¹ Mukulu wa nsembe eciti, " ko ivi vinthu nvacendi? ² Stefano eciti, " Azinekwasu na makolo, mvwani kuli neo; Mulungu wa ulemelelo eonekela ku kholo lasu Abulamu peenze kunkhala mu mesopolamiya, akaliyoyamba ku nkhala mu mzinda wa Halam; ³ Eciti kuli beve,"coka muziko lako naku banja lako ndipo ulute kucalo catinikuoneshe. ⁴ pamene apo efumamo muziko ya chalediya nakuyonkhala mu Halani, kufuma apo awisi pecifwa Mulungu emuleta muno mu calo mu munkhala mweo lelo. ⁵ Aliyemupaseko, owpatantho, ngati coloba cake, ngakhale pakuti angadyakepo kwendo koma emulonjeza olo kuti enzevye mwana pa mubadwe wake mu malo mwake. ⁶ Mulungu ekamba naye teti kuti muba dwe wake ukhankhale baiya mu calo cabene kwa ka nthawi ndipo kuti banthu bamu calo ico bakobasunga ngati bajya naku bacita cipongwe kwa zaka handiledi. ⁷ Koma nika weluza calo cati cikabasunge ngati bajya; eciti Mulungu, " pakungo fumaizo bakawele nakuzopembeza neo mu malo yano. ⁸ Koma Mulungu epasa Abulamu cipangano ca mudulidwe, ndipo Abulamu enkhala awisi ba isaki. ⁹ Kamba ka sanje yeyenze nayo mibadwo iyi pa Yosefe bemugulisa kwa Agiputo, koma Mulungu enze naye. ¹⁰ Ndipo Mulungu emupulumusha ku mavuto yonse. Yosefe epasiwa cisomo na nzelu pa meso ya Falao nkhosi ya Egiputo, emushankha kukala mukenane wa Egiputo na zamu nganda ya nkhosi zonse. ¹¹ "Lomba kwewela njala mu calo conse ca Egiputo na kenani, na mavuto yakulene, ndipo makolo yasu besoba vakulya. ¹² Koma Yakobo pecimvwa kuti vakulya vili ku Egiputo etuma makolo basu ulendo oyamba. ¹³ Paulendo wa cibili Yosefe ezizibisha kwa anekwawo nabanja ya Yosefe yezibika kuli Falao. ¹⁴ Yosefe ebatuma anekwao kuti awelele akaujye Yacobo wisi wao kuti awele ku Egipito pamozi na banja lonse, banthu sevente - faifi pamozi, ¹⁵ Ndipo Yakobo eluta ku Egiputo nakufwa , yeve namakolo basu . ¹⁶ Enyamuliwa kuza nao ku shekemu ndipo nakuikiwa mumanda yenzegula Ablamu na siliva ku bana ba Hama ku shekemu. ¹⁷ " Nthawi yolonjeza peyefwendela pafupi, lonjezo yepanga Mulungu kuli Abulamu, banthu bekula nakupaka mu Egiputo. ¹⁸ Mpakana pepewela Nkhosi yenzoziba lini za Yosefe. ¹⁹ Yebacenjelela nakubacicijya makolo basu kutaya bana bakhanda kuti asankhale namoyo. ²⁰ " Pa nthawi yamene iyo monse ndiye pedadwa; enze mwana wokongola mwa Mulungu ndipo benzomundyeshan munganda ya makolo bake mwa kabisila kwa miyezi itatu. ²¹ Pemuika panja, mwana wa Falao mwanakazi emutola nakumusunga nganimwana wake. ²² Mose ephunzila mu nzelu zonse za Egiputo, nakuba wa mphamvu mu mau na muzinchito. ²³ " Koma ku mathelo kwa zaka zake fote, mumtima mwake eganiza kuti akatandalile azinekwao, mubadwo wa Islayeli; ²⁴ Eona mu Islayeli osaushiwa, Mose amulondesha ezozuzika nakuwelejyela cilango; mwakupaya mu Egiputo. ²⁵ Yeve eganiza kuti enekwao amvwishe kuti mwa kwanja yake Mulungu wa baletala cipulumuso, koma baliye mvwishe. ²⁶ Mwana wake eona madoda abili onyatana pofuma kuti pabe mutendele pakati pao, eciti, "madoda, nipokwanu; muzondelananji mweka mweka? ²⁷ " Koma wamene eyamba muyake ekankhizya Mose, nakuti, nibani ekuika wolamulila na woweluza wasu? ²⁸ Ufuna umpaye, mwewepaila mu Aigiputo mailo? ²⁹ Mose ethaba pecinvwa mau aba, eciyo nkhala mulendo ku ziko labene la Midiyani, uku ndiye kweciyo nkhalila wisi wabana abili analume. ³⁰ " Pepepita zaka fote, mu ngeli eonekela kuli yeve penze mu chipululu ca lupili la Sinai, monga mu labi la moto mu sanga. ³¹ Mose peona mulilo edadwa ndipo pefwendela pafupi kuti aonesheshe ecimvwa mau ya, Ambuye yeciti, ³² Nine Mulungu wa makolo yako, Mulungu wa Abulamu, Isaki