¹ Efumako kumalo kwenzele noluta kumunzi wakwao, ophunzila bake emukonkha. ² Palefwika siku la sabata, ephunzisa mu sunagoge . Anyinji banthu emunvwa edabwa. echiti,'' echitola kuni chiphunziso choteti?'' epasiwa nzelu zotyani ?'' Nanga izi zodabwisa zakuchita na manja yake ?'' ³ ko uyu siula mpala matabwa, mwana wa Maria mkwao wa Jemusi, Yoses na Judas na Simon? Ko alongosi bake niyaba lini batilinao pano? Aba banthu akhumudwa nae Yesu. ⁴ Yesu ebauzya kuti,'' Mneneri opasiwa lini ulemo kwao,kumunzi mwao namng'anda mwao.'' ⁵ Aliyo chite nchito ikulu ilionse kwao ,tyala kuika manja pa olwala nao atontho tyala no bapolesha . ⁶ Kwemudabwisha kusakulupilila kwao . Eluta ku minzi yenze pafupi kuyo phunzisa. ⁷ Kuchoka apo eita bala thwelufu nobatuma abili-abili , ebapasa ulamulilo pa mizimu yonse iipa , ⁸ soti ebalamulila kuti asatole kanthu kalikonse pa ulendo wao,koma tyala mchiza : osatola bredi ,kapena chola, osatola ndalama m'mabande yao, ⁹ koma tyala kuvwala , nkhwabilo, soti osavwala vovwala vibili, ¹⁰ Soti ekamba nao kuti ,mukaloba mu ng'anda ,nkhala mpaka muchoke kumalo kwamene uko. ¹¹ Ngati uyo munzi uliokulondeleni kapena kukunvwelani, pofuma ayo malo kunkhumulani kalukungu kumendo banu nga ni umboni kwa beve,'' ¹² Echiya kunja kwa munzi kuyolalikila kuti banthu akeke machimo yao. ¹³ Echosa mizimu iipa, nakuzoza banthu anyinji enzo olwala na mafuta nakubapolesha. ¹⁴ Mfumu Herode echinvwa ichi, kuti zina ya Yesu yachuka ngako. Ayakine enze kuti ,'' Yohane m'batizi wauka kwa kufwa kamba ka chamene ichi, izi zodabwisa zili pa nchito mwa yeve.'' ¹⁵ Ayakene enzekuti , '' ni Eliya .'' ndithu ayakene enzekuti ni muneneri, ngati tyala m'mozi mwa aneneri akale.'' ¹⁶ Koma Herode pechinvwa zoteti echiti ,'' Yohane wane tenda mutu wauka soti,'' ¹⁷ Pakuti Herode enze tuma banthu amange Yohane nakumuponya mu jere (mkwao wa mkazi wa Filipo), kamba kakuti enze emukwatila, ¹⁸ Pakuti Yohane euzya Herode ,'' Nichosa enela kuti weo utole mkazi wa mkwanu,'' ¹⁹ Koma Herode ekalipa nofuna kuti Yohane apaiwe,koma zekanga, ²⁰ Herode enze yopa Yohane ; enzo ziba kuti enze munthu olungama ndipo oyopa Mulungu, ndipo ezisunga bwino. kumunvwa olabila chenzo mukalipisha ngako koma enzo munvwa mokondwela. ²¹ Koma siku loyenela lefwika apo Herode enze na phwando ya kubadwa kwake ,ekonza vakulya va banthu akulu akulu ,na olamulila soti na azisogoleli aku Galileya. ²² Mwana wa Horede evina ,ekondwelesa awisi (Herode) na beitiwa kuzo kwendwelela phwando . Mfumu yekonsha mwana ,'' kamba chilichonse chaufuna nikupase .'' ²³ Elapa kuli eve kuti ,'' chilichonse chaungafune nikuchitile olo unga fune ,olo utafuna hafu ya chalo changu .'' ²⁴ Eluta kuyokonsha anyina kuti asenge chinji?'' echiti,'' mutu wa Yohane m'Batizi .'' ²⁵ Soti pamene apo eluta kuyokonsha mfumu kuti,'' nufuna munipasile pamozi, pa mbale mutu wa Yohone M'batizi.'' ²⁶ Olo ichi chekalipisha mfumu, chevuta kuti akane kamba ka lapila kwechi lapila soti kamba ka banthu enze ewela ku phwando. ²⁷ Mfumu yetuma msilikali pali enzo