¹ Pezecitika pavuli paizo yesu eyamba kuyenda kuzunguluka mizinda na minzi yosiyana-siyana, kulalikila na kukamba zauthenga wabwino waufumu wamulunga. ali twelufu ezenayeve, ² na ayakine manina enze epola ku vimizimu vavibanda na natenda: maliya ezo itiwa kuti magadarena, muliyeve mwecosewa vimizimu vili seveni. ³ Yohana, mkazi wa kuzi, kaputeni wa herode; susana; na ayakine anyinji, beba sebenzela nandalama zawo. ⁴ Pamene bathu banyinji enze ekumana, bathu venzo wela kuliyeve kucokela mumizinda yosiyana-siyana, ebauzya fanifa. ⁵ Mulimi eciya kuyoshanga mbeu zake, peecala ziyakine zeponera m'mbbali mwanjila zeedyakiwa, nanyoni zecilya. ⁶ Ziyakine zeponera pamwala, pezengoti mere, zeyuma, cifukwa zenzevye munyotho. ⁷ Ziyakine zeponela paminga, koma minga zeekulila pamozi na mbeu nakuzilasa-lasa. ⁸ Koma ziyakine zeeponera pathaka yabwino nakubala zipaso zamahandiredi opitilirapo. ''Yesu pelabila izizose, elabila, ''aliyense alinamatu yakuvwa avwe''. ⁹ Ophunzila ake pebemukosha ceyenzo tathawuza fanizo. ¹⁰ Eciti, ''nzelu zobisika zaufumu wamulungu zapasiwa kuli mweo, koma kuayakine osala nukambanaowo mumafanizo, kuti, polaga sangalange, na pakuvwa sangavwishishe. ¹¹ Lomba iyi niye tathauzo yafanizo: mbeu ni mau amulungu. ¹² Zila zumbalimwanjila ndiye bathu becivwa, koma satana owela nocosamo mau amulungu mum'tima mwao kuti asakhulupilire na kupumulisiwa. ¹³ Zapamwala niye amene, bakavwa mau, olandila mokondwela. Koma aliye mizyu; okhulupilara kwaka thawi katotho, koma pathawi yobayesa oponera kumbali. ¹⁴ mbeu zeponela paminga nibathu okuvwa mau, koma poyenda munjila mwao, olasiwa na nkhawa na cuma na vokondwelesha umoyo, nazipaso zao zukula lini. ¹⁵ Koma mbeu zeponela pathaka yabwino, aba ndiye bakuvwa mau monkhulupilirika namutima wabwino, bosunga moteteza bwino nakutwala zipaso nakupitililapo. ¹⁶ ''Kuliye oyasha nyale nakuivwinikila nacotolera kapena kuyiika kunyasi kwabedi'Koma oyiika pacoikapo kuti aliyense ayiwone nyale. ¹⁷ Cifukwa kuliye cobisika cati cikange kuululika, kapena cobisika caticikage kuwululika naku oneshewa panyale. ¹⁸ Lomba vwesheshani bwino, kwauyo alinavo, viyakine vipasiwe kuliyeve, koma uyo aliye, nangu izo zooganiza kuti anazo zulondewa kuliyeve''. ¹⁹ Pamene apo anyina na azikwake ewela kuliyeve, koma ezo kangiwa kufwika pafupi nayeve kamba kacigulu cenzepo. ²⁰ Ewuziwa, '' anyinawanu na azikwanu ayimilira panja, ofuna kukuonani.'' ²¹ Koma yesu eyankha nakubauzya beve, '' amama na akwasu niyaba akuvwa mau amulungu nakucita.'' ²² Lomba sikuliyakine eloba muboti naophunzila bake, nakubauzya, '' tiyeni titaukile ku silya iyakine ya nyanja.'' pamene apo eyambapo. ²³ Koma pebenzekuya yeve elala. koma pananja pewela namondwe waphepo, koma boti yozombila m'manzi niye benze paciyofyezo. ²⁴ Koma ophunzila ba yesu bemukokha yesu bemukokho nakumuwusha, nokamba, ''Ambuye! Ambuye! tukufwa.'' ewuka nakuikalipila phepo na ukali wamanzi zeleka, pekhala na mutendere. ²⁵ Eve ekamba kwabeve, '' cikhulupililo canu cilikuni?'' becita matha na kudabwa, bezikosha-kosha, '' ndiyekuti uyu nibani kansi, kuti yeve angalamulire phepo na manzi nomuvwila?'' ²⁶ Benyamuka kuya ku ziko la agerasa, yamene yulangana na galileya. ²⁷ Koma yesu peecidyaka pansi, ekumana nalidoda yakumuzinda yezenavibanda. pathawi ikulene enzovwalalini