na Yakobo; Mose enjenjemela nakusafuna kulangako. ³³ " Ambuye eciti kuliyeve, cosa nkhwabilo ku mendo kwako, pakuti pamalo yawapanama npatuba. ³⁴ Naona kuvutika kwa banthu bangu bali mu Egiputo, Namvwa kulila kwao, nawela kuzobalondesha; Lomba wela nukutuma ulute ku Egiputo. ³⁵ " Uyu Mose webakana pebecit; Nibani wakusankha kuti uyambe kutilamula na kutiweluza? ndiye wesankha Mulungu kuti ankale olamulila na oombola. Mulungu emutuma na kwanja ya mungelo enzemuonekela Mose musanga. ³⁶ Mose ebasogolela kucoka mu Aigiputo, pavuli povodabwisa mu Aigiputo na vizindikilo pa nyanja ya led, na mucipululu kwa zaka fote. " ³⁷ Ni Mose wamene uyu ekamba ba Islaeli Mulungu aushe muneneli wanu kufuma pa abulu banu, muneneli monga neo. ³⁸ Ili nilidoda lenze mu mpingo mu cipululu pamozi na mungelo ekamba naye pa lupili la Sinai, enze na makolo basu, nakulandila mau amoyo kuzotipasa. ³⁹ Koma makolo yasu yaliyomvwile yeve; ndipo emucosapo pakati pao na mumitima yao bewelelasoti ku Aigiputo. ⁴⁰ Pa nthawi iyo beciti kuli Aloni; tipangile milungu yiti itisogolele seo. uyu Mose etisogolela kucoka muziko la Egiputo tuziba lini cacitika kuli yeve; ⁴¹ Bepanga ngombe masiku ayo noleta nsembe kufano, nakukondwela kamba ka nchito ya manja yao. ⁴² Koma Mulungu epindimuka nakubapasa kupembeza nyenyezi kululu, monga mwekwelembelewa mu buku ya aneneli, mwapeleka nyama zakufwa nasembe zaka fote mucipululu, nganda ya Islayeli? ⁴³ Mwelola kacisi ya Moleki na mulungu wa nyenyezi wa lefani navithuzithunzi vemwepanga kuvipemphela; Nikunyamuleni kupyola mzinda wa babulo. ⁴⁴ " Makolo yasu yenze na cacisi ya mboni mucipululu monga mwelamulilila Mulungu polabila na Mose , kuti ayipanga ioneka monga mweionela yeve. ⁴⁵ Pasogolo pake, makolo basu, penzobayanganila ni yoswa, elandila kacisi nakuwela nayo pebetola ziko lao leba longeza. Mulungu elonda malo popilikisha maziko yonse pameso ya makolo yasu kacisi yenkhala mwamene mula muziko mpaka nthawi ya Davide, ⁴⁶ Epeza cisomo pa meso ya Mulungu ndipo esenga ngati angapeze malo ya nganda ya Yakobo. ⁴⁷ Koma ni Solomo emanga nganda ya Mulungu. ⁴⁸ Koma Mulungu wakululu onkhala lini mu nganda yopanga na manja monga muneneli ecita, ⁴⁹ Kululu ndiye mupando waufumu wangu ndipo ziko lapansi niyepodyaka mendo ninganda yotyani yumungamangile neo walabila Ambuye, kapena malo yopumulilamo neo yalikuni? ⁵⁰ Nikwanja lini yangu yelenga vonse? ⁵¹ " Banthu oyuma mikosi mweo, aliye mudulidwe wa mumtima na matu, nthawi zonse mukana muzimu utuba; mucita ndende mwenzocitila makolo banu. ⁵² Nimuneneli uni makolo banu waliyezunze? Bepaya muneneli aliyense ewela pasogolo akaliyewela olungamayeka; Namwe mwankhala omupeleka na omupaya soti. ⁵³ Nweo banthu mwelandila lamulo yenkhazikisha angelo, koma yekukangani kusunga. ⁵⁴ Lomba apa bungwe onse pebecinvwa izi zinthu zebakhuza ku mutima ndipo beyamba kukukuta meno pali Stefano. ⁵⁵ Koma yeve ozula na mzimu utuba elangishisha kululu nakuona ulemelelo wa Mulungu ; Eona yesu wa panama ku kwanja lendi la Mulungu. ⁵⁶ Stefano eciti, onani nuona kululu kwa seguka ndipo mwana wa munthu wa panama ku kwanja lendi la Mulungu. ⁵⁷ Pakunvwa izi apa bungwe evala matu yao, nokuwa na mau yonvika, bemuutukila na colonga cimozi. ⁵⁸ Bemucosa kunja kwa munzi mokakamjya noyamba ku mutema myala. Mboni zao zevula vovyala vao noumjika pa mendo ya munyamata zina lake Saulo. ⁵⁹ Pebe nzomutema myala Stefano, enzoita Ambuye kuti "Ambuye yesu, landilani muzimu wanga." ⁶⁰ Egwada pansi nakuita na mau okuwa, "Ambuye osabaikilapo cimo iyi" pekamba aya mau, elala yulo.