¹ Lomba munthu muyakine zina lake Ananiya, na mwanakazi wake Safila, egulisa katundu, ² Nokusungako (mwanakazi wake naye eciziba ici), etolapo nopeleka zesala etwala pa mendo ya otumiwa. ³ Koma Petulo eciti, "Ananiya, ndaba cinji satana wazula mutima wako kunamizya muzimu utuba na kusunga yakine za malo? ⁴ Piwenze ukaliye ugulisa wenze wako, napavuli pougulisa wenzelini punsi pa ulamulilo wanu? Nibani wamene eyika kacitidwe aka mumtimamwako?. Uliye nyengezye madoda, koma Mulungu ." ⁵ kumvwa mau aba, Ananiya epona nakufwa na wowa ukuluwewela pa bonse ecimvwa ici. ⁶ Anyamata enyamuka nakumuvunga, nomufumya panja na kumuika. ⁷ Pipepita ma ola atatu, mwanakazi wake eloba, osaziba kwecitika cinji. ⁸ Petulo eciti kwa eve, "Niuzye newo mtengo wa malo mwegulisa wa mwakuti," Ee mtengo mwakuti," ⁹ Petulo eciti, ndaba cinji mwavumelezyana kunyengezya muzimu wa Ambuye? Ona, mendo ba madoda bala eyika mwanalume wako ali kumulyango, nakuti akufumye panja. " ¹⁰ Pamene apo epona pansi mumendo mwake nakufwa. pecimvwa acinyamata eloba mkati, empeza wafwa, na kumfumya panja na kumuika pambali pa mwanalume wake. ¹¹ Wowa ukulu wewela pa sunagoge wonse napa wonse ecimvwa ivi vinthu. ¹² Vizindikilo na vodadwisa vinyinji venzo citika pakati pa banthu mwa manja ba otumiwa. Wonse enze pamozi mu khumbi la Solomo. ¹³ Koma paliye wa esala elimbikila mtima kubakonkha; koma elibikishika ngako na banthu. ¹⁴ Mphela - mphela okhulupilila enzewonjezaka kwa Ambuye, namtindi wa madoda na manina, ¹⁵ Teto kuti enzonyamula olwala mumiseu nakubaika pa mabedi na mphasa, teto kuti popita Petulo, cimvwili -mvwili cake cingapitepo pa bayakine ba beve. ¹⁶ Kula nako kwewela banthu ba nyinji wofumila ku mizinda yozweta Yelusalemu. ¹⁷ Kuma euka mkulu wansembe nabala bonse benze nayeve (kamene kali kagulu kopatuka ka asaduki), nakuzula nsanje. ¹⁸ Na kuba monga manja otumiwa, nakubaikamjele ya wonse. ¹⁹ Koma nthawi ya usiku mngeli wa Ambuye evula viseko va jele nabafumya nakuti, " ²⁰ Nkhoyani, mukapaname mkacisi na kulambila ku banthu wonse mau a moyo uyu." ²¹ Pecinvwa ici, eloba mkacisi usiku -siku nakuphunzisa. koma mkulu wa asembe ewela nabala benze nao, nakusonishya nsaka, akulu wonse abanthu ba asilayeli, nobatuma ku jele kuyotola otumiwa. ²² Koma anacito eciya aliye bapeze mjele, ewelela nobauzya, " ²³ Tepeza jele niyovala bwino na amalonda ali peneme pa mulyango, koma pitevulako, tilyepezemo aliyense." ²⁴ Lomba pecimvwa oyanganila kacisi na mkulu wa sembe mau aba, beve besila nzelu za aba banthu kuti mufume zotyani. ²⁵ Namuyakine ewela nomuuzya,"madoda bala bemweyika mjele ali peneme mkacisi nakuphunzisa banthu." ²⁶ Teto wayanyanila eciya na anchito,ewelanao koma osabacita cipolowe,pakuti peyopa kuti anjatemewemiyala. ²⁷ poecibaleta,ebaika pansaka ya madoda.Mkulu ya nsembe ebakololosha, ²⁸ kuti,"tekulamulilani na lamulo osaphunzisa muzina iyi,mwaico mwazuzya yelusalemu yonse na ciphunziso canu na cifuno kuleta magazi a munthu uyu paseo." ²⁹ Koma patulo na otumiwa eyankha,"'Tufunika kumvwila mulungu osati munthu. ³⁰ mulungu wamakolo basu eukisha yesu wamene wamwe paya nakumu pacika pa cimuti. ³¹ Mulungu emunyamula ku kwanja kwake kwa kwendi kuti akankhale mwana wa mfumu na mphulumusi,apase kulapa aisilayeli na cikhululukilo ca macimo. ³² Nise mboni za vinthu ivi,na mzimu utuba wamene mulungu emutuma ³³ Ndipo mamembala ba gulu ili pebecimvwi teto bekalipa ndipo enzofuna abapaye otumiwa. ³⁴ Koma mufalisi zina lake Gamaliyo, muphunzisi wa lamulo enzeolemekezeka ku banthu onse, epanama nolamula kuti abacose panja otumiwa kwa ka nthawi katontho. ³⁵ Ndipo eciti kwa beve, "Madoda ya Israeli, mumvwishishe pa cumusankha kuti mucite ku banthu aba. ³⁶ Nthawi ya kuvuli uku, Theudas enyamuka kuyamba olabila kuti ni munthu wapadera, ndipo gulu la madoda, lokwana ngati fohandiledi, yeyamba ku mulondola. Epayiwa ,ndipo onse enzomumvwila beng'ondokana ndipo vesilila pamene apo. ³⁷ Pavuli pa lidoda ili, Yudasi waku Galileya enyamuka pa nthawi ya cibelengelo ndipo banthu bayakine bemulondola, naye eonongeka ndipo nao enzomulondola beng'ondokana. ³⁸ Lomba nulabila kwa mweo, talamukani ku madoda aya ndipo balekeni beka, pakuti ngati ciganizo ici kapena nchito iyi niyakubanthu, icosewepo. ³⁹ Koma ngati niya kwa Mulungu mukwanishe lini kubacosa; munga peze kuti muyambana na Mulungu." Teto beujyiwa. ⁴⁰ Lomba ebayita otiwa kuti alobe mkati ndipo ebanyata na kulamula kuti osati akolabila mu zina la Yesu, ebamasula kuti abekuya. ⁴¹ Belisiya gulu iyi mu cisangalalo kuti besankhiwa kunkhala oyenala kuvutishiwa kamba ka zina. ⁴² Mwa ici siku na siku, mu kachisi koma soti ng'anda pa ng'anda, mosalekejya benzophunzisa na kulalikila uthenga wa bwino kuti Yesu ndiye Kristu.