¹ Lomba za vakulya vopelekewa nsembe ku mafano: Tuziba kuti tilinaco ciziwisho. Ciziwisho cutukumula koma cikondi cumangilijya. ² Ngati muyakine oganiza kuti oziba kanthu, munthu ula akaliye ziba monga mwakufunikila kuziba. ³ Koma muyakine ngati okonda Mulungu, munthu ula ozibika na Eve. ⁴ Lomba teto, kulya vakulya vopelekewa ku mafano: Tuziba kuti fano mziko lino nilatyalatyala ndipo kuti kuliye Mulungu koma umozi. ⁵ Ngankhale iliko yuitiwa milungu, kululu kapena pa ziko lapansi (mwailili ''milingu'' inyinji na ''ambuye'' anyinji), ⁶ koma kwa seo kuli tyala Mulungu umozi, Atata amene kufumila vinthu vonse na mwa eve tunkhala, na Ambuye umozi Yesu Kristu, wamene vinthu vonse vili mwa eve, na seo mwa eve. ⁷ Koma soti kuziba uku kulini mwa aliyense. Koma, ayakine kale- kale enzolambila mafano, ndipo akulya vakulya ivi monga vinthu vopelekewa nsembe ku mafano. Cikumbu mtima cao nicosalimba ndaba nicoonongeka. ⁸ Koma cakulya cutitwala lini kwa Mulungu. Nise batyalalini ngati tukulyalini, kapena kunkhala abwino ngati tukulya. ⁹ Koma onesheshani kuti mtendele wanu usankhale cokhumudwisha muyakine amene asali olimba mucikhulupililo. ¹⁰ Lomba ngati muyakine wakuona, uli na ciziwisho, ukulya cakulya mu kachisi ya mafano. Ko kufoka kwake mu cikumbumtima kumulengeshelini kulya vopelekewa ku mafano? ¹¹ Teto kamba ka kumvishisha kwanu za cilengedwa ca cendi pa mafano, ofoka umozi,mnekwanu wamene Yesu efwila, oonongeka. ¹² Mwa ici, mukacimwila anekwanu naku ononga cikumbu mtima cao cofoka, mwacimwila Kristu. ¹³ Teto, ngati cakulya cukhumudwisha mnekwasu, nikalyelini soti nyama, kuti nisamponeshe mnekwasu.