¹ Pepepita zaka fotini nelutasoti ku Yerusalemu na Banaba, netola Tito noluta naye. ² Neluta kamba kacivumbuluso nakuleta kwabeve ulaliki unulalika pakati pa amitundu. Nenzo kamba mwakabisila kwabala benzo oneka olemekezeka, kuti nionesheshe kuti nuutuka lini lubilo lwatyala. ³ Koma ngankhale Tito, enze nanewo ndipo enze Mugiliki, aliye kangamijyiwe kucita mudulidwe. ⁴ Madoda yaboza mwacisinsi bewela kuzoona mutendele utilinao mwa Kristu Yesu. Benzo lakalaka kuti atipange akapolo, ⁵ koma tiliyegonjele kwabeve olo paka nthawi katontho, kuti coonadi ca uthenga cinkhalilile mwa mweo. ⁶ Koma ao benzo oneka ngati olemekezeka (mulimonse mwebenzelili ciliye kanthu kwa neo, cifukwa Mulungu aliye sankho)- ao, binikuti, enze olemekezeka aliye onjezele kanthu pa neo. ⁷ Mosiyana, beona kuti nepasiwa udindo kulalikila uthenga kwa opanda mdulidwe, monga Petulo epasiwa udindo olalikila uthenga kwa amdulidwe. ⁸ Cifukwa Mulungu, esebenza mwa Petulo potumikila kwa ao oduliwa, soti esebenza mwa neo kwa amitundu. ⁹ Pamene Jemusi, Kefasi, na Yohane, enze na mbili ngati sandamila, pebezindikila cisomo cenze pa neo, etilola Banaba na neo kuti tikosonkhana. Bevomela kuti tilute kwa Amitundu ndipo beve balute kwa oduliwa. ¹⁰ Betipempha tyala kuti tikumbukile osauka, cinthu camene cinenze funa kucita ngako. ¹¹ Koma Kefasi pewela ku Antiyoki, nemushusha pameso pake cifukwa enzeyenela kuzuzuliwa. ¹² Madoda yaikine yakaliye wela kucokela kwa Jemusi, Kefasi enzekulya nao Amitundu. Koma aya madoda pewela, eleka nakupezeka nao Amitundu. Enzoyopa ao enzofuna mdulidwe. ¹³ Soti gulu la Yuda iyakine yeyamba kumukonkha mukusalungama kwake. Naye Banaba esokonezeka pamozi nao mukusalungama. ¹⁴ Koma peneona kuti mukhalidwe wao kuti wenze konkhalini coonadi ca uthenga, neciti kwa Kefasi pameso pa banthu onse, '' Ngati ndiwe mu Yuda koma unkhala ngati wa Mutundu osati ngati mu Yuda, ungakakamijye tyani Amitundu kunkhala ngati Ayuda?'' ¹⁵ Seo ndise Ayuda mwacibadidwe osati Amitundu ocimwa; ¹⁶ koma tubiza kuti kuliye munthu olungama kamba kancito ya lamulo koma na cikhulupililo mwa Kristu Yesu. Seo nase takhulupilila mwa Kristu Yesu kuti tinkhale olungama mwacikhulupililo muli Yesu osati mwazincito za lamulo. Cifukwa mwancito ya lamulo kulibe thupi lingalungame. ¹⁷ Koma, potufuna-funa kulungama mwa Kristu, nase seo tepezeka kuti ndise ocimwa, nanga Kristu ni mutumiki wa cimo? Yai kothelatu! ¹⁸ Ngati numanga soti vintu veneononga kale, nupelekela umboni kuti ndine waucimo. ¹⁹ Kupitila mu lamulo necifwa ku lamulo, kuti ninkhale na moyo wa Mulungu. ²⁰ Napacikiwa na Kristu. Nineo lini soti alina moyo, koma Kristu onkhala mwa neo. Umoyo ununkhala mwa thupi nukhala mwa cikhulupililo mu mwana wa Mulungu enikonda neo ndipo ezipeleka kamba ka neo. ²¹ Nuika lini pambali cisomo ca Mulungu, cifukwa ngati cilungamo cingakwanilisike kupyolela mu lamulo, ndiye kuti Kristu ecifwa kopanda kanthu!