¹ Samalani kuti zocita zanu zacilungamo mweo musakazicite pamenso pa banthu kuti beve akakuoneni, olo namwe simukalndilako mphaso ku usuwanu ali mululu. ² Teto mweo mukapasa osazilizila lipenga mweka monga mwa ocitila awenye mu masunagoge na mu miseu, kuti beve akayamikiliwe na banthu. Moona neo nukuti, beve alandilililatu mphaso yao yonse. ³ Koma mweo popasa osaleka kuti kwanja kwanu kwa kumanzhyele kuzibe cucitika ku kwanja kwanu kwa kwendi. ⁴ Kuti kupasa kwanu kupaswe mseli. Apo ausu wanu oona museli akakupaseni mphaso mweo. ⁵ Popepmhela mweo osacita monga bala awenye,pakuti beve okonda kupanama nopepmhela mu ma sunagoge na pamakona ya miseu kuti banthu akabaone. Zoona nukuti kwa mweo, beve alandila mphaso yao. ⁶ Koma mweo, popephela, lobani mucipinda canu. Uvaleni mulyango, nopepemphela kwa ausuwanu, ali mseli. Apo ausuwanu oona mseli akupaseni mphaso. ⁷ Popemphela mweo osawelezhya mau atyla-tyala monga mociti akunja, pkuti bee oganiza kuti beve abamvwe cifukwa ca mau bao anyinji. ⁸ Mwai ici, osankhala monga beve, pakuti ausuwanu oziba vinthu vamufuna makaliye nomusenga. ⁹ Mwa ici pemphelani teti: 'Ausuwasu mulu mululu, zina yanu itubishiwe. ¹⁰ Ufumu wanu uwele. Cifunilo canu cicitiwe pano pa calo mucilili mululu. ¹¹ Tipaseni lelo cakulya casu ca lelo. ¹² Tikhululukileni nkhongole zasu, monga nase tebakhululukila ankhngole basu. ¹³ Musatitole kwa otiyesa, koma tipulumusheni kwa uyo muipa.' Pakuti wanu ni ufumu , mphamvu na ulemeleloku nthawi yosasila. Amen. ¹⁴ Pakuti mweo mukhululukila banthu vocimwa vao, ausuwanu amululu nao akakukhululukilenii vocimwa vanu. ¹⁵ Koma ngati mweo mukhululkila lini vocimwa vao, na ausuwanu sakakukhululukilani vocimwa vanu. ¹⁶ "Posala kulya mweo osankhala na cinso cacisoni monga bala awenye, pakuti beve oziifya vinso vao kuti akaonekele ku banthu kuti osala kulya. Moona nukuti kwa mweo, beve alandililatu mphaso yao yonse. ¹⁷ Koma mweo, posala kulya, tambishani mafuta kutu no samba pa menso panu ¹⁸ Kuti ici cisaoneke kwa ayake kuti mweo musala kulya, koma kwa ausuwanu beka amene ali mseli, na ausuwanu oona museli akakupaseni mweo mphaso yanu. ¹⁹ Osazisungila mweka cuma canu pa calo, pamene njenjetu na nguwe zuciononga, na akawalala pakuthyola noibala. ²⁰ M'malo mwake, zisungileni mweka cuma canu mululu, mwamene na nguwe sizuononga, na kwamene akawalala sothyola noiba. ²¹ Pakuti kwamene kuli cuma canu, kwamene uko na mtima wanu niye kwati ukabe. ²² Linso ndiye nyale yanu ya mubili. Mwa ici ngati linso yanu ni ya bwino, onse ni wozula na kusanika. ²³ Koma ngati linso yanu niipa, mubili wanu onse niozula namdima. Mwaici, ngati kusanika kuli mwa mweo ni mdima, nanga kukula kwake kwa mdima uyo nikotyani! ²⁴ Paliye angatukila ambuya abili, pakuti eve angazonde umozi nokonda umozi, olo kutieve akazipele kwa umuzi nosula muyakine. Weo sungatukile Mulungu na cuma. ²⁵ Mwa ici nulabila na mweo, osataya mtima na umoyo wanu, kuti mulye cinji olo mumwe cinji; olo za mubili wanu, kuti muvwale cinji. Sikuti umoyo upambana cakulya na mubli kupambana malaya? ²⁶ Onani nyoni za mumlenga-lenga. Zucala lini oli kuwezhya olo kuika mu vilulu, koma ausuwanu akululu ozindyesha. Ko sinimwe ofunikila kupambana zeve? ²⁷ Nibani mwa mweo pakutaya mtima angaikileko ka dontho ka moyo wake? ²⁸ Nicinji camutaila mtima pa vovwala? ganiza maluba ba muminda, mokulila. beve osebenza lini, na beve otunga lini malaya. ²⁹ Koma nukuti kwanu, olo Solomoni mu ulemelelo wake wonse, aliye vwalepo monga limozi la aba. ³⁰ ngati Mulungu ovwalika teto mauzu ba m'munda, unkhalapo lelo na mailo wataiwa mu mulilo, angalekelenji kukuvwalikani mweo, mweo acikhulupililo citontho? ³¹ Mwa ici osataya mtima nonena, ' tilye cinji? olo timwe cinji?' olo 'nimalaya banji bati tivwale?' ³² Pakuti akunja ofuna-funa ivi vinthu, na ausuwanu amululu oziba kuti mweo muvifuna. ³³ Koma meo muthange mwafuna-funa ufumu wake nacilumgamo cake, na ivi vonse vikapasiwe kwa mweo. ³⁴ Mwa ici, osataya mtima za mailo, pakuti mailo likazitaile leka mtima. Siku iliyonse ili na zokwanla ziipa zake.