¹ Neo, mwaici, monga kaidi wa Ambuye, nukudanulilani kuti muyende koyenera kuitani kwkuitani. ² Nukudandaulilani kuti munkhale nakuzicefya kukulu nakufasa na kuteka mtima nayamulina umozi na muyake mcikondi. ³ Muyesese ngako kusunga umozi wa uzimu mwa kumangililiwa na mtendele. ⁴ Pali mubili umozi na mzimu umozi, monga mwamweitiwila mucyembezo cimozi ca kuitiwa kwanu. ⁵ Ndipo pali Ambuye m'mozi, cikhilupilo cimomozi, ubatizo umozi, ⁶ na Mulungu umoozi na Atata wa onse, wamene ali palulu pa onse na mwa onse na vonse. ⁷ Kwa seo tonse cisomo capasiwa monga mwa muyeso wa mphaso ya Kristu. ⁸ Ili monga mau onena: "Pokwela kululu, etangulila omangiwa mkumangiwa nopasa banthu mphaso." ⁹ Tanthauzo lakuti, "ekwera" nicinji? koma kuti soti esuluka ku malo a kunyansi kwa calo? ¹⁰ Wamene eseluka ndiye wamene soti ekwera palulu ngako pa miyamba yonse, kuti akazuzhye vinthu vonse. ¹¹ Kristu epasa payakine kuba otumiwa, bakine aneneri, bakine alaliki, na bayakine abusa na ophunzisa. ¹² Epasa mautumiki aba kuti akonzele banthu atuba ba Mulungu ku nchito na kutumikila, kumangilila mubili wa Kristu. ¹³ Opitilizhya kumagilila mubili wake mpaka tonse tikafwike ku umozi wa cikhulupililo na cizisho ca mwana wa Mulungu nakuti tikakule nakufwika pamuyeso wakuzula kwa Kristu. ¹⁴ Kristu otimangila kuti tisankhale soti bana oingogwendezeka na mphepo nakutoleka - toleka ya ciphunzisho na masenga ya banthu na cinyengo cao. ¹⁵ M'malo mwake, kulabila cacendi mcikondi, tikakule mnjira iliyonse, mwa eve wamene mutu uyo ni Kristu. ¹⁶ Kristu omanga mubili onse, ndipo olumikizhyika nokatana pamozi na mpondo zonse zothandira, ndipo pamene cibalo ciliconse cugwira nchito pamozi, ici cucitisha kuti mubili ukule kuti umangililike mcikondi ¹⁷ Mwa ici, nulabila ndipo nuwelezhyapo ici mwa Ambuye, kuti musayendesoti monga amitundu oyenda, mu usilu wa m'maganizo mwao. ¹⁸ Niofifyiwa mkumvwishisha kwao, oyeswa alwendo mu moyo wa Mulungu kamba ka kuyuma mitima kwao. ¹⁹ Bankhala baliye nsoni, ndipo bazitwala kufuma ku vonyansa, ndipo ocita viipa vonse na cigolo. ²⁰ Koma nimwamene lini mwimwephunzilila za Kristu. ²¹ Nuyesa kuti mwecimvwa za eve, nakuti mwephunzisiwa mwa eve monga cacendi cili mwa Yesu. ²² Mwephunzisiwa kuvula vamene enze mankhalilo ya moyo wanu wakale ku vula munthu wakale. Ni munthu wa kale wamene ali woola kamba ka vofuna vake va cinyengo cake. ²³ Mwephunzisiwa kuba ba lomba mu mzimu wa maganizo banu, ²⁴ nakuvwala munthu walomba walomba wolengewa mu cifanizo ca Mulungu-mcilungamo cacendi cituba. ²⁵ Mwa ici, cosni wenye, ndipo aliyense wa mweo alabile cacendi na mnansi wake, pakuti tili mbanja m'mozi na muyake. ²⁶ Kalipani koma osacimwa. Zuba isalobe mkali okalipa. ²⁷ Osampasa mpata mdyelekezi. ²⁸ Ula enzoiba asaibe soti m'malo mwake, agwire nchito, kucita camene cili cabwino na manja yake. Koteto kuti ankhale naco copasako bala baliyiletu, ³⁰ Nkhani iliyonse iipa isafume pakamwa panu. Labilani tyala mau babwino yakumangilila bala bakumvwa, koteto mau banu apase cisomo kwa bala akumvwa. ²⁹ Osamvwisha cililizi mzimu utuba wa Mulungu, pakuti ni mwa eve mwimwepasiwa cisindikizhyo ca siku ya kuombolewa. ³¹ Fumyani kubaba konse, kupya mtima, ukali, kukangana na kunyoza na viipa vonse. ³² Wamilanani mtima m'mo na muyake, mtima ofewa, kukhululukilana m'mozi na muyake, monga MUlungu mwa Kristu ekukhululukirani.