¹ Madoda bayakine befuma ku Yudeya kuluta ku Antiokeya noyamba ophunzisa anekwao, nakuti, ''Pekapeka mukacita mudulidwe kulingana na madauko wa Mose simungapulumuke'', ² Ici celengesha Paulo na Banabasi ku kangana naku kambilana nabeve. Ndipo Paulo na Banaba pamozi nabayakine ocokela kwa beve, besankhiwa kuluta ku yelusalemu kuyokumana na otumiwa naba kulu bakulu pa funso ili. ³ Beve lomba petumiwa na chalici bepita konse kubili ku Femiciya naku Samaliya bomemeza kutembenuko kwa amitundu. Beleta cisangalalo kuli onse anekwao. ⁴ Bebewela ku yelusalemu, belandiliwa na chalici otumiwa na akulu akulu ebaujya vonse vecita Mulungu nabeve. ⁵ Koma madoda bayakine bekhulupilila, benze amozi ba gulu la Afalisi, bepanama nakuti, nicofunikila kuti bacite mudulidwe nakubapasa lamulo losunga malamulo ya Mose. ⁶ Otumiwa na bakulu-bakulu bekumana pamozi kuti baganizilepo pa nkhani iyi. ⁷ Pavuli pokambilana ngako, Petulo epanama nolabila nao, '' Anekwasu, mweo muziwa kuti nthawi ya kuvuli uku Mulungu epanga sankhopakati panu, nakuti nakamwa yangu amitundu ofunika amvwe mau ya uthenga yabwino, naku khulupilila. ⁸ Mulungu, oziba mutima, epeleka umboni kuli beve pobapasa muzimu utuba, monga mwacitila na seo. ⁹ Aliye siyanishe pali seo na beve, pakuti eyesa mitima yao mwacikhulupililo. ¹⁰ Lomba monga muyelusalemu Mulungu, kuti muyike joko mumukosi ya ophunzila yamene makolo yasu na seo tekangiwa kunyamula? ¹¹ Koma tukhulupilila kuti tikapulumuke kupitila mu cisomo ca Ambuye Yesu, monga mwenzemele na beve. ¹² Gulu lonse lenkhala cete pebenzo mvwila Banaba na Paulo olabila pa zizindikilo na zodabwisa zecita Mulungu pakati pa amitundu kupitila mwabeve. ¹³ Pebesilizya kulabila Jemusi eyankha nakuti, '' Anekwasu mvwani newo. ¹⁴ Simoni watujya Mulungu poyamba mwacisomo mwethandizila amitundu na lingo lakuti atolepo pali beve banthu ba zina lake. ¹⁵ Mau ya aneneli yovumelejyama nazo izi, monga mwe lembela, ¹⁶ Pavuli paizi zinthu nikuza, ndipo nikuzomanga soti kacisi ya Davite, Yohane pansi nikuzo nyamula naku bweza vonse veonongeka, ¹⁷ Kuti madoda yosalila afune - fune Ambuye kuikilapo onse amitundu oita pa zina langu. ¹⁸ Ici ndiyo cakulabila Ambuye, wacita izi zinthu zozibika kufumila kalekale. ¹⁹ Mwa ici naganiza kuti tisa bavute awo amitundu otembenukila kwa Mulungu. ²⁰ Koma tibalembele beve kuti atalamuke ku kowela nama fano, ciwele wele, nyama yopaiwa na cipoyo, na magazi. ²¹ Ndaba Mose wamemezewa mumuzinda ulionse kufumila mubadwo wakale - kale na kulalikilawo mu masinagoge sabata iliyonse.'' ²² Soti cheoneka bwino kuli atumwi na akulu akulu,na mpingo, kusankha Yudasi enzo zibika kuti Banabas, na Sila, enze akulu a mpingo, nakubatuma ku Antiyokeya na Paulo na Banabas. ²³ Elemba ivi: '' Kufuma kuli atumwi na akulu akulu, kuli anekwanu, kuli amitundu anekwao ku Antiyokeya, na Suliya ndi kilikiya: Moni! ²⁴ Ndaba tamwa kuti madoda yakine bafuma pakati pasu,ciliye lamulo lasu nosokhonezya navimpuzisho vokalipisha myoyo ²⁵ yanu.cetionekela bwino seo,takhala na maganizo amozi,kusaka madoda,nobatuma ²⁶ kulimweo na okhondewa mutima basu banaba na ²⁶ paulo,Madoda yaliye usamalile myoyo yao kamba ka zina la yesu kristu. ²⁷ Mwaici tatuma yudas na sila,ndiye bati bamuujyeni vithu vimozi mozi na mau yapa kamwa kao. ²⁸ ceoneka cabwino ku muzimu utaba na seo kuti tisaike pali mweo katundu ukulene oposa izi zinthu zofunikila : ²⁹ kuti muzipatule kuvithu vopelekewa nsembe kumafano,milopa,vokufwa,naciwelele.Ngati muvipewe ivi,zikakunkhalileni bwino.Nalaila.' ³⁰ lomba beve pemasuliwa,beluta ku antiyoki ;pavuli pounjika gulu pamozi, be peleka kalata. ³¹ Peibelenga,bekondwela kamba ka cilimbiso . ³² Yudas na sila,na neneli,belimbikisha anekwao na mau anyinji nakubalimbisha. ³³ Pavuli ponkhala kanthawi kwamene kwala,ebawezya mwa mutendele kucoka kwa anekwao kuluta kwabala enzebatuma. ³⁴ cemunkhala bwino sila kuti ankhale kwamenekula. ³⁵ koma paulo na banaba bekala mu antiyoki kuphuzisha nakulalikila(pamozi nabayakine banyinji)mau ya ambuye. ³⁶ Pepita masiku paulo echiti kuli banaba,'Tiye tiwelele lomba kuti tikatandalile anekwasu mumizinda wetalalikilako mau ya ambuye,tione kuti balityani, ' ³⁷ Banaba enzofuna kuti balutilenaye pamozi yohane enze kuyitiwaso mark. ³⁸ koma paulo eciganiza kuti sicenze bwino kuluta na mako,wenze ebasiya mu pamfulia ndipo aliye lute nao kupitilizya nchito. ³⁹ Pamene apo peuka mukangano ukulene ,cakuti bepatukana ndipo banaba etola mako naloba mu boti kuluta ku cyprus. ⁴⁰ Koma paulo esankha sila noyambapo,pavuli popasiwa na anekwao mwa cisomo ca ambuye. ⁴¹ ndipo eluta kupitila ku siliya nakilikiya, kulimbikisha ma churichi.