¹ Neo, Paulo, Nukudandaulilani mweo, mwakuzicepesa na cifaso mwa Kristu. Neo nunkhala ozicefya pamenso panu, koma nunkhala kuyake neo nunkhala wokosa mumtima kwa mweo. ² Nakupapatani mweo kuti, nili na mweo, nisakose mtima na kukosa nuyesa nako pa bayakine, otiyesa seo monga tuyenda yenda mwa mubili. ³ Pakuti poyenda - yenda mubili, tuyambalini nopitijya nkhondo kulingana na mubili. ⁴ Pakuti vida va nkhondo yasu vili lini va mubili. Ali na mphamvu ya Mulungu yoononga mipanda. Kusilijya mikangano yokaikisha. ⁵ Tuphwanya ciliconse cozikujya cuukila nzeru za Mulungu. Tumanga ganizzo iliyonse kuti imvwile Kristu. ⁶ Ndipo tukonzekela kulanga mucitidwe ulionse osamvwilila, malinga kumvwishisha kwanu kwasilijyika. ⁷ Langani cuoneka bwin- bwino kusogolo kwanu. Ngati aliyense ovomekejya kuti ni wa Kristu akumbukile soti kuti mwalili yeve wa Kristu, nase nise ba Kristu. ⁸ Poti olo ningazikujye mopitililaka patontho pa za ulamulilo, wetipasa Ambuye kuti tikakuphunzisheni osati kuti tikuonengeni, nikamvwe lini soni. ⁹ Nufuna lini cioneke monga nukuyofyani na makalata bangu. ¹⁰ Poti banthu bakine bolabila kuti, '' makalata bake nioyofya ndipo niyamphamvu, koma maonekedwe bake niofoka. Mau bake niyosaenela kumvwilila.'' ¹¹ Lekani banthu boteti bazibe kuti mwatilili mu mau a m'makalata basu patili kuyake niye mwatili tili ngati tili na mweo. ¹² Tukuya lini kutali monga kupanga magulu monga mwa seo seka olo kulinganijya seo seka nabala bikibik. komabeve bopima beka- beka na kulunganijyana beka - beka, baliye nzeru. ¹³ koma seo tikazikujye lini mopitilila malile. M'malo mwake seo tikapitilile lini malile betipasa Mulungu, malile yetifwikisha maka - maka kwa mweo. ¹⁴ Pakuti tiliye pitilile malile patefwika kwa mweo. Tenze oyambilila kufwika kwa mweo na uthenga wa Kristu. ^{15 16} Tiliye zimvwe mopitilila malile pa nchito za banthu bayakine. M'malo mwake, ciyembekezo casu nicakuti cikhulupilo canu cipitilile kukula, nchito yasu mwa mweo ikokula ngako. Tuyembekeza ici, kuti tingalalikile uthenga na m'malo muyakine kupitilia mweo. Tizikweze lini pa nchito yesilijyika kale kumbali ziyakine. ¹⁷ ''Koma mulekeni ozikweza akozikweza mwa Ambuye.'' ¹⁸ Pakuti niwala lini ozivomelejya eka ovomela. M'malo mwake, ni wala wa vomelejya Ambuye.