¹ Pala Petulo na Yohane penzo fotokozela banthu, ansembe na wosogolela wa mchalichi na asandiki nawo ewela pakati pawo. ² Bevutika mumtima ndaba petulo na yohane enzophunzisa banthu nakulalikila mzina la yesu za kuuka kwa akufwa. ³ Bebamanga nobaika mchitolokoshi mpaka mu mawa mwake, pakuti mwenze mchingulo ngako. ⁴ Koma banthu anyinji echinvwa mau ekhulupilila na nambala ya madoda ekhulupilila yenze monga faifi sauzande. ⁵ Vechitika pasiku lokonkhapo kuti olamulila akulu na kalembela eungana pamozi muyelusalemu. ⁶ Anansi mkulu wansembe enzepo, na kayafa, na yohane, na Alekizanda na onse enze abululu amkulu wansembe. ⁷ Pebeika petulo na yohane pakati pawo bebakonsha, nimumphanvu yotani olo nimuzina lanji mumwachililaichi. ⁸ Lomba petulo, ozula na muzimu utuba, echiti, "mweo olamulila abanthu, na mweo akulu. ⁹ ngati tuweluziwa lelo kamba ka nchito yabwino yachitikila uyu munthu olwala, nakuti tinene njila yawapolelamo uyu munthu. ¹⁰ Lekani chizibike kwa mweo monse na ku banthu onse amu islaeli kuti uyu muthu wapanama pasogolo panu alibwino wapola mu zina layesu krisitu wakunazaleti, wala umwepachika,koma eushiwa na mulungu kuchoka kwa akufwa. ¹¹ Yesu krisitu ndiye wala umwekana mweo amisili wamene wafunika kukhala mwala wapakona. ¹² Muliye chipulumuso mwamunthu muyakene, pakuti paliye zina liyakene pansipano lepasiwa pakati pa banthu litingapulumukilemo;" ¹³ Lomba pebeona kusoba owa kwa petulo na yohane nokumbukila kuti benze banthu wamba, osaphinzila, bedabwa, nokumbukila soti kuti petulo na yohane benzokhala na yesu. ¹⁴ Ndaba beona kuti munthu epoleshewa ali chilili pamozi nao, besoba mosushila enzeve mau. ¹⁵ 18 Koma pabelamulila otumiwa achoke pamusonkhano wa zindaba, beyambokambishana bekabeka. ¹⁶ Bechiti, "tichte nao chinji aba madoda? pakuti chachendi nchakuti chinthu chikulene chodabwisa chachikulu kupitila mwabeve nchozibika kwa aliyense onkhala mu yelusalemu; ndipo tingakane lini. ¹⁷ Koma kuti chisapitilile kuulusiwa pakati pa banthu, tiyeni tibachenjeze kuti asapitilizye kuuzya olo kuphunzisa munthu aliyense muzina ili" ¹⁸ Ndiye ebaita nobalesha kuphunzisa nolalikila mzina la yesu. ¹⁹ Koma petulo na yohane ebayankha kuti "kanga ncholongosoka kumenso kwa mulungu, kumvwelela mweo osati eve, weluzani." ²⁰ Tingaleke lini kukamba pa vinthu veteona nakumvwa ²¹ Pavuli pake pobachenjeza, petulo na yohane, ebaleka kuti abekuya. Aliyepeze chifukwa chobapasila chilango, ndaba banthu onse enzolemekeza mulungu pa vechitika. ²² Lidoda lepemphelelewa nopola lenze nazaka zopitilila fote. ²³ Pmasiku, Petulo na Yohane bewela kubanthu bawo nofotokoza zonse zeenena mkulu wansembe na akulu. ²⁴ Pebechimvwa bekweza mau bawo kwa Mulungu na cholinga chimozi nakuti, "Ambuye, mwepanga kululu napansi, na nyanja, na vonse vilimo. ²⁵ Mwelabila mwamzimu wanu kupilila mkamwa mwamtumiki wanu, Atata basu a Davite, "ochitilanjizungo amitundu iyakene nabanthu oganizilanji viliyenzelu? ²⁶ Mwechiti amchalo ca pansi oungana pamozi na olamulila eungana pamozi mosushana na Ambuye, na kristu wao. ²⁷ Inde onse Helode na pontiyo pilato, pamozi na amitundu naonse amuislaeli, eungana muno mumzimu mosushana na mtumiki wanu mtuba Yesu, umwezoza. ²⁸ Beungana nochita vinthu vemwechita kale vemweikilatu kuti vikachitike msogolo. ²⁹ Lomba, Ambuye, onamponi paivi voticenjeza nakuti mutipe ulamulilo seo atumiki banu kuti tifotokozele mau anu chiliye owa. ³⁰ Tambululani kwanja yanu kuti mupoleshe nochita vizibisho na vobabwisa muzina lamutumiki wanu mtuba Yesu". ³¹ Pesilizyha kupemphela, pamalo pebenzeungana pengwendezeka, nakuti bonse bezuzyiwa na mzimu utuba nakuti befotokozela mau a mulungu chiliye owa. ³² Nambala ikulene yabala ekhulupilila enze bamtima umozi naumoyo.paliye enzekuti changu ni changu, koma enzo gaba kuti aliyense ankhaleko na kanthu. ³³ Otumiwa enzolalikila kupelekela umboni wa kuuka kwa Ambuye Yesu, mwa mphamvu, nachisomo chikulu chenze nawo. ³⁴ Penzeve munthu pakati pawo esobeka kanthu, pakuti enze nakatundu ukulu ukulu monga malo olo manganda egulisa noleta ndalama za vala vegulisa. ³⁵ Noziika pamendo pa otumiwa nakuti zenzogabiwa kwa aliyense kulingana navofumkila vake. ³⁶ Yosefe, wamene otumiwa enzomuita kuti Banabasi ( yomasuliwa, kuti mwana wa chilimbikiso), mulevi, lidoda lochokela ku kupro, ³⁷ Egulisa munda wake noleta ndalama noziika pa mendo pa otumiwa.