg tũ ta jã".
22
Vãdjó tõ vanh láglãn ge ke mũ óg tõ Jerusalém tá kamũ óg vũ tóg e kũ vẽ nódẽ mũ: Belzebu to ti ka jã vã "jonh to óg to ja, ha, blé ta ẽ like to jonh ti óg jãgnãg gé ke mũ"
23
Aglẽnẽ ti óg jeky kũ óg mõ vabén mũ: "hã vẽ mõ jé jonh ti jé e like to jonh ti jãg nãg jé".
24
Jóba tõ mẽ vanh kalyg lyg ã ta ti kũ, jóba tóg ti vũ hãli ke ban ki tũ tẽ.
25
Ẽn ũ to vanh bakótug mũ kũ, ẽn tóg tẽ hãli ke bon ki tũ tẽ.
26
Jonh to ẽ ha vanh kóto jagdá ã ta ti kũ, ta vanh kakótug jãg te, kũ ta á like ban ké tũ te, kũ ta toké mẽ tũg te.
27
Ha li ke kũ kanh gág vanh gó tavẽ ẽn ló la kũ ti to dén ti me péju ki tu té ti zan vén á ta kũ, tóg ge kũ ti dén tẽ té péju te.
28
Tõ vanh vẽn kũ mẽ a mõ vẽ tẽ, konhgág óg klã óg jogzẽ jógdẽg ti nu to óg kápég te, óg to ti kó to me vẽ jó ti blé;
29
Ũ to gájũn jogzen ũ to vẽ jógdẽg mũ ti, ta vũ kápe ban ki tu tẽ, like ti jé ẽ ha to dén jógdẽg ti mõ vanh tave jó va".
30
Ãglẽnẽ tõ góg ge ku vẽ ti jé óg vũ ti to vẽ nõdẽ kũ: "dén jõgdẽg vũ ti jã".
31
Ti nõ zi, ti kánhka ti óg vũ kamũ ku ti ba ki nódẽ mũ, kũ óg ti to ũ zanãg mũ ti jé ky jé.
32
Kũ, ũ kabág óg vũ ti ban klón ke mũ kũ óg Aglẽnẽ ti mõ " A nõ zi blé a konhka óg vũ ẽn ba ka ja kũ a kónãg nódẽ".
33
Ta vũ óg mõ to tógge kũ vẽ mũ:" ũ nũ tõ ẽnh jõ blé ẽnh konhka jã?".
34
Kũ ta ũ kabág tõ ẽ ban nódẽ óg mõ ta tóg like mũ: "ve ló enh nõ blé enh konhka óg a vũ ki nódẽ!
35
Ũ to gynh mo nẽ jogzen me tẽn mũ óg vũ to jõ blé enh konhka nódẽ".