¹ Saulo ezomekezyana nao pa imfwa yake. Kuchokela pa siku ilo kweyamba manzonzo pa mpingo wa mu yerusalemu indipo okhulupilira onse emwazyikana kumalo onse za yudeya na samariya, kuchokerako otumiwa. ² Madoda ozipeleka, emuika Stefano nochita maliro akulu ngako. ³ Koma Saulo eyesesa kuti aononge mpingo. enzolowa nganda na nganda, kuguza madoda na maina, nakubaika mujere. ⁴ Koma okhulupilira bala bemwazyika, bezopita pita kulalikila mau. ⁵ Filipo echiya ku mzinda wa samariya na kulalikira kristu. ⁶ Magulu ba banthu benzonvwishisha enzolabila Filipo; na ganizo limozi bemunmvwa eve, beona vizindikiro vechita. ⁷ Vimizimu viipa vefuma mu banyinji benze navo, kulira na mau okuwa, olemala bepoleshewa. ⁸ Teto mwenze chimwemwe chikulu mula mu mzinda. ⁹ Koma mwenze lidonda liyakene mula mu mzinda zina lake Simon, wamene kale enzochita masenga enzodabwisha banthu ba mu samariya nolabila kuti ni munthu ofunikira ngako. ¹⁰ Asamariya onse, kuyambira mtontho mpaka mkulu, enzomumvwilira nonena kuti, ' Uyu munthu ndiye mphamvu ya Mulungu yoitiwa kuti ikulu. ¹¹ Benzomumvwira ndaba enzobadabwisa kwa nthawi itali na masenga bake. ¹² Koma pekhulupilira Filipo penzolalikila mau a ufumu wa Mulungu na zina la yesu kristu, bebatizika, onse madoda na manina. ¹³ Na Simon naye ekhulupilira, ndipo pebatizika enkhala na Filipo nthawi zonse, peona vizindikilo na nchito za mphamvu vochitika, edabwa ngako. ¹⁴ Lomba otumiwa enze mu yelusalemu pecimvwa kuti amsamariya balandila mau a Mulungu, bebatumizyira Petulo na Yohane. ¹⁵ Pebewera, ebapemphelera, kuti alandire mzimu utuba. ¹⁶ Pakuti kufwikila nthawi ila, mzimu utuwa enze akaliye welapo pa aliyense; benzebaizika tyala mu zina la Ambuye Yesu. ¹⁷ Pamene apo Petulo na Yohane beika manja bao pa beve, ndipo belandira mzimu utuwa. ¹⁸ Lomba Simon peona kuti mzimu utuwa epasiwa mwa kuika manja kwa otumiwa, ewapasa ndalama. ¹⁹ Echiti, ' mutipeko nane ulamuliro uyu, kuti aliyense waningaike manja akolandira mzimu utuwa. ²⁰ Koma Petulo echiti, Ndalama yako itayike nawe,ndaba uganiza kuti ungalandile mphaso ya Mulungu na ndalama. ²¹ Uliye gawo kapena cholandira mu nchito, iyi ndaba mtima wao uli lini bwino pamenso pa Mulungu. ²² Moteto lapa kuipa kwako koteti, nakupemphera kwa Ambuye, kuti mwina angakukhulukire pa cholinga cha mtima wako. ²³ Pakuti naona kuti wakatiwa na paizonwa kukwiya na nsinga za chosalungama. ²⁴ Simon eyankha kuti, "nipemphelereni kwa Ambuye kuti vonse vimwalabila visakanichitikire. ²⁵ "Pebechitira umboni na kulabila mau ba Ambuye, Petulo na Yohane bewelera ku yelusalemu, na kulalikira mau a Mulungu ku minzi inyinji ya a samariya. ²⁶ Lomba mngelo wa Mulungu elabila na Philipo kuti,"Nyamuka nkhoya cha kumwela ku njira yofumira ku yelusalemu kuya ku Gaza."(mseu uyu niwa mchipululu.) ²⁷ Enyamuka na kuluta. onani, kwenze lidoda lochokela ku Etiyopiya, mdindo wopatuluwa wa ulamuliro wa kandake, nkhozikazi ya Etiopiya. Niye enzosunga chuma chake chonse. Enze ewela ku yelusalemu kuzopemphera. ²⁸ Enzoweleramo ndipo enzenkhala pa gareta wake,nakuwerenga mnenen yesaya. ²⁹ Mzimu echiti kwa Filipo," Nkhoya nkhoya ukankhale pafupi na gareta ula." ³⁰ Ndipo Filipo emuutukira, nakumumvwa owerenga Yesaya mneneli, nakuti,"umwi shisha vouwerenga?" ³¹ Ndipo echiti," nigamvweshe tyani peka-peka ngati pali wonisogolera."Emuita Filipo kuti alowe mu gareta wake na kunkhala naye. ³² Lomba ndime ya mau a Mulungu yenzobelenga mu Etiyopiya yenzokuti, " Benze bemtangulira monga mwana wa mbelele pamenso pa onsenga enzen chelele. teto aliyevule pakamwa pake. ³³ Mukumvwishisha nsoni chilungamo chefumyiwa kwa eve. Angalabile za mbadwo wake mofwikapo ni bani? pakuti moyo wake wechosewa pachalo." ³⁴ Teto mdindo ula emkonsha Filipo echiti,"nukusengani niuzyeni kuti mneneri olabila za bani, za eve eka, olo za muyakine?" ³⁵ Filipo eyamba kulabila, kuyambira na mau awa elalikira mau a Yesu kwa eve. ³⁶ Pebenzokuya mu njira, efwika penze manzi ndipo mdindo echiti, "onani, pano pali manzi. chingaleshe ku neo nibatiziwe ni chinji?" ³⁷ Filipo echiti, ngati ukhulupilira na mtima wako wonse ungabatiziwe." metiopia eyankha kuti," nukhulupilira kuti yesu kristu nimwana wa Mulungu. ³⁸ Teto metiopia elamulira gareta wake kuti apaname. Beloba mu manzi, onse awiri Filipo na mdindo ndipo Filipo embatiza. ³⁹ Pebefuma mumanzi, mzimu wa Ambuye emchosa Filipo, ndipo mdindo aliyemuone soti, koma echiya kwao mokondwera. ⁴⁰ Koma Filipo efwika ku Azotu ndipo epita mula mu malo nakulalikira mau a Mulungu ku mizinda yonse mpaka efwika ku kaisareya.