¹ Lomba masiku bala, pamene nambala ya ophunzira ye paka, kudandaula kweyamba, Ayuda acigiriki kudandaula za Aheberi, kamba ka afelekezi bao enzoluwiwa mu mathandizo a siku na siku. ² Bala, Twelufu beita gulu ya ophunzira kuli beve na kulabila, " Ni ciweme lini kwa seo kuti tileke mau ba Mulungu kuti tikoika polyera. ³ Mwaici mufunika kusankha, anekwasu, madoda a mankhalidwe a bwino, ozula na mzimu na nzeru, amene tikabaike kusunga nchito iyi. ⁴ Koma kwa seo, tikapitilizye nthawi zonse mumaphemphero na mukutumira mau. ⁵ "Kulabila kwao gulu lonse lekonda. Teto besankha Stefano, lidoda yozula na cikhulupiriro na muzimu utuba, na Filipo, Prokolo, Nikanora, Timo, Parmena na Nikolasi, osandulika wa ku Antiyokeya. ⁶ Okhulupirira ethwara madoda bala kuli otumiwa, amene epemphera nakuika manja pa beve. ⁷ Teto mau amulungu epitirira ku mwazyika, na nambala ya ophunzira mu yelusalemu yepaka ngako na nambala ikulu ya ansembe enkhala omvwila cikhulupiriro cila. ⁸ Lomba Stefano, ozula na cisomo na mphavu, enzo cita vodabwisa vikulu na vizindikiro pakati pa banthu. ⁹ Koma beuka ayakine mwa beve ofuma mu sunagoge lochedwa sunagoge ya omasuliwa, na Akurenayo, na Alekizanda, na mwa beve aku kilikiya na ku asiya. Aba banthu benzo sushana na Stefano. ¹⁰ Koma baliye kwanishe kusushana na nzeru na mzimu zeekamba Stefano. ¹¹ Ndipo epeleka ciphuphu ku madoda ayake nolabila kuti, "temumvwa Stefano olabilira monse na Mulungu mau a mwano. ¹² Beusha banthu akulu, na akalembela, na kumukhonkha Stefano na kumukata na kumuthwala ku nsaka. ¹³ Be leta mboni zawenye, becita "Lidoda ili yulekalini kulabila mau oshushana malo atuba aba na lamulo. ¹⁴ Pakuti temumbvwa eve olabila kuti uyu yesu wa ku Nazareti aononge aba malo na ku sintha miyambo imene Mose etipasa seo. ¹⁵ Aliense enkhala pa nsaka elangishisha menso yao pali eve na kuona pa menso pake pelingana na mungelo.