¹ Osaweruza ndipo na weo sukaweluziwa. ² Pakuti ciweruzo cuweruza weo, ukaweruziwe naco, na muyeso uyesa weo, ukayesewe nao. ³ Niciji camulangila ka cisoso kali katontho kali mulinso ya mkwanu, koma simuona cigodo cili mulinso lako? ⁴ Unga labile tyani kwa mkwanu, 'leka nifumye ka cisoso kali mu linso lako, pamene cisinga cili mulinso lako? ⁵ Wawenye weo! poyamba fumya fumya cisinga cili mulinso lako, ndipo niye pakuti ulange bwino kuti ukafumye ka cisoso kali mu linso la mkwanu. ⁶ Osapasa vinthu vopatuliwa ku imbwaa, na kusaponyela ushalu wanu pa sogolo pa nkhumba. Ndaba zeve zingaudyakepo weve pansi pa mendo bao, ndipo nowelela nokung'ambani ng'ambani muzidunswa zidunswa. ⁷ Pemphani, ndipo cikapasiwe kwa mweo. Funa funa, ndipo ukapeze. Gogoda, ndipo cikakuvulukile. ⁸ Pakuti aliyense opempha, olandila; aliyense ofuna funa, opeza; na kwa munthu ogogoda, cikamuvulikile. ⁹ Olo nibani wa mweo, ngati mwana wake amusenga buledi, angampase mwala? ¹⁰ Olo ngati evee osenga nsomba angamupase njoka? ¹¹ Mwa ici, mweo mwa ipa muziba kupasa mphaso zabwino ku bana banu, upambana kwake nikotyani kuti ausuwanu kupasa vinthu vaabwino kwa bala omusenga eve? ¹² Mwa ici, vili vonse vintu vimungafune banthu kukucitiani mweo, mweo namwe mukabacitile beve, pakuti ici ni cilamula na aneneri. ¹³ Lobani pa mlyango wopapatizhya. Pakuti mulyango niwokulapo na njila niyotambusuka yakuya kucionongeko, nkuti banthu anyinji oloba mwa iyi. ¹⁴ Koma mlyango ni opapatizhya na njila niyovuta yakuya nayo ku umoyo, na kuba pali ocepa oipeza. ¹⁵ Munkhale chelu na aneneri aweye, owela kwa mweo mu vikmb va mbelele koma mucoona ni acimbwi amandu. ¹⁶ Mwa vipaso vao mukabazibe. Ko banthu angathyoele mipesampa cimuti ca minga kapena mukuyupa ngobe? ¹⁷ Mwa njila imozi mozi, cimuti cabwino cil conse cuthwala vipaso vabwino, koma cimuti ciipa cuthwala vipaso viipa. ¹⁸ Cimuti cabwino sicingathwalw vipaso viipa, olo cimuti ciipa ciipa sicingathwale vipaso vabwino. ¹⁹ Cimuti cili conse cusathwala vipaso vabwino cikatendewe noponyewa pa mulilo. ²⁰ Teto mweo mukabazibe na vipaso vao. ²¹ Ni onse lini onena, 'Ambuye, Ambuye.' bati akalobe mu ufumu wsa Kululu, koma beka ao ocita kufuna kwa Ausuwangu ali Mululu. ²² Anyinji akalabile kwa neo mu siku ilo, Ambuye, Ambuye, ko seo tenzeve nenere mu zina yanu, muzina yanu tefumya vibanda, na mu zina yanu kucita vodabwisha vinyinji?' ²³ Ndipo neo nikanene kwa beve, 'niliye kuzibeni mweo! Cokani kwa neo, mweo mucita viipa. ²⁴ Mwa ici, aliyense wakumvwa mau bangu na kubamvwilila akabe monga ni munthu wa nzeru emanga ng'anda yake pa mwala. ²⁵ Mvula iwela, na manzi bezulila, na mphepo yekuntha no chaya ku ng'anda koma ng'anda iliye pone, pakuti yenze yenkhazikika pa mwala. ²⁶ Koma aliyense wakumvwa mau bangu na kusabasenzesha akabe monga ni munthu wala aliye nzeru emanga ng'anda yake pa mcenga . ²⁷ Mvula yewela manzi yezulila, na cimphepo cekuntha no ombela ku ng'anda na eve nanda nopona, na kuonongeka kwake kwenze kukulene. ²⁸ Cecitika kuti Yesu pecisilizhya kulabila aba mau magulu bedabwa nako kaphunzisidwe kake, ²⁹ Pakuti enzophunzisa monga ula ali na ulamulilo, osati monga olemba bao.