¹ Opusa mweo Agalatiya! Nibani wakutembelelani? Mweziona na meso yanu kuti Yesu Kristu epacikiwa pamenso ya gulu la banthu onse. ² Cinthu cimozi tyala cunufuna kuphunzila kwa mweo: Ndiye kuti mwelandila Muzimu Utuba mwa ncito ya lamulo kapena nimwa ku khulupilila zemwe cimvwa? ³ Ndimwe opusa cotyani? Mweyamba mu Mzimu, lomba musilijya mu thupi? ⁴ Ndishi mwavutika vintu vinyinji patyala- ngati nizoona kuti ni tyala? ⁵ Ndiyekuti yeve opasa Mzimu mweo noocita zodabwisa pakati panu ocita izi mwancito za lamulo, kapena nimwa kumvwa mwacikhulupililo? ⁶ Monga Abrahamu ''ekhulupilila Mulungu ndipo cepasiwa kwa yeve kunkhala olungama,'' ⁷ cimozi-mozi, mvwishishani, lomba, beve bacikhulupililo ni bana ba Abrahamu. ⁸ Malemba, owonelatu kuti Mulungu akolungamisha Amitundu mwacikhulupililo, elalikila uthenga poyamba kwa Abrahamu, kuti, ''Muli weo mayiko yonse yakadalisike.'' ⁹ Lomba teti, awo alimucikhulupililo niodalisika pamozi na Abrahamu, lidoda la cikhulupililo. ¹⁰ Onse eyembekezela pa zincito za lamulo ali pansi pa tembelelo; ndipo nicolembeka, ''Niotembeleleka aliyense osankhala molunjika na zonse zolembeka mu buku la malamulo, nakuzicita.'' ¹¹ Lomba cilipatuba kuti kuliye munthu olungama pamenso ya Mulungu kamba ya lamulo, cifukwa ''olungama onkhala na moyo kamba kacikhulupililo.'' ¹² Koma lamulo silacikhulupililo, koma, ''munthu ocita zincito za lamulo afunika kukhala mwazeve.'' ¹³ Kristu etiombola kufuma ku tembelelo ya lamulo ponkhala tembelelo mu malo mwasu- cifukwa nicolembeka, ''Otembeleleka ni aliyense opacikidwa pa cimuti''- ¹⁴ kuti madaliso ya Abrahamu yangawele kwa Amitundu mwa Kristu Yesu, cakuti mwa cikhulupililo tingalandile lonjezo ya Mzimu. ¹⁵ Anekwasu, lekani nilabile ngati munthu. Ngati banthu bamvwana mwa lamulo, kuliye angacosepo kapena kuikilako. ¹⁶ Lomba malonjezano yekambika kwa Abrahamu na mubadwe wake. Yukambalini kuti, ''ku mibadwe,'' kuthanthauza yambili, koma ku umozi cabe, ''ku mubadwe wako,'' amene ali Kristu. ¹⁷ Lomba cunuthanthauza niici: Lamulo, yewela pepepita zaka 430, icosapo lini pangano yepangiwa kuvuli na Mulungu. ¹⁸ Ngati coloba cikuza mwa lamulo, ndiye kuti cikuzalini mwa lonjezo. Koma Mulungu epasa Abrahamu mwa lonjezo. ¹⁹ Lomba, nanga, colinga ca lamulo niciani? Yeikiwa kamba kamacimo, mpaka mubadwe wa Abrahamu ukawelele cifukwa nibeve epasiwa lonjezo. Lamulo lenkhazikisiwa kupitila mwa angelo mwa manja ya munkhala pakati. ²⁰ Lomba munkhala pakati osonyeza anyinji osati munthu umozi, koma Mulungu ni umozi. ²¹ Nanga lamulo lulimbana na lonjezo ya Mulungu? Yai kothelatu! Ngati lamulo yepasiwa kuti ikopasa moyo, ndiye cilungamo sembe cewela na lamulo. ²² Koma malemba yeika mundende ciliconse cenze pansi pa ulamulilo wa cimo. Mulungu ecita ici kuti lonjezo lopulumusa seo mwa cikhulupililo mwa Yesu Kristu lingapasiwe kwa okhulupilila. ²³ Lomba cikhulupililo cikaliye wela, tenze omangika pansi pa lamulo, mundende mpakana civubuluso kuvumbulusika. ²⁴ Teto lamulo yenkhala samalilo yasu mpakana yesu pewela, kuti tinkhale olungama mwa cikhulupililo. ²⁵ Lomba pakuti cikhulupililo cawela, tililini soti pansi pa samalilo. ²⁶ Ndaba monse ndimwe bana Amulungu Kupyolela mwa cikhulupililo mwa Kristu Yesu. ²⁷ Pakuti anyinji pali mweo ebadizika mwa Kristu mwa vwala Kristu. ²⁸ Kuliye mu Yuda kapena mu Giliki, kuliye kapolo kapena asali kapolo, mwanalume kapena mwanakazi, pakuti monse nimwe amozi mwa Kristu Yesu. ²⁹ Lomba ngati nimwe a Yesu, nimwe mubadwe wa Abrahamu, na cokolo kulingana na lonjezo.