¹ Yesu peciseluka kufuma ku lupili, magulu akulu emukonkha. ² Onani, wakhate ewela kwake no mubelamila nakuti, "Ambuye, ngati mweo mufuna munganitubishe neo. ³ Yesu etambulula kwanja yake nomakata nakuti, "nufuna. Tuba" Pamene apo etubishiwa kukhate yake eve. ⁴ Yesu eciti kwa eve, "Uone kuti uuzhya lini munthu aliyense kanthu kali konse. Khoya panjila yako, ukazioneshele ku wansembe na nakuyopeleka mphaso yecilamulila Mose, ya umboni kwa beve. ⁵ Penzo wela mu Kapelenamu, Kentuliyo ewela kwake, momsenga eve, ⁶ nonena, "Ambuye, wanchito wangu alilele ku ng'anda ozizila nakuti ali nazobaba ngako" ⁷ Apo Yesu eciti kwa eve, "niwele nomupolesha." ⁸ Kentuliyo eyankha nakuti, "Ambuye, neo nine osayenela kuti mwweo mukalobe pansi pa mtenje wangu. Labilani tyala liu na wanchito wangu apole. ⁹ Pakuti na neo nine munthu, esankhiwa pansi pa ulamulilo, na neo nili nao asilikali pansi pangu. Neo nune kwa uyu, 'nkhoya,' na eve akuya, nakuyake, 'wela,' na eve akuza, na ku wanchito wangu, 'cita ici,' naye ocita." ¹⁰ Pecimvwa iici Yesu, edabwa nonena kwa bala enzo mukonkha, Moona neo nunena kwa mweo, neo nikaliye peza aliyense ali na cikhulupililo coteti mu Israeli. ¹¹ Nukuuzhyzni mweo kuti anyinji akwele kufuma kum'mawa nakum'amazulo na beve akaseyamile pa thebulo na Abrahamu, Isaki na Yakobo mu ufumu wa Mululu. ¹² Koma bana ba mu ufumu akaponyewe mu mdima wa akuja, kwamene kwati kukabe kulila na kukuta menu." ¹³ Yesu ecit kwa Kentuliyo, Nkhoya! muwakhulupilila, teto cikucikile weo." na wanchito epola pa nthwi yamene iyo. ¹⁴ yesu peciloba mu nanda ya Petulo, eona apongozi bake ba Petulo ali lele olwala malungo. ¹⁵ Yesu ebakata kwanja na Malungo yebacoka. Apo beve euka noyamba kumutumikila. ¹⁶ Nthawi yamcingulo piyefwika, banthu emuletela Yesu anyinji enze na vibanda.Eve eifumya mizimu na liu na kupolesha onse enze olwala. ¹⁷ Mwa njila iyi cekwanilishiwa cenze cinenewa na Yesaya mneneri, kuti, "eve mwa eka etitolela matenda basu notinyamulila kulwala kwasu." ¹⁸ Lomba Yesu pecimvwa gulu lomuzunguluka, epeleka malango bakutibalute ku silya iyake ya nyanja ya Galileya. ¹⁹ Apo mulembi ewela kwake nonena, "Mphunzisi, neo nufuna kukukonkhani kuli konse kumukuya mweo. ²⁰ Yesu eciti kwa eve, "Nkhadwe zili na nkhwema, na nyoni za mumlenga-lenga zili na visa, koma mwana wa munthu aliye poika mutu wake." ²¹ Muyakine wa ophunzila bake eciti kwa eve, "Ambuye, niloleni kuti coyamba nilute nakuyoka atata." ²² Koma eciti kwa eve, "nnikonkhe nakuleka akufwa aike akufwa bao." ²³ Yesu peciloba mu boti ophunzila bake emukonkha mukati. ²⁴ Onani, Peuka cinamondwe cikulu pa yanja, teto kuti boti yenze yezunguliliwa na mafunde. Koma Yesu enze mtulo. ²⁵ Ophunzila ewela nomuusha, nonena, "Tipulumusheni. Ambuye; tili pafupi kufwa!" ²⁶ Yesu eciti kwao, "nicinji camuyopela, mweo okhulupilila patontho?" Apo eve euka nokalipila mphepo na nyanja. Ndipo kwenze batha ikulu. ²⁷ Madoda bedabwa nonena, "nimunthu otyani uyu, kuti olo mphepo na nyana vumumvwila? ²⁸ Yesu pecifwika ku silya iyakine na ku ziko ya Genasaleti, abili madoda enze na vibanda ekumana naye. Benzofuma mu manda nakuti benze na ndeo ngako, kuti kuliy mulwendo angapite ku njila iyo. ²⁹ Onani, beve ekuwa nakuti, "Nicinji citili naco cocita na mweo, Mwana wa Mulungu? Ko mweo mwawela kuno kuzotivutisha nthawi yoikika aliye fwike? ³⁰ Lomba gulu la nkhumba zinyinji zenze pala zuklya, osati patali ngako na pabenze. ³¹ Vibanda vipilizhya kupapata kwa Yesu na kuti, Ngati mweo muticosa, titumeni kuti tikalobe mu gulu ya nkhumba ila. ³² Yesu eciti, "nkhoyani." Vibanda vifuma nakuyoloba mu gulu ya nkhumba; ndipo onani, gulu yonse ya nkhumba yesondokela mnyanja ndipo zonse zecifwa m'manzi. ³³ Bala enzolusa nkhumba eutuka na kuya mumzinda nofokoza zonse, maka-maka cecitika ku madoda bala enze na vibanda. ³⁴ Onani mzinda wonse wefuma kuzokuma naye Yesu. Pabekumana, bemusenga kuti acoke kumalo bao.