mulonda nakumulalila kuti alete mutu wa Yohane . Msilikali emulamulila kuti alute alete mutu wa Yohane. Msilikali eluta mu jere kuyotenda mutu wa Yohane. ²⁸ Eleta mutu wa Yohane pa mbale nakumupasa mwana mwanakazi,ndipo epasa anyina . ²⁹ Ndipo ,pechinvwa nkhan ophunzila bake, ewela kuzotola thupi kuyoika ku manda. ³⁰ Ndipo apostoli, ewela pamozi na Yesu, emuuzya vonse vechitika . ³¹ Echiti kuli beve , welani kuno ku malo yaku chipululu pumulankoni patontho,'' pakuti anyinji enzo wela nakuya ,enzevye na nthawi yakulya . ³² Eluta na boti ku malo yaku chipululu kwa beve beka. ³³ Koma ebaona pochoka ndipo banyinji ebaziba, ndipo eutuka pamozi na mendo kufuma kuma minzi yosiyana siyana, ndipo eyambilila kufwika ophunzila akaliyo fwika. ³⁴ Pefwika ku fupi na manzi , eona banthu anyinji ndipo echinvwa chifundo kamba kakuti enzo oneka nga ni mbelele ziliye m'busa. Ndipo eymba kubaphunzisa vinthu vinyinji. ³⁵ Payesila nthawi , ophunzila bake ewela kuli eve echiti,'' kuno niku malo yaku chipululu na soti nthawi yasila . ³⁶ Atumeni aluteko pa ma minzi yapafupi kuti akaguleko vakulya vao alye.'' ^{37 38} Koma ebayankha kuti ,apenkoni chakulya alye ,'' Echti kuli Yesu ,'' tingalute kuyogula bredi okwana pa 200 denari kuti banthu onse akwane ? Koma echiti kwa beve ,pali bredi ingati ?nkhoyani kaoneni.'' pefufuza epuza kuti peze tyala bredi faivi na nsomba zibili.'' ^{39 40 41} Elamulila banthu onse kuti ankhale m'magulu pa mauzu. Enkhala m'magulu ; yama handiledi nama fifite. Etola buledi faivi na nsomba nsomba zibili, Elanga ku kululu noyamika Mulungu evipasha nakupa ophunzila bake kuti agabile banthu. nakuzopasha soti nsomba kuti onse kukwana, ^{42 43 44} Onse echilya mpaka kukuta . Etola buledi osalila ,nswanda thwelufu na nsomba . Analume enzepo onse pamozi enzo kwana faivi sousande echilya buledi. ^{45 46 47} Kuchoka pamene apo elamulila ophunzila bake kuti akwele mu boti asogole kuluta ku mbali iyakene , ku betisaida. Penzo tuma gulu kuti iyambepo. Pe luta ophunzila bake ,eve eluta ku lupili kuyo pemphela . M'mazulo ,apo lomba boti yenze pakati pa manzi, eve enze eka kumtunda. ^{48 49 50} Soti eona kuti enzovutikana nao boti kamba mphepo yenzo yenzo bakankhila.Pa folo koloko usiku ewela kuli beve ,enzoenda pamanzi enzofuna kuti abapitilile.Koma pechiona kuti oenda pa manzi enzeganiza kuti nichibanda ndipo belila, kamba kakuti ndipo enze odabwa ngako . Koma pamene apo ebakambisa echiti ,'' limbikani mtima ,nineo''.! osayopa!'' ^{51 52} Eloba nao mu boti, ndipo mphepo yeleka. Ndipo bedabwa ngako. Pakuti aliyo zibe tanthauza ya buledi ,mitima yao yenze yokosa. ^{53 54 55} Pechitauka ,ewela ku malo ya Jenesareti nakupanamika boti. Pechifuma mu boti ,pamene apo emuzindikila . Efuma apo noutuka kumalo yonse yakwamene uko kuleta banthu olwala pa materesi ,kulikonse kwenze chinvwa kuti akuza. ⁵⁶ Nthawi zonse akaloba m'munzi, olo ku ma tauni kapena mu chalo enzoleta olwala pamalo ogulisila, enzomusenga kuti akateko tyala olo vovwala vake , ndipo onse enzo mukata enzo chila