Vanhlál kalyg ki légle ( CAPITÚLO 2)
1
vatxika ta CAFARNAUM ki ta tavig, la ũ pã ki ti óg mã mũ, ẽn ki tavig jó ti.
2
Kũ óg ti to vãgzũn-mũ Aglẽnẽ ji ti ẽ vẽn ti óg mõ ka bég jõ.
3
Ũ óg vũ Aglẽnẽ ji ti tõ ka mũ mũ, kónhgág vãnhglẽn nõ ti to bó ka mũ óg mũ; ũ tõ légle tõ légle óg vũ ti bó ka mũ mũ.
4
à like kũ óg vũ ti toglãn ke tũ te, like ti jé, ki kabág óg nõdẽ ũ kã Aglẽnẽ ji jã, kũ óg ẽn ló taply mũ. ku óg lug mũ, lug kól kũ, kónhgág vãnhglẽ nõ te ti óg ta le mũ.
5
Óg tõ ti to vãnhvẽ ti vég ta mũ, kũ Aglẽnẽ tẽ vũ kónhgág vãnhglẽn nõ: " ẽnh ji, a jógzẽn jódẽn (PECADO) mẽ na a kápég tẽ".
6
Jãgló, ũ tõ (ESCRIBAS) óg nẽ kũ nõdẽn, kũ óg ze ki vãnh jẽ tũg nõ dẽn:
7
Denh jé kónhgág tõ ti vẽ nũ vã? txi atõ vãnh txõ vẽ nũ vã! Aglẽnẽ é pimõ ta a jógzẽn jógdẽn te mẽ a kũ pég tẽ?"
8
Mũ jãgló Aglẽnẽ ji vãnhki mãg mũ óg jékle ti óg mõ ta: " de jé ma mẽ ã ze ki to aklé nõdẽ?
9
De nu jé kónhgág vãnhglẽ kũ nõ ti mõ nũ: 'a jógzẽn jógdẽn mẽ nũ a ká pég nũ mũ ve nũ jé 'jãgdã kũ a nõ jó ti vũg kũ ma tẽ'?