¹ Soti penzoenda mu sunagoge, penze munthu enze na vuto ya kwanja kulemala. ² Pafupi penze banthu enzo kuti aone ngati apoleshe munthu pa chibelu na cholinga chakuti amupase mlandu. ³ Yesu echiti kuli munthu olemala kwanja,'' panama apa wela kuno pakati pa banthu onse''' ⁴ echiti kuli banthu chilibwino kuchita vabwino pa chibelu olo viipa ,' kupulumusha moyo olo kupaya?'' koma onse enkhala chete. ⁵ ebalanga na nkhope yokalipa,soti enzo okalipa kamba ka kukosa kwa mitima yao,'' echiti kuli ula munthu, tambulula kwanja yako.'' etambulula , kwanja yake yepola . ⁶ Afarisi echaka apo noyambo pangana njila na ma Heridiani mwanga m'mpaile. ⁷ Yesu, na ophunzila bake, eluta ku manzi, banthu anyinji ekonkha kuchoka ku Galileya naku judeya, ⁸ soti kuchoka ku jerusalem naku idumeya soti kupitilila ku Yolodani, kuzunguluka taya na Sidoni. Pechinvwa vinthu venzochita, gulu ikulene yemukonkha ⁹ Echiti kuli ophunzila bake kuti ankhale na ka boti katontho kukonzekela gulu, kuti asamufyanthe mu gulu, ¹⁰ pakuti epolasha anyinji, soti onse enze omangika enzofunishisha kuti aliyanse mpaka amukateko. ¹¹ mizimu iliyonse iipa ikamuona,yenzo pona pansi nolila ngako,yenzo kamba kuti,'' ndiwe mwana wa Mulungu.'' ¹² Enzo ilamulila kuti osakamba kamba, enzo funa lini kuzibika. ¹³ Eluta ku lupili,nakuzoita benzofuna,ewela kuli eve. ¹⁴ Esankha banthu thwelufu (benzoita kuti apostoli) kuti ankhale nae soti abatume kuyolalikila uthenga, ¹⁵ Soti ankhale na ulamulilo ochosa mizimu iipa. ¹⁶ Elemba banthu thwelefu :Simon, wenze pasa zina yakuti Petulo,' ¹⁷ Jemusi mwana wa Zebediya, na Yohane mkwao wa Jemusi, wenze pasa zina yakuti Baonejesi, ndiye kuyti bana ba bingu. ¹⁸ ndeleya ,Filipo ,Bathotolomeyo, Mateyo ,Thomase, Jemusi mwana alifeyo,Tadeyo ,Simoni Ziloti. ¹⁹ na Juda iskalioti epeleka Yesu ²⁰ Eluta ku ng'anda ,gulu yewela soti pamozi , ekanga nakulya bredi. ²¹ Penjinvwa baku banja yao, eluta kuyo mkata,pakuti enze kuti ''wafuntha'', ²² Alembi echokela ku Yerusalem echiti,'' Ana mizimu iipa ya biyazebabu,'' ku ulamulilo wa mizimu iipa ofumya mizimu iipa. ²³ Yesu ebaita kuti awele kuli eve, nakubalavizya mu miyambi,'' Satana angachosetyani satana? ²⁴ ngati ufumu ugabikana paweve weka, ula ufumu unga paname lini. ²⁵ Ngati ng'anda ingagabikane pa eve eka iyo ng'anda ingapaname lini. ²⁶ Ngati satana oziukila eve eka, soti ogabikana angapaname lini ,angalute lini kulikonse ndiye kusila kwake. ²⁷ Koma kuliye munthu anga lobe mu ng'anda ya munthu wa mphanvu notola katundu akaliye mangilila mwinikazi wa mphanvu poyamba ,apo lomba ndiye pangaononge ng'anda. ²⁸ Zoona nulabila kuli mweo, uchimo onse wa bana babanthu yakakhululukiwe, nakunyozela konse kwelabila . ²⁹ koma munthu aliyense anganyozele Mzimu Utuba kuliye chikhululuko, koma niochimwa nama chimo yamuyaya.'' ³⁰ Yesu ekamba teti kamba kakuti beve enzekuti ,''ana mizimu iipa .'' ³¹ Anyina Yesu na anekwao ewela nopanama panja. Emusenga kumuita kuti awele. ³² Gulu ikulene yemuzungulukila nokamba kuti kuli yeve,'' amai bako pamozi na anekwanu,awela ali panja okufunani. ³³ Eyankha kuti,'' amama na akwasu nibani?'' ³⁴ Elanga kuzunguluka banthu onse enze muzungulukila nokamba kuti, '' Onani ,amama na anekwesu aba ali apa! ³⁵ pakuti aliyense ochita kufuna kwa Mulungu , uyu munthu ndiye mkwasu, mlongosi wangu ndiye soti amama".