¹ Yesu peciona magulu, ekwela pa lupili. Pecinkhala pansi, ophunzila bake ewela kwa eve. ² Evula pakamwa pake nakubaphunzisa, nakuti, ³ "odalisika nibala osauka mu mzimu, pakuti wao ni ufumu wakululu. ⁴ Odalisika ni bala olila, pakuti akabindishiwe, ⁵ Odalisika ni bala ozicefya, pakuti kalandile calo ca pansi. ⁶ Odalisika ni bala akumvwa njala na njota ya cilungamo, pakuti akakutishiwe. ⁷ Odalisika ni bala acifundo, pakuti bakalandile cifundo. ⁸ Odalisika ni bala atuba m'mitima, pakuti bakaone Mulungu. ⁹ Odalisika ni bala oleta mtendele, pakuti akaitiwe bana ba Mulungu. ¹⁰ Odalisika ni bala evutikila cilungamo, pakuti wao ni ufumu wa kululu. ¹¹ Odalisika ni weo ngati banthuokutukwana nokuvutisha nokunenela vinthu viipa viyana-siyana vawenyekamba ka neo. ¹² Kondwelani na kusangalala cifukwa mphoto yanu ni ikulu kululu. Mwa njila iyi banthu benzunza apolistoli weo kukaliye. ¹³ Weo niwe munyu wa calo. Koma ngati munyu waleka kunzuna, ungapangiwe tyani kuti ukanzune soti? Unkhala soti uliye phindu koma kuti ukataiwe kunja nakuti ukakandiwe na mendo ya banthu. ¹⁴ Weo niwe kuunika kwa calo. Mzinda omangiwa pa culu sungabisike. ¹⁵ Banthu nao soyasha nyale nakuiika pansi pa nswanda, koma pa coikapo cake, nakusanikila onse oli mnanda. ¹⁶ Lekani kuti nyae yanu isanike menso a banthu mu mnjila yakuit beve akaone nchito zanu zabwino na kuyamika Ausuwanu ali mululu. ¹⁷ Osaganiza kuti neo niwela kuno kuti nikaononge lamulo olo aneneri. Niliye welele kuzo baononga, koma kuzobakwanilisha. ¹⁸ Pakuti moona neo nukuti kwa mweo kuti mpaka kululu na calo vikacoke, paliye olo lemba limozi olo mutu vikacoke mcilamulo, mpaka vinthu vonse vikakwanilishike. ¹⁹ Mwa ici aliyense otola litontho la aba malamulo na kuphunzisa ayake kucita teto akaitiwe ocepa mu ufumu wa mululu. Koma aliyense obasunga nakubaphunzisa beve akaitiwe mukulu mu ufumu wakululu. ²⁰ Pakuti neo nukuti kwa mweo kuti peka-peka cilungamo canu cipambane cilungao ca alembi na afalisi, mweo simukaloba mwa njila iliyonse ufumu wa kululu. ²¹ Mwecimvwa kuti cinenewa kwa beve kale kale, 'osapaya,' ndipo aliyense akabe oyofyewa na ciweluzo.' ²² Koma neo nunena kwa mweo kuti aliyense akabe okalipa na mkwao akabe oyofyewa na ciweluzo; na aliyense onena ku mkwa, 'weo munthu wa tyala-tyala!' akayofyewe na akulu-akulu; na onena, niwe cisilu!' akayofyewe na mulilo wa ku gehena. ²³ Mwa ici ngati weo upeleka mphaso yako pa guwa kumbukila kuti mkwanu ali nawe na kanthu kokususha, ²⁴ Isiye mphaso yako pa sogolo pa guwa, ndipo ulute mnila yako. Coyamba muyanjane na mkwanu nowela nopeleka mphaso yako. ²⁵ Mgwilizane na mdani wako msanga ukali naye pa njila yaku khoti, olo mdani wako angakupeleke kwa oweruza , na oweruza angakupeleke ku asilikali, ndipo angakuponye mjele. ²⁶ Moona neo nunena na weo, sukafuma mula mpaka ukalipile ndalama yothela yawekongola. ²⁷ "Mweo mwecimvwa kuti cinenewa kuti, 'osacita cigololo.' ²⁸ Koma nulabila kwa mweo kuti aliyense olanga pa mwanakazi kuti amukhumbwile wacita naye kale cigololo mumtima mwake. ²⁹ Ngati linso lako laku kwanja kwendi lakupangisha kuti weo uteleleke, lifuye nakulitaya kutali na weo. Pakuti ni kwabwino kuti gao imozi yako ikaononge kupambana kuti mubili wako wonse ukaponyewe ku gehena. ³⁰ Ngati kwanja kwako kwendi kwakupangisha kuti weo uteleleke, kutende nokutaya kutali na neo. Pakuti ni kwabwino kuti cigao ca cimozi ca mubili wako cionongeke kupambana kuti mubili wako onse ukaponyewe ku gehena. ³¹ Cenze cinenewa kuti aliyense wati akapilikishe mwanakazi wake, amupase cikalata ca umbeta. ³² Koma nulabila na mweo, 'aliyense opilikisha mwanakazi wake ap cifukwa cosiyana na cigololo omupangisha kuba wacigololo. ³³ "Soti mwecimvwa kuti cinenewa kwa bala mu masiku akale-kale, 'Osalumbila mwa cinyengo, koma citani mwa kulumbila kwanu kwa Mulungu. ³⁴ Koma neo nukuti kwa mweo, osalumbila konse, osati na vinthu va mululu, pakuti nimpano wa Mulungu; ³⁵ olo na calo, pakuti nipoka mendo bake; olo na Yerusalemu, pakuti ni mzinda wake wa nkhosi i.kulu ³⁶ Osalumbila na mutu wako pakuti weo sungapange olo kasisi kamozi katuba olo kafipa. ³⁷ Koma lekani kulabila kwanu kube 'Eee, eee,' olo, 'yai, yai.' Kalikonse kombana apa kofuma kwa ula muipa ³⁸ Mweo mwecimvwa kuti cinenewa kuti, 'linso pa linso, na lino pa lino.' ³⁹ Koma nukuti kwa mweo, osamkanila wala muipa. m'malo mwake, aliyense wakunyata ku mbovu ya kukwanja, mupase na kuyakine. ⁴⁰ Ngati pali angafune kuya nawe ku khoti nakukutolela malaya bako, mlekeni atole soti na cofunda cako. ⁴¹ Aliyense okukakamizhya kuti ulute naye njila imozi nkhoya naye zibili. ⁴² Mupase aliyense wakusenga na kusamthaba uyo ofuna kukongola kwako. ^{43 44 45} Mwecimvwa kuti cinenewa, 'ufunika kukonda mnansi wako na kuzondsa mdani wako.' Koma nukuti kwa mweo, Mukondeni mdani wanu na kupemphelela bala okuvutishani, adaliseni bala okutembelelani, aitilenii zabwino bala okuzondani, koteto kuti mweo mukabe bana ba Ausuwanuali mululu. Pakuti eve opangisha kuti zuba icokele abwino na aipo, ndipo otumizhya mvula ku aipa na abwino. ⁴⁶ Pakuti mweo mukakonda okukondani, ni mphaso yanji yamutola? Ko amsonkho sikuti nao niye zocita? ⁴⁷ Ngati mweo mupasa moni anekwanu beka-beka nicinji cumucita kopambana ayake banthu? Sikuti ankunja banthu niye mocitila? ⁴⁸ Mwa ici mweo mube angwilo monga Ausuwanu mululu ni ba ngwilo.