¹ Zecitika mu Ikoniya kuti Paulo na Banabasi belobela pamozi mu sinagoge wa Ayuda na kulabila mwanjila yakuti gulu likulene la onse Ayuda na Agiliki ekhulupilila. ² Koma Ayuda a mwano esokonezya uzelu za Akunja na kupangisha beve kubaipila mutima anekwao. ³ Teto beuchala kwala nthawi itali, kulabila molimba na mphambvu ya ambuye, pebenzo peleka umboni wa uthenga wa cisomo chake. Eciti izi mwa kupasa zisanzo na zodabwisa kuti zichitike mu manja mwa Paulo na Banabasi. ⁴ Koma banthu mu mzinda be gabikana; ayakine kumbali ya Ayuda, bayake kuli otumiwa. ⁵ Onse akunja na Ayuda(pamozi na asogoleli bao) eyesa kuba nzunza na kubatema miyala, ⁶ Koma mosacelwa be ziba za ici ,be utukila ku lukaoniya mu mzinda wa lustra na Derbe na malo ozungulila, ⁷ Kwamene be pitilizya kulalikila mau. ⁸ Pa Lustra lidoda liya ine lenzonhkala, liliye mphanvu mu mendo yake, olemala mwevyalikila m'mala mwa a nyina, wamene akaliye yendapo. ⁹ Lidoda iyi yecinvwa Paulo olabila. Paulo elangishiwa mense yake pa eve na kuona kuti ali na chikulupililo kuti ankhale bwino. ¹⁰ Teto elabila kwa eve mwa mau okuwa, panama, Ndipo lidoda lelumpa mululu no yenda- yenda. ¹¹ Pamene gulu yeona cecita Paulo, be kweza mau bao, kulabila mucitundu ca ku Lukaoniya, milungu yankhala ngati madoda na kuwela pansi pali seo. ¹² Bemuita Banabasi kuti ''Zeu,'' na Paulo ''Herme,'' cifukwa enze olabila mukulu. ¹³ Wa nsembe wa Zeu, wamene kacisi yake yenzetyala kunja kwa mzinda, eleta nkhabi na maluba ku milyango; eve na magulu enzofuna kupeleka nsembe. ¹⁴ Koma pamene otumiwa Banabasi na Paulo, becimvwa za ici, be ng'anba vovwala vao ndipo msanga-msanga be ciyoloba mkati mwa gulu, na kuwa, ¹⁵ Madoda, cifukwa canji mucita vinthu ivi? Seo nase nise banthu, na mkalidwe olingana na wanu.Tukuuzyani mweo uthenga wabwino kuti mufunika kutembenuka kufuma kwa ivi vinthu va tyala-tyala kuya kwa Mulungu wa moyo, epanga kululu, calo, Nyanja na vili vonse vili mwamene. ¹⁶ Zaka zakale, elola vyalo vonse kuyenda mwa njila zao. ¹⁷ Koma teto, aliye zisiilile eve paliye umboni mwaico eciti bwino na kupasa mweo mvula kufuma kululu na nthawi ya vipaso, kuzuzya mitima yanu na vakulya na kukondwela. ¹⁸ Ngakhale na mau aba, Paulo na Banabasi ekangiwa kulesha magulu kuti asathwale nsembe kwa beve. ¹⁹ Koma Ayuda ayakine ofuma ku Antiokeya na Ikoniyo ewela nonyengelela magulu. Bemutema milyala Paulo na kumuguzila eve kunja kwa mzinda, poganiza kuti wafwa. ²⁰ Koma ophunzila alipeneme ku zunguluka eve, euka na kuloba mu mzinda. Siku lokonkhapo, eluta ku Derbe na Banabasi. ²¹ Pambuyo pakulalikila mau mu mzinda uka na kubanga ophunzila anyinji, be welela ku Lustra, ku Ikoniyo na ku Antiokeya. ²² Be pitilizya kupasa mphamvu ku myoyo ya ophunzila na kulimbikisha beve kuti ba pitilizye mu chikulupililo, nolabila, '' Tufunika kuloba ufumu wa Mulungu mwa ku nzunzika kanyinji.'' ²³ Pamene peebaikala beve akulu ba mu mpingo iliyonse, ndipo be pemphera mwa kusalya, be ikizya beve kwa Ambuye mwamene mwebekhulupilila. ²⁴ Ndipo be pitila ku Pisidiya na kuwela ku pamfuliya. ²⁵ Pebelabila mau mu Perge, be epitilila kuya ku ataliya. ²⁶ Kufuma kwala beluta kuya ku Antiokeya, kwamene kwebezipelekela ku cisomo ca mulungu ku nchito zamene zebesilizya lomba. ²⁷ Pamene pefwika mu Antiokeya na kusonkhanisha na mpingo pamozi, befotokoza zonse zamene Mulungu ebacitila beve, na mwamene ebasegulila ciseko ca chikulupililo kwa akunja. ²⁸ Be nkhala na ophunzila nthawi itali.