navovwla, enzokhalalini mung'anda koma pakati pamanda. ²⁸ Koma peona yesu, ekuwa nakuyoponera paliyeve kulabila mokuwa, ''nilinawe nachito yanji, Yesu, mwana wamulungu mukulene? nukupephani newo, musaninzuznze.'' ²⁹ Koma Yesu elamulila cimuzimu ciyipa kuti cicoke muli lidoda. kamba kakuti thawi ikulene canze cemukata. Nangu enze omangilira mumaceninamalonda enzelomulonda pamene apo, enzotenda maceni. Nakuyendeshewa navibanda kuya mucipululu. ³⁰ Koma yesu emukosha, '' zinayako niwebani?'' eyakha, ''Legio;'' ndaba vibanda vinyinji benze vemuloba. ³¹ Vepitilizya kumupepha kuti asavilamulire kuti vikalobe mukhwema yabathu bakufwa. ³² Koma cigulu cavinkhumba cenze kulya kumbali kwalupiri. Vibanda vemupepha kuti vikalobe muvikhumba, naye evomera. ³³ Vibanda vecokamo mu muthu nakuyoloba munkhumba, nazo nkhumba zethabila pamanzi nakuyombira. ³⁴ Koma bala ozisunga pebeona vecitikira nkhumba, beutuka kuyouzya bathu baku mizinda yakwao. ³⁵ Bathu benyamuka kuya kuyo ona vecitika, nakuya kwa yesu nakumupeza muthu afumyiwa vibanda. Enzekhezi pamendo pa yesu, ovwala nanzulu zake; beyopa. ³⁶ Komabala benze bebafotokozera mwenze ekatiliwila navibanda na mwepolera. ³⁷ Ndiye bathu banyinji baku Agerasa euzya yesu kuti acoke kwabeve cifukwa venze bezula na wowa. Beloba muboti kuti bawerelemo. ³⁸ Lidoda yecosewa vibanda yebapepha kuti baweleremo nayo pamozi, koma yesu emuwerezya, eciti, ³⁹ ''Werelamo kwawacokera ukabauzye vose vawakucitila mulunga.'' Lidoda yewerelamo kwawo, kubilikizya kumizinda pavemucitila yesu. ⁴⁰ Koma yesu pewelera, gulu yabathu yemulondelera, cifukwa bonse benzo mulindilira. ⁴¹ Onesheshani, muthu zina yake yairo, enze umozi wa asogoleri aku sunagoge, ewera nakuzo ponera panendo ya yesu, na kumupepha kuti ayekuya kung'anda kwake eve. ⁴² Kambakakuti mwana wake mwanakazi, musimbi wazaka twelufu, enze kufwa. Yesu akali mujila, gulu yabathu benzomukanizya. ⁴³ Lomba penze linina yenzocoka ngazi mu zaka twelufu. ndipo esebenzesha ndalama zakezose koma aliyepole. ⁴⁴ Ewela pafupi nayesu nokumya covwala cake, pamene apo ngazi noleka kufuma. ⁴⁵ Yesu eciti, '' nibani wanikumya neo?'' bonse pebekana peturo eciti, '' Ambuye! muzinda wabathu wakuzungulukani bongo kakhilana kulimweo''. ⁴⁶ Koma yesu eciti, ''kuli muthu wanikumya neo, naziba phavu yacokamo muli neo.'' ⁴⁷ Koma linina peyeonakuti ingabisamelini, ewera movutikila nakuzo ponera pali eve. Pameso pa aliyense elabila cifukwa cemukatila na mweepolera pamene apo. ⁴⁸ Yesu ewuzya linina kuti, '' mwana wanga, cikhulupiliro cako cakupulumusha, nkhoya m' mutendere.'' ⁴⁹ pe enze akalulabiba, muyakine ewera kufira ku ng'andayamu sogoreli waku sunagoge, eciti, '' mwana wako mwanakazi wamwalira. Osavuta ophunzisa''. ⁵⁰ Koma yesu peecivwa izi, emuyakha yairo, ''osayopa; nkhulupilila tyala, apole.'' ⁵¹ Peewela kung'anda, aliyevomelezye aliyese kuloba naye, kucoselako tyala peturo a yohane na jemusi, na awisi na anyina amwana. ⁵² Koma bonse benzo mulurila yeve nakuziguguda pacifuba, ekamba kuti, ''musalire; aliye kufwe koma walala tyala''. ⁵³ Koma bemuseka, bezoziba kuti wafwa. ⁵⁴ Emukata pakwanja eve nakumuita, kuti, ''mwanawe, uka''. ⁵⁵ Muzimu wake wewelera, nakuyamuka pamene apo. Nakubalamulila kuti mutolereni cakuti angalyeko. ⁵⁶ Makolo bake bedabwa, koma ebalamulira kuti basauzye aliyense pavacitika.