¹ Dikomano le dikgotlhang magareng ga lona ditswa kae? A gadi tswe mo dikeletsong tsa lona tsedi di tlhabanang magareng ga maloko a lona? ² Le a eletsa, mme ga lena. Le a bolaya, abo le eletsa ditsabatho, ebile gale kgone go amogela. Le alwa abo le ngaga. Gale amogele ka gore gale kope. ³ Lea kopa mme gale amogele ka gore le kopa ka tsela e e sa siamang, gore letle le itirisetse go eng ka dikeletso tsa lona. ⁴ Diaka ke lona! A ga le itse gore botsalano le lefatshe ke bobaba kgatlhanong le Modimo. Jalo ope hela yo o batlang go nna tsala ya lefatshe o itira mmaba wa Modimo. ⁵ Kana le akanya gore dikwalo di bua lefela fa dire, ''Mowa o a o dirileng go tshela mo go rona o lefufa le le tseneletseng''? ⁶ Mme Modimo o fa ditshegofatso tse dintsi, jalo dikwalo tsare, ''Modimo o ganetsa ba ba boikgokgomoso, mme o neela tshogofatso ba ba boikobo''. ⁷ Jaanong ineeleng mo Modimong. Ganetsang diabolo, mme otla le tshaba. ⁸ Tlaa gaufi le Modimo, mme o tlaa tla gaufi le lona. Phepafatsang diatla tsa lona, baleofi ke lona, le itshekise dipelo tsa lona, lona bale tlhaloganyo di pedi. ⁹ Utlwang botlhoko, le hutsafale, le lele! A setshego sa lona se fetoge kutlobotlhoko le boitumelo ba lona bo nne lefifi. ¹⁰ Ikokobetseng fa pele ga Morena, mme otla go tsholeletsa ko godimo. ¹¹ Le seka la bua kgatlhanong le o mongwe, bakaulengwe. Motho o o buang kgatlhanong le mokaulengwe kapo a atlhola mokaulengwe wa gagwe o bua kgatlanong le molao ebile o atlhola molao. Ga o atlhola molao, ga o modire wa molao, mme moatlodi. ¹² A le mongwe fela ke ene a neelang molao abo a atlhola. Ke ene a kgonang go boloka le go senyaka. Wena o mang, wena o a tlholang moagisane ka wena? ¹³ Jaanong reetsa, wena o o reng, ''Gompieno kana kamoso retla tsena mo toropong e, ra tsaa ngwaga teng, go gweba, le go dira dipoelo.'' ¹⁴ Ke mang yo o itseng gore gotla diragala eng kamoso, ebile botshelo ba gago ke eng? Gonne o mmuane o o bonalang ka lebakanyana abo o boa o nyelela. ¹⁵ Boemong, o tshwanetse gore, ''Fa Morena a eletsa, retla tshela abo re dira sele le sele.'' ¹⁶ Mme le jaanong lea ikgantsha kaga mananeo a lona a maikgantsho. Boikgantsho botlhe bago nna jalo bo bosula. ¹⁷ Jaanong ope hela o o itseng go dira se se siameng abo a sa se dire, mo go ene ke boleo.