¹ Tlaa jaanong, lona bale humileng, lela le goeletse ka lebaka la mahutsana aa tlang ko go lona. ² Dikhumo tsa lona di bodile, le dilwana tsa lona di jelwe ke motoutwane. ³ Gauta ya lona le selefera di rusitse, Go rusa ga tsone e tlaa nna bosupi kgatlhanong le lona. E tla aja nama ya gago jaaka molelo. O ipeetse mahumo a gago go malatsi a bofelo. ⁴ Bona, tuelo ya babereki e lelela ko ntle-tuelo e o ganneng ka yone go tswa ko go ba ba robileng masimo a gago. Le selelo sa barobi se ile mo di tsebeng tsa Morena wa mashomoshoma. ⁵ Le tsheletse mo letlepung mo lefatsheng, le inatefisa. Le nontsheditse dipelo tsa lona letsatsing la tlhabo. ⁶ Le beile molato la ba la bolaya motho o o siameng. Ga a le ganetse. ⁷ Jalo nna pelo telelele, bakaulengwe, go fitlhela gotla ga Morena. Bona, molemi o emetse thobo ya tlhwatlhwa go tswa mo lefatsheng. O e emetse ka bopelotelele, go fitlhela e amogela dipula tsa pele le tsa morago. ⁸ Le wena, nna pelo telele. Dirang dipelo tsa lona thata, ka gore go tla ga Morena go gaufi. ⁹ Le seka la ngongorega, bakaulengwe, kgatlhanong le ba bangwe, gore le seka la atlholwa. Bona, moatlhodi o eme kwa monyakong. ¹⁰ Tsaya sekai, bakaulengwe, ka go sotlega le bopelotelele jwa baporofiti, bao ba buileng mo leineng la Morena. ¹¹ Bona, re lemoga bao ba ba itshokileng gore ba segofetse. Le utlwile ka boitshoko jwa ga Jobe, e bile le itse lebaka la Morena, ka fa a leng pelotlhomogi le mautlwelo botlhoko ka teng. ¹² Godimo ga tsotlhe, bakaulengwe, le seka la ikana, e seng ka legodimo kapo lefatshe, kapo ka maikano ape. Boemong, a ''ee'' wa lona a ree ''Ee'' le ''Nnyaa'' wa lona a ree ''Nnyaa,'' gore le seka la wela mo tshekisong. ¹³ A gona le mongwe wa lona yoo bogang dikgwetlho? A a rapele. A ope o itumetse? A a opele dikgalaletso. ¹⁴ A gona le mongwe mo go lona yoo lwalang? A a bitse bagolwane ba phuthego, mme a ba mo rapelele. A ba mo tlotse ka leokwane mo leineng la Morena. ¹⁵ Thapelo ya tumelo e tlaa fodisa balwetsi, mme Morena o tlaa motsholetsa. Fa a dirile maleo, Modimo o tlaa mo itshwarela. ¹⁶ Jaanong Ipolelaneng maleo, a bo le rapelane, gore le tle le fodisiwe. Thapelo ya mosiami e nonofile mo go berekeng ga yone. ¹⁷ Elija ene ele motho fela jaaka rona. O ne a rapela ka tlhoafalo gore pula e seka yana, mme ene ya seka ya na mo lefatshing sebakeng sa ngwaga tse tharo le kgwedi tse thataro. ¹⁸ E bile Elija o rapetse gape. Magodimo a tlisa pula, mme lefatshe la ntsha leungo a lone. ¹⁹ Bakaulengwe bame , fa mongwe mo go lona a tswa mo boammaaruring, mme bangwe ba mmuse gape, ²⁰ motho wa gonna jalo o tshwanetse go itse gore ope yoo fetolang moleofi go tswa mo tseleng ya gagwe tsa tatlhego o mmoloka go tswa mo lesong, e bile o tlaa khurumetsa palo e kgolo ya maleo.