¹ Eyamba soti kuphunzisa kumba kwa nyanja ,na gulu ikulene yeungana nomuzungulukila. Eloba mu boti yenze pa nyanja nonkhala mkati. Gulu lonse lenze mbali mwa nyanja. ² Ebaphunzisa vinthu vinyinji mu miyambi, ndipo mukaphunzisidwe kake echiti teti. ³ ''Mnvwani, mulimi echio fesa mbeu yake ⁴ .Penzo fesa ,mbeu iyakene yeponela m'mbali mwa njira nyoni zewela nakulya , ⁵ Mbeu iyakene yeponela pa mwala penzeve lito yokwanila ,limela koma lito yenze lichepa. ⁶ Zuba paye tula ,ila mbeu yefota nakupya teti,soti mizyu iliolute patali yechifwa. ⁷ Mbeu iyakene yeponela pakati pa vimiti va minga. Vimiti va minga vekula nosokoneza, ila mbeu iliopape vipaso. ⁸ Mbeu iyakene yeponela pa lito labwino notwala zipaso nokula ngako, nitwala sate,sikisite ,mpaka handiledi kupasha. ⁹ Ndipo echiti ''uyo ana matu akunvwa, anvwe'' ¹⁰ Lomba Yesu penze eka, bala enze nae pafupi na thwelufu emukonsha za miyambi. ¹¹ Echiti kuli beve,'' kwanu mweo kwapasiwa chisinsi cha ufumu wa Mulungu .Koma kwa bala bali kunja zonse zuwela mu miyambi , ¹² cholinga kuti aone koma asaone , anvwe, inde akunvwa koma akunvwa lini, olo akunvwa koma onvweshesha lini, apo yai, anga-phenduke nakuti Mulungu angaba khululukile.'' ¹³ Soti echiti kwa beve ,'' mukunvwa miyambi iyi? nanga miyambi iyakene muvwesheshe tyani? ¹⁴ Mulimi echala mbeu yake ndiye echala mau . ¹⁵ iyakene ndiye yeponela pa njira, mau ebyaliwa. Akanvwa mau ,satana akuza pamene apo nakuiba mau yebyaliwa muli beve. ¹⁶ Iyi iyakene mbeu yobyaliwa pa mwala ikanvwa mau,pamene apo yulandila na kukondwela . ¹⁷ Soti iliye mizyu paeve yeka , yulimbikila patontho tyala. Kukawela zovuta namaeselo kamba ka mau, opona nthawi iliyonse. ¹⁸ Ayakene nibala obyala pakati pa minga . Akunvwa mau, ¹⁹ koma nkhawa za mziko na zovuta, zotoleka nazo zachuma,na zofunafuna zuloba noononga mau ,pothela onkhala osapapa vipaso. ²⁰ Bala obyaliwa pa nthaka yabwino nibala okunvwa mau noyalandila bwino notwala vipaso; ziyakene sate na sikisite ,na handiledi.'' ²¹ Yesu ebauzya kuti ,'' ko muleta nyale mu ng'anda noivwinikila pa nswanda olo kuika mnyansi mwa bedi? muleta nyale noika patuba . ²² Pakuti paliye kanthu kobisika kati kasaka ululike, soti paliye chisinsi chati chika leke kuululika. ²³ Ngati pali munthu akunvwa mau lekani anvwe". ²⁴ Echiti kwa beve,'' ikankoni nzelu vamukunwa ,pakuti muyeso wamuyesela ,mukaesewe nao, soti akamuonjezeleni . ²⁵ Pakuti aliyense alinavo kale Mulungu akamuonjezele vinyinji, bala aliye akalondewe na vala valinavo.' ²⁶ Soti echiti ,''ufumu wa Mulungu uli nga ni echala mbeu yake . ²⁷ Elala usiku kuuka m'mawa ,mbeu yamela nokula , olo kuti oziba lini kuti zachitika tyani. ²⁸ Thaka yubala zipaso pa eve eka: uyamba ni m'mela , ngala ngala , powela menso okhwima mu ngala ngala. ²⁹ Ikapya mbeu, pamene apo otola chikwakwa pakuti nthawi yakwana.'' ³⁰ Echiti kuli beve ,'' Ufumu wa Mulungu uyu tingaulinganizye na chinji, kapena tingasebenzeshe mwambi otyani pofuno masulila? ³¹ Uli ngati ni mbeu ya mpilu,ikachaliwa , ndiye mbeu itontho ngako pa ziko lapansi . ³² Koma ikachaliwa ,yukula kupambana mbeu zonse za m'mdimba ,yupanga misambo ikulu, na nyoni zam'mululu zuwela noika visa muchinfwile .'' ³³ Na miyambi inyinji yoteti ekamba mau kuli beve, olo enzo nvweshesha, ³⁴ Enzo labila lini nao paliye miyambi .Koma akankhala eka ,enzo masulila vonse kuli ophunzila bake . ³⁵ Pa siku ilo ,m'chungulo ekamba kuti ,'' tiyeni titaukile ku silya. ³⁶ Esiya gulu ya banthu, eluta na Yesu, pakuti enze kale mu boti. Ma boti ayakine enze nao ³⁷ Pamene apo Kwewela chimphepo ndipo manzi enzoloba mu boti apo lomba boti yazula . ³⁸ Koma Yesu eve enze lele m'mtulo , pa pilo. Emuusha kuti ,'' aphunzisi, koma musamalila lini kuti tikumfwa,?'' ³⁹ Euka nokalipila mphepo echiti kuli mphepo,''Mtendele , nkhala, mphepo pamene apo yepana , ndipo kwenze chelele. ⁴⁰ Lomba elabila kuti , muyopelanji teti, mukaliye chikhulupililo ? '' ⁴¹ Eyopa na mantha ngako ,eyambo kambisana beka na beka kuti,'' Ninshi nibani wamene uyu, kuti olo mphepo yumu nvwila?''