¹ Ewela ku silya kwa njanja yaku malo ku Jerasini. ² Soti pamene apo Yesu penzo choka m'boti, munthu enze na mizimu iipa ewela kuli eve kuchoka ku manda. ³ Uyu munthu enzo nkhala ku manda. kwenzenvye munthu enzokwanisha kumulesha vilivonse venze funo kuchita olo kumumanga na cheni. ⁴ Enze omangiwa nthawi zinyinjie. koma enzo tenda vonse vomangila .kuliye munthu enzo kwanisha kumukata. ⁵ Usiku uli onse na muzuba enzo nkhala ku manda naku malupili, enzo lila nakuzicheka navimyala. ⁶ Penze eona Yesu patali ,emuutukila nakugwada pansi. ⁷ Elila na lizu yapa lulu,'' nachita chinji kuli mweo , Yesu , mwana wa Mulungu wakumwamba mwamba? Nukusengani mwa Mulungu ,osationonga.,'' ⁸ Pakuti enzo kuti kuli yeve,'' fuma mu munthu uyu chimuzimu chiipa ⁹ Emukonsha ,zina yako niwebani? ndipo eyankha kuti, '' zina yangu ndine legio,pakuti tilimo tanyinji.'' ¹⁰ Emusenga kanyinji kuti asavichose m'malo yala. ¹¹ Lomba apo penze nkhumba zinyinji zenzo kulya pa lupili, ¹² vemusenga kuti ,lekani tilobeko mu nkhumba izi zili apa . ¹³ "evi lola kuti vilobe mu nkhumba ,vimizimu viipa vefuma mu munthu nakuloba mu nkhumba, nkumba zeutuka nokuyoloba pa manzi, zonse nkhumba pafupi fupi two sauzande zefwila pa manzi. ¹⁴ Bala benzo lyeshela nkhumba eutuka kuluta ku munzi kuyonena vechitika konse kumizinda yosiya siyana. Banthu anyinji ewela kuti azaone vechitika. ¹⁵ Banthu ewela kuli Yesu emuona munthu enze na mizimu iipa -enze nkhale pansi, ovwala bwino, enzo ganiza bwino bwino ,banthu echinvwa mantha. ¹⁶ Banthu eona vechitika kuli ula munthu enze na mizimu iipa euzyako ayao vonse navechitika ku nkhumba, ¹⁷ Enze eyamba kumsenga kuti achokeko ku malo yao. ¹⁸ Penzo loba mu boti,ula munthu enze na mizimu iipa emusenga kuti alute nae. ¹⁹ Koma yeso aliyo mu lole, koma ekamba nae kuti,'' nkhoya ku ng'anda kwanu naku banthu banu,uka bauzye vawakuchitila Mulungu,na chifundo cha kuonesha ''. ²⁰ Kuchoka apo eluta paliponse kulalikila vinthu vikulene vemuchitila Yesu mu Dekapolisi, banthu onse enkhala odabwa. ^{21 24} Lomba petauka soti Yesu kuluta kusilya iyakene na boti chigulu cha banthu cheunjikana kumuzungulukila, penze pa mbali nyanja. ²² msogoleli umozi wa sunagoge ,enze na zina yakuti Jairo,ewela, peona Yesu eponela pa mendo pake. ²³ Emusenga kanyinji ,kuti, '' Mwana wangu mtontho mwanakazi wasala patontho kufwa, nukusengani, kuti muwele muikepo kwanja yanu kuti ankhale moyo ndipo apole. Eluta nae ,na gulu ikulene ya banthu yekonkha nakumufyantha apo gulu yamuzungulukila. ²⁵ Pamene apo penze mzimai enze navuto ya magazi kwa zaka thwelefu. ²⁶ Enzongo lwala soti nopita mu ng'anga zinyinji elipila ndalama zonse zenzenazo koma osapola, matenda enzo kulilako m'malo mwakuti apole . ²⁷ Penzechivwa mbili ya Yesu. Ewela kuvula penzo enda Yesu mu gulu, nokata chovwala chake. ²⁸ Pakuti enze kuti m'maganizo mwake nikango kata olo tyala vovwala vake nipole. ²⁹ Pemukata ,magazi yeleka kuchoka , echivwa mthupi mwake kuti apola matenda yasila. ³⁰ Yesu echinvwa mthupi mwake mphavu ziyakene zachokamo. Echunguluka ku gulu nokonsha ,'' nibani wakata kuvovwala vangu?'' ³¹ Ophunzila bake eyankha kuti,'' onani banthu kupaka ,mungachito konsha kuti nibani wakukatani?'' ³² Koma Yesu elanga langa kuti aone wamkata. ³³ Mzimai peziba chechitika kuli yeve, eyopa noyambo njenjemela. ewela nopona pansi penze Yesu, noulila vazoona vechitika. ³⁴ Echiti Yesu kuli mzimai,'' mwana mwanakazi chikhulupililo chako chakuchilisha. Nkhoya mwamtendele ndipo soti pola ku matenda yako .'' ³⁵ Penzo labila ,banthu ayakene ewela kufuma ku sunagoge, enze kuti, ''Mwana wako wamwalila'' .osabavuta soti ophunzisa?'' ³⁶ Koma Yesu pechinvwa vechilabila , echiti kuli msogoleli wa sunagoge,'' Oyasopa ,khulupilila tyala.'' ³⁷ Aliyolole munthu aliyense kuti amukonkhe ,koma Peter tyala, Jemusi na John, mkwao wa Jemusi. ³⁸ Ewela ku ng'anda ya msogoleli waku sunagoge ,epeza banthu olila mau palulu ngako. ³⁹ Peloba mu ng'anda ,echiti kuli banthu,'' mwakalipa chinji ndipo mulila chinji ? Mwana aliyo kufwe wango lala tyala tulo.'' ⁴⁰ Emuseka. Koma ebafumya panja onse, notola awisi na amai bake ba mwana nabala benze nao, noluta penze mwana. ⁴¹ Etola kwanja ya mwana nokamba kuti ,'' Talita kumi,'' kutanthauza kuti , mwana mwanakazi iwe nukamba na weo, uuka.'' ⁴² Pamene apo euka noyamba kuyenda( pakuti enze na zaka 12 zobadwa) .Soti banthu onse enze edabwa ngako . ⁴³ Elesha banthu onse kuti asazibe vachitika . Ekamba na banthu enze pafupi kuti ampase chakulya alye.