¹ Afarisi na alembi enzofumila ku yerusalem emuzungulukila . ² Eona kuti ophunzila bake ayakine enzo kulya osasamba m'manja. ³ (Pakuti afarisi na onse ayuda akulya lini chosasamba kumanja ,kamba kakuti osunga miyambo akulu akulu. ⁴ Afarisi akafuma ku msika ,angalye lini mpaka ansambe, Kuli soti malamulo yakukonkha yanyinyi mwandondomeko bwino bwino, ngani kusuka ma kapu , ma poto na vonse volyelamo. ⁵ Afarisi na alembi emukonsha Yesu ,'' nichinji ophunzila banu oenda lini kulinga na mwambo wa akulu akulu, akulya buledi osasamba kumanja?'' ⁶ Koma ebayankha kuti,'' esaya enenela za mweo achinyengo. Elemba . Aba abanthu oniyamika na milomo yao tyala koma mitima yao ili ku tali na neo. ⁷ onipembeza wenye , kuphunzisa malamulo ya banthu nga ni nsandamila yao.' ^{8 10} Mukana malamulo ya Mulungu mukatilila miyambo ya banthu.'' ⁹ Soti ebauzya ,'' musiya malamulo ya Mulungu mukatilila miyambo yanu''.!pakuti moses echiti lemekezya aweso na nyina wako,pakuti aliyense onyozela makholo akafwe ndithu.'' ¹¹ Koma mukuti,''akati kuli awisi olo anyina, ''thandizo iliyonse mungalandile kuchokela kuli neo ni koban,'' (chutanthauza kuti, chopeleka kwa Mulungu') - ¹² soti mumulola lini kuchitila awisi olo anyina. ¹³ Mupanga malamulo ya Mulungu kunkhala yaliye nchito kamba ka miyambo yanu na vinthu vinyinji voteti vamuchita.'' ¹⁴ Eita gulu soti nokamba nao kuti, ''Mvwani kuli neo,monse meo, soti munvwesheshe . ¹⁵ Kuliye chinthu chuchokela kunja kwa munthu chinga fifye munthu chika loba mkati. Nivala tyala vuchokela mkati ¹⁶ vingaononge. ¹⁷ Yesu Pechisiya gulu la banthu eloba mng'anda, ophunzila emukonsha pali miyambi. ¹⁸ Yesu echiti, Ko mukunvwa lini? muona lini kuti vuloba mu munthu kufuma kunja vuononga lini, ¹⁹ Kamba kakuti vuloba lini mumtima, koma m'mala kufuma apo vikuya ku chimbuzi?'' Na aya mau Yesu epanga vakulya vonse kuti vili tyala bwino kulyewa. ²⁰ Echiti, ''nichala kufumila mkati mwa munthu chuipisha munthu. ²¹ Pakuti mkati mwa munthu , kuchokela mu mtima, muchokela maganizo aipa, ²² za chiwelewele, kuiba, kupayana, chigololo, menso aipa ,mwano, kuzikuzya ,kupusa. ²³ Viipa vonse ivi vuchokela mkati mwa mtima wa munthu,ndiye vuifya munthu.'' ²⁴ Enyamuka kufuma apo kuluta ku malo ya Taya na Sidoni. Ewela mng'anda soti enzo funa lini kuti munthu aliyense azibe enzepo, komasoti chenze chovuta kuti abisike. ²⁵ Pamene apo mzimai ,enze na mwana mwanakazi enze na mizimu iipa, echinvwa za eve, ewela nopona pansi, pa mendo yake. ²⁶ Mzimai uyo enze wachi Giliki, sirofenishia mu mkhalidwe. Emusenga kuti afumye chibanda mu mwana wake mwanakazi. ²⁷ Echiti kuli eve ,'' Lekani poyamba bana balye. Pakuti nichosaenela kutola buledi wa bana kupasa imbwa,'' ²⁸ Koma emuyankha echiti kuli eve ,''Inde , Mbuye, olo imbwa zutola mbwe-mbwe zupona pa tebulo ya bwana bake.'' ²⁹ Echiti kuli mwanakazi,'' kamba kakuti walabila ivi,niwe omasu ungalute yambapo. Chibanda chafuma m'mthupi ya mwana wako.'' ³⁰ Eluta kung'anda kwao nopeza mwana wake wapola enzelele pa bedi, apo chipbanda chafuma. ³¹ Efuma soti kuma malo ya Taya, noluta ku Sidoni ku nyanja yaku Galileya mpaka kunmalo yaku Dekapolisi. Soti ³² eleta muyake munthu enze na vuto yolabila na kunvwa, emusenga kuti aike kwanja pali ula munthu. ³³ Emutola kufuma nae pabanthu noluta nae kumbali, emuika vimbombo m'matu nothunya mata, nakumukata lilime. ³⁴ Elanga ku lulu, emulanga nokamba kuti kuli eve ,'' Efata,'' kutanthauza kuti,'' Segula!'' ³⁵ Kuchokela pamene apo, eyamba kunvwa, chenzo mulesha kulabila echiononga apo enzo labila bwino bwino. ³⁶ Ndipo ebalesha kuti asakambe kambe ku banthu, mwenzo baleshela kuti kuti osakamba kamba koma soti enzo lalikila. ³⁷ Koma soti enze odabwa ngako, kuti, '' Wachita bwino ngako vonse. Olengesha nakuti asanvwa anvwe osalabila olabila.