¹ Yesu eloba mu boti, notauka, no wela mu mzinda wake. ² Onani, bemuletela munthu wozizila ali lele pa mphasa yake. Poona cikhulupililo cao, Yesu eciti kwa ozizla ula, "mwana wangu mwanalume, limbikishiwa. Macimo bako akhululukiwa," ³ Onani, alembi ayake enzonena pakati pao, "ili lidoda lunyozela" ⁴ Yesu ezibe maganizo bao nakuti, Muganizilanji ziipa mu mitima yanu? ⁵ Pakuti nicini capafupi, kunena, 'macimo bakobakhululukiwa olo kuti, "uka nakuyenda?' ⁶ Koma kuti mweo mukazibe kuti mwana wa munthu ali nao ulamulilo pa calo okhululukila macimo,...."eciti kwa ozizila vibalo, "Uka, nyamula mphasa yako, wakuya ku ng'anda yako. ⁷ Ndipo lidoda lila leuka nakuya kunanda kwake. ⁸ Magulu pebaona ici, beyopa naolemekeza Mulungu, epasa mphamvu zoteti kubanthu. ⁹ Yesu penzopita kufumila kula, eona lidoda lozibika kuti Mateyo ali nkhale pa kakhumbi ka msonkho. Eciti kwa eve, "nikonkhe," enyamuka nomukonkha eve. ¹⁰ Yesu penkhala pansi kuti alye munanda, onani anyinji bamsonkho na ocimwa bewela na kulya naye Yesu na ophunzila bake. ¹¹ Afalisi pabeona ici, beciti ku ophunzila bake, "ncinji aphunzisi banu colyela na bamusonkho na ocimwa?" ¹² Yesu pecimvwa izi, eciti, "banthu bali na mphamvu mu mubili ofunika lini sing'anga, koma bala olwala. ¹³ Mufunika kuti mulute mukaphunzile tanthauzo lake,' 'neo nufunako cifundo osati nsembe.' Pakuti neo niliye wele kuzoita olungama kukulapa koma ocimwa." ¹⁴ Ndipo ophunzila ba Yohane kwake nakuti, Nicifukwa caji kuti seo na afalisi tusala kabili-kabili koma ophunzila banu beve osala lini cakulya?" ¹⁵ Yesu eciti kwa beve, "Ko bana ba nanda ya ukwati bangalile mkwati akali na beve? Koma akuza masiku pati mkwati akatolewe kufuma kwa beve, ndipo apo bakasale kulya. ¹⁶ Kuliye munthu oika nyula ya nyowane pa covwala cakale, pakuti cigamba cikang'ambike kucoka ku covwala, nakuti cikangang'ambike caipa. ¹⁷ Paliye banthu otola vinyu walomba mu vikumba va vinu vakale. Ngati beve angaike, vikumba vingaphulike, vinyu ungataike, na vikumba vingaonongeke. M'malo mwake, oika vinyu wa lomba mu vikumba va lomba, na zonse zusungika." ¹⁸ Yesu akalu labila ivi vinthu kwa beve, onani kazembe ewela na kumubelamila. Eciti, "mwana wangu wa mwanakazi wangokufwa loma, koma welani muzaike kwanja kwanu pa eve, ndipo abe na moyo." ¹⁹ Ndipo Yesu eima no mkonkha, cimozi-mozi na ophunzila bake. ²⁰ Onani mwanakazi evutika na matenda ofuma magazi kwa zaka twelufu ewela kuvuli kwa Yesu nokata kku mbali kwa malaya bake. ²¹ Poti eciti mwa eve eka, "ngati neo ningate tyala malya bake, neo nibe bwino." ²² Koma Yesu ecunguluka nomuona eve, nakuti, "mwana wangu, limbikila, cikhulupililo cako cakupolesha weo." Ndipo mwanakazi wala epoleshewa pa nthawi yamene ila. ²³ yesu pecifwika mu nanda ya kazembe, eona olizhya mitolilo na magulu opanga cogo ngako. ²⁴ Eciti, "fumani nkhoyani, pakuti uyu mwana aliye kufwe, koma ali mtulo." Koma beve bemuseka momutotofya. ²⁵ Gulu palefumyiwa kunja, eve eloba mu cipinda no mukata ku kwanja, na mwana euka. ²⁶ Mbili ya ici yefwika pali ponse mu mzinda. ²⁷ Yesu penzopita kufuma uko, madoda abili osaona ewela kwake. Bepitilizhya kukuwa noneana, "ticitileni cifundo, mwana wa Davide!" ²⁸ Yesu peciloba mu nanda, madoda abili osaona osalanga ewelkwa ke. Yesu eciti, "mukhulupilila kuti neo ningacite ici?" beciti kwa eve, "Ee, Ambuye." ²⁹ Ndipo Yesu ebakata m'menso mwao nakuti, "cikucitikileni monga mwa cikhulupililo canu," ³⁰ ndipo menso bano beseguka. Ndipo Yesu ebalamulila kuti, "onani kuti pasankhale oziba za ici." ³¹ Koma madoda efuma nakuyofalisa mbili ya ici mu malo onse bala. ³² Pabaenzokuya bala madoda abili, onani, munthu osalabila enze na cibanda emumuleta kwa Yesu. ³³ Cibanda pecicosewa, munthu osalabila elabila. Gulu lezizwa nakuti, "ici cikaliye onekepo muno mu Israeli." ³⁴ Koma afalisi enzolabila kuti, mwa olamula vibanda eve ocosa vibanda." ³⁵ Yesu eyenda yenda m'mizinda yonse na m'minzi. Eve epitilizya kuphunzisha m'masunagoge bao, kulalikila thenga wa ufumu na kupolesha mtundu wa zonse zobaba na mtundu wonse wa matenda. ³⁶ Peciona magulu ecita nao cifundo, pakuti beve benze ovitika maganizo notaika mitima. Benze monga ni mbelele ziliye mbusa. ³⁷ Eve eciti kwa ophnzila bake, "zovuna ni zinyinji, koma banchito niopelebela. ³⁸ Mwa ici pemphelani kwa Ambuye wa zovuna, kuti atumizhye anchito mu zovuna